Avel em fenn

Diskouehadeg ar vevlisseurted er Roc'h Ugu get Salomé Rouault (eil tamm Pennad-kaoz ar sizhun) da glevout e fin an abadenn. Ur sujed get Maëlle Ausias (RKB).

Un daouad kanerezed fest-noz nevez a zo: an c'hoarezed Guelou (Awena & Klervi). Un atersadenn get Klervi Guelou e penn kommañs an abadenn. Dielloù kaset get Tomaz Laken (RKB) & foto a-gleiz get Eric Legret.

Hop Hop Hop! kronikenn Yfig Kalvez & Gwenole Ollivier (D'Istribilh) evit Arvorig FM.

Keleier ar vro get Yuna Cojean, Avel em fenn kaset dre-eeun a Bondi get Enora Molac.

Ur marc'had eo deuet de vout an c'hoari Magic. Get degadoù a viliadoù a c'hartennoù e c'heller gounid argant en ur preniñ ha gwerzhiñ ar re-se: setu ar pezh displeget get Riwan Marhic en doa krouet e chadenn [Magic Passion Carton] (https://www.youtube.com/@passioncarton) ar blez paset. Muioc'h getoñ e penn kommañs an abadenn.

EFED, em soñjal àr ar vevliesseurted a zo un diskouehadeg staliet er Roc'h Ugu. Muioc'h a-hed ar suhun mañ e kompagnunezh Salomé Rouault a zo henterez enno. Ur rubrikenn kaset get Maëlle Ausias (RKB).

Ar Redadeg a grogay a benn Digwener, loc'hiñ a ray a Blogo! Un digarez interesus evit FR3 Breizh da heuliiñ an darvoud a-hed ar sizhun, setu ar pezh a vez displeget get rener ar programoù e brezhoneg Mael Gwenneg.

En abadenn e adkavehet ivez 5vet tamm ar rubrikenn yec'hed, a-ziàr istoér ar vaksin get ar medisin-bet Alan Goulwen.

Keleier ar vro & ar bed get Erwan Blanchard, da adkavouit [AZE] (https://radiobreizh.bzh/programme/1) a-bezh. Avel em fenn oa skignet dre-eeun a Bondi ha kaset get Enora Molac.

[Distro en Baie] (https://optimiste29.fr/distro-en-baie/) : kaset e vo tud an dud àr vor evit ar blijadur. Digoret eo an troioù àr vor d'an dud nammet hepken (àr 1200 blas e chom 100...). Aozet an darvoud get ar gevredigezh Optimiste 29, àr porzh Treboul e Douarnenez. Muioc'h get prezidant an SNSM Louis Spinec, doc'h mikro Marianne Vaedi (Radio Kerne).

[La cabane] (http://escapethecaravan.fr/la-cabane/) : muioc'h a-ziàr escape game divoutin Gwen Townsend ha Tangi Simon, en eil tamm atersadenn!

300 000 euro setu budjet blehek [Brezhoweb] (https://www.brezhoweb.bzh/) . Muioc'h àr an tem get Florent Grouin karget ag ar produiñ evit ar chadenn tele àr internet.

Keleier ar vro get Tomaz Laken. Avel em fenn oa animet get Enora Molac dre-eeun a studio RBG e Pondi.

Estroc'h evit ar pezh a soñjer a vez da gas pa vezer soner a vicher. Ar sonadegoù a zo penn an isberg, hag ar peurest... Lod brasañ ag ar labour! Ar bleustradegoù, ar c'henurzhiiñ, an hent, ar c'hehentiñ, ar velestradur... Muioc'h get ar soner violoñ Elouan Le Couls (War Sav, Soñj, KBA 9) a zo tremenet dre studio RBG ar Lun mañ, ha savet e gompani Compagnie Beliza.

