Avel em fenn

Kasting The Voice Kids: kanet oa bet Karantez vro get Youna Le Guen. Emgav dre bellgomz get ar grennardez, doc'h mikro Enora Molac.

Derc'hel de vonet, met bresk eo. Setu penaos eh a get ar gevredigezh Solidarité Exilés Hennebont. Muioc'h get André Le Meut doc'h mikro Yuna Cojean.

Stank