Trouz er gêr
Arvorig FM
Ur vanifestadeg evit ar yezhoù minorelet e Pariz
Erwan Blanchard, kelaouer war gefridi e Pariz gant Brudañ ha skignañ, en doa enrollet stourmerien ha stourmerezed a oa er vanifestadeg kaset gant "Evit ma vevo hor yezhoù" d'ar 7 a viz C'hwevrer :
---Gregory Moign, renerer lise Diwan Karaez
---Anwenn Bricaut-Salomon, liseadez
---Nina Bidault, liseadez
---Matilin Tepot, lisead
---Inès, ur skolajiadez eus bro Euskadi
---Yves-Marie Derbrée-Salaün, teñzorer Diwan
---Pol Molag, ezel eus ar strollad "Evit ma vevo hor yezhoù"
---Adèle Pinon-Langlais, dileuriadez. Kaozet he doa gant an deputeed.
Loeiz Noblet en deus savet ur c'harr-nij e-unan
Sevel ur c'harr-nij penn-da-benn ? Deuet eo a-benn d'e huñvre Loeiz Noblet ha padal ne oa ket a-vicher ! Deomp gantañ e aero-kleub Gwipavaz el lec'h m'emañ staliet Chouchennn 1, e garr-nij.
A-hed an abadenn e vo klevet Jean-Marie Jacq, blenier ivez. E fin e kinnigo ur gentel bleniañ ur c'harr-nij da Herve ar Beg. Enrollet e oa bet gantañ e 2011.
Embannet eo an abadenn gant Maëlys Poublanc.
Desliñ ober skol er maez gant Kristel Kombot
Digoret vo an abadenn gant kronikennoù Leo, Tess & Romane ha Lila eus lise Tristan Corbière Montroulez.
Testeni Kristell Kombod a vo klevet, skolarez e Sant Edern Ploudern, diwar-benn ur veaj bet graet ganti e Oslo gant Erasmus evit gwelet penaos e vez graet "skol er maez" d'ar skolidi ahont.
Klozet 'vo gant ur fablenn "Al Louarn ha Marharid gouzoug-hir". Gant Dominique Thepaut.
Gant Karolina.
"Brezhoneg ar 'ro" an eil abadenn.
Da zigeriñ an abadenn 'vo klevet kronikennoù savet gant Jean, Gwenvel ha Lou eus Lise Tristan Corbière e Montroulez.
Kendalc'het 'vo gant un dibab geriennoù ha lesanvioù a gaver 'barzh levr-pladenn Dastum Bro-Leon "Brezhoneg ar 'ro". Mikael Madeg 'vo klevet.
Ur fablenn goude-se gant Dominque Thepaut "Bodadeg gant ar Razed" hag e vo klozet gant barzhoneg Anjela Duval "Va c'halon" da geñver "Froudennoù Jil".
Gant Karolina
"Brezhoneg ar 'ro", an abadenn gentañ
Kaoz 'vo diwar-benn levr-pladenn " Brezhoneg ar 'ro" skrivet gant Mikael Madeg hag embannet gant dastum Bro-Leon.
Ur sell a-dostoc'h hiziv war ar pezh 'zo heverk da vrezhoneg Eusa a-fed yezh.
"Froudennoù Jil" a vo ivez: div varzhoneg ("Gwennilied" diwar ar Barzhaz Breizh, "Porzh" gant Roparz Hemon hag un ton warlerc'h dibabet gant Jil!)
Fin an abadenn e adkavimp Ildut a-benn displegañ ar mod da ober war-dro ar girzhier.
Gant Karolina.
Pemp strollad kan bodet e Gwipavaz evit ur veilhadeg ("TRO-KAN")
Pemp strollad kan eus ar vro a ginnigo ur veilhadeg fenoz e Gwipavaz. Kanerien ha kanerezed ar c'hevredigezhioù Skolpad Lokournan, Gwalarn (Ar Releg), War roudoù ar Gelted (Gwipavaz), An Daoulamm (Plougastell) hag Ar vro bagan (Plougerne) a vez bodet teir gwech ar bloaz evit kinnig ar c'hanaouennoù e brezhoneg o deus desket. Jean-Claude Emeillat, prezidant ar gevredigezh War roudoù ar Gelted, a lavaro hiroc'h diwar-benn an abadennoù-se anvet "TRO-KAN".
En abadenn-mañ ivez :
- Véronique Ladan hag hec'h avantur en abadenn dele Foeterien
- Ul lodenn eus yaouankiz Katerin ar Gov, 105 vloaz anezhi, maouez koshañ Daoulaz
Embannet eo an abadenn gant Maëlys Poublanc
Aet eo maout an taol lañs "Trio libre" gant Leved' Tatañ e Plougastell
Bep bloaz e miz Genver e kinnig Bleunioù Sivi, kelc'h keltiek Plougastell, un taol-lañs evit an triadoù a son sonerezh da zañsal. Ar bloaz-mañ eo aet ar maout gant ar strollad Leved' Tatañ. Klevet e vo Emma Gélébart eus Bleunioù Sivi ha Malo ar Gall, soner fleüt an triad "Leved' Tatañ".
Embannet eo an abadenn gant Maëlys Poublanc
Poltred : Irène Mopin
Peder c'hevredigezh eus Brest zo a-enep Republik Bro-C'hall ?
Peder c'hevredigezh eus Brest zo bet nullet o skoazell-arc'hant gant prefed Penn-ar-bed e 2023. Koulskoude e oa bet asantet gant ar gomision a zo e karg da zibab ar raktresoù "kef da ziorren ar vuhez kevredigezhel" (FDVA). Isprefed Brest en deus displeget da gCanal Ti zef n'eo ket bet roet ar skoazell dezhi abalamour ma n'he dije ket doujet da reolennoù Republik Bro C'hall. Klevet e vo Kristen Falc'hun eus Canal Ti Zef ha Pierre Servain eus ar gevredigezh Ekoumene ouzh mikro Erwan Blanchard.
E eil lodenn an abadenn e vo klevet ar gontadenn "Gwenneien an aotrou Skouarneg" 'bet kontet gant Agnès Chevalier e mediaoueg Lokournan e miz Genver.
Kinniget eo an abadenn gant Maëlys Poublanc
Stourm a-enep kreizenn nukleel Plougoñ displeget da liseidi eus Montroulez
Jean Moalic ha Fañch an Henaff a oa stourmerien a-enep kreizenn nukleel Plougoñ e fin ar bloavezhioù 1970 ha penn-kentañ ar bloavezhioù 1980. Pedet e oant bet gant Fabris Kadou ha Fañch Oger, kelennerien war ar brezhoneg e Montroulez, da gaozeal gant liseidi hentenn divyezhek Tristan Corbière.
Diwallit : son eil lodenn an abadenn a vo boud.