Kresket eskape-gamoù er vro èl potironed e-kerz ar bleadoù paset! An hoarioù preder a-stroll a dap muioc'h-mui a dud. Ur garavanenn nevez a c'hell degemer an dud evit ur bartienn preder stank. Savet e oa bet get Tangi Simon ha Gwen Townsend, e chom e Gomené. Da glevout goude ar c'heleier.

En abadenn mañ e adkavehet ivez Mael Gwenneg karget ag ar programmoù e brezhoneg e FR3 àr Bali Breizh e Kallag; muioc'h a-ziàr ur fizikour breizhad a vourre krouidigezhioù droch Corentin Louis Kevran (ganet e Kemper).

Keleier ar vro get Yuna Cojean. Un abadenn kaset get Enora Molac dre-eeun a Bondi e studio Radio Bro Gwened.

Foto: Eric Legret

Ur bourmenadenn war velo « retro » a vo disul adalek Gwareg !
Hennezh zo un darvoud aozet gant Ofis an douristelezh kumuniezh kumunioù Kreiz Breizh. Un abadenn digor d’an holl war roudoù treñ bihan ar vro. Mont a ray an dud « stipet ha nipet » gant dilhad mod kozh dre hent-houarn kozh kreiz Breizh, da lâret war an hent glas, ar « V6 », un hent gant e-leizh a istorioù hag ur roudenn gaer evit an divrojoù. War droad eo bet lakaet ar bourmenadenn-se war digarez ul lusk broadel anvet « Miz Mae war velo ». Un dra da vroudañ an dud da vont war varc’h-houarn, mod pe vod. Ha disul e vo plaen an hent, e-se e vo brav d’ar familhoù dont. Da ginnig ar bourmenadenn-se zo bet bodet forzh kevredigezhioù ha tud eus ar vro. Goulven Gentil eus Ti an Douristed e Kreiz Breizh a lavar hiroc’h deomp. Emañ ivez gant Dominique Jouve, bet pedet da zont da gontañ a bep seurt istorioù d’an dud a-hed an hanter-devezh-se.

Pennad-kaoz gant Tomaz Laken

Gourfennoù kampionad Breizh ar rugbi a oa bet disul e Perroz-Gireg !
Eizh krogad oa bet en deiz-se. Krogadoù paotred met ivez krogad diwezhañ sezon rugbi ar maouezed. Ar re-se a c’hoari gant dek c’hoarierez war an dachenn e pep skipailh. Rummad re goshañ ar « Breizh’Barians » a oa o c’hoari ouzh ar « Spered Breizh ». Hemañ diwezhañ zo ur skipailh savet diwar un emglev etre tri c’hlub, re Gemperle, Kemper ha Konkerne !
Tamm ha tamm ec’h a war-raok ar rugbi evit ar maouezed hag e vez gonezet gante peadra d’ober ar sport-se kenkoulz hag ar baotred. Abaoe ma vez gwelet skipailh Frañs ar rugbi maouezed o c’hoari en « tele » e teu muioc’h-mui a verc’hed d’ar skolioù rugbi… Disadorn c’hoazh e oa bet tost da 28 000 a dud e stad Chaban-Delmas Bourdel o sellout ouzh krogad diwezhañ tournamant 6 broad ar maouezed. Ar Frañs a oa o c’hoari e-tal Bro-Saoz.
Hiroc'h diwar-benn krogad disul gant ur c’hoarierez rugbi hag a zo harperez ar skipailh « Spered Breizh »... Caroline Andrieu.

Pennad-kaoz gant Tomaz Laken

(Foto Facebook Rugby Lannion Perros)

Dre benaos e vez moaien sevel ur mirdi istorel, diazezet war ar Rezistans en ul lec’h resis evel hini Koad Malouen ? Dre dielloù kavet er familhoù pe gant rezistanted bev c’hoazh. [Liloe Hemmert a labour er mirdi abaoe ur bloavezh, kinnig a ra deomp ar mirdi] (https://www.radiobreizh.bzh/episode/62362) hag an diskouezadeg savet evit reiñ enor d'ar roadennoù-mañ. Deomp neuze eno, gant trouzioù ar c’hoad Malouen tro-dro deomp.
Ar gronikenn 'Zhpenn ar Vretoned 'zo war [deformasion Tolosa] (https://www.radiobreizh.bzh/episode/61920) .
Keleier ar vro hag ar bed kinniget gant Yuna Cojean
Pevare lodenn Pennad-kaoz ar sizhun war ar c'han ar bobl.

Goulven Gentil deus Ofis an Douristelezh Kreiz Breizh, Padrig Ferog deus ar genvredigezh Raok ha Pierre-Yves Panse, deus an ti-feurm toazennoù Bro Fisel a zo war-eeun evit komz deus ar c'houlzad dizoloiñ embregerezhioù ar vro kaset gant Ofis an Douristelezh e-pad sizhunvezh kentañ vakañsoù Nevez-Hañv. Bep bloaz e vez aozet ur valeadenn e brezhoneg e-kerzh ar c'houlzad-mañ hag ar bloaz en deus Padrig Ferog kinniget mont ti Pierre-Yves Panse.
Keleier ar vro hag ar bed kinniget gant Erwan Blanchard
Lodenn diwezhañ Pennad-kaoz ar sizhun diwar-benn ar brezel etre Izrael hag an Hamas. Jeannot Flageul ha Mari-Elen Koskerig a gont pezh a c'hoarvezh e Sisjordania.

Dre benaos e vez moaien sevel ur mirdi istorel, diazezet war ar Rezistans en ul lec’h resis evel hini Koad Malouen ? Dre dielloù kavet er familhoù pe gant rezistanted bev c’hoazh. Peogwir ouzhpenn evit an dielloù diskoachet gant an istorourien.ezed eo prizius kaout un tiked boued pe ur maskl gaz bet kavet er grignol gant den-man-den. Mirdi ar Rezistans, staliet e kichen ar Stang Nevez e Sant Konan, a zo bet savet 12 vloaz ‘zo tro-dro da rezistanted Koad Malouen, ar c’hoad e-kichen, lec’h oa staliet un 300 den bennak e fin ar Brezel, dieubet gante kêr Gwengamp. Peseurt pouez en deus an dielloù familh evit mirdi ar Rezistans e Sant-Konan ? Penaos e teu familhoù ‘zo da zileuskel fotoioù pe lizhiri personel ? Penaos bezan sur eo rezistanted gwir tud o familh ?
Liloe Hemmert a labour er mirdi abaoe ur bloavezh, kinnig a ra deomp ar mirdi hag an diskouezadeg savet evit reiñ enor d'ar roadennoù-mañ. Deomp neuze eno, gant trouzioù ar c’hoad Malouen tro-dro deomp.

Kan ar Bobl 2024: ar goufenn oa dalc'het ar wikend paset. Klevet e vo Skol Sant Rivoal (Menez Are) e Pennad-kaoz ar sizhun.

Bout ur glokom en daoulagad ho lak da vout dall. Henri Dreau a zo tapet get ur glokom, kontiñ a ra a-ziàr e gleñved doc'h mikro Benjamin Bouard (Radio Kerne). Dominique Merrien a vo klevet en atersadenn ivez, da gontañ deomp ag ar valizenn bedagogel zo degouezhet e mediaoueg Gouezeg n'eus ket pell zo : binvioù evit d'ar re ne welont ket sklaer ken gallout lenn levrioù memestra.

Brezhoweb: [Pennad-kaoz a zo bet enrollet get Alan Stivell] (https://www.brezhoweb.bzh/Alan-stivell-pennad-kaoz_fiche_4347.html) , a zistro àr e vuhez soner.

Keleier ar vro get Metig Jakez Vargas, Avel em fenn oa skignet dre-eeun a Bondi get Enora Molac e studio RBG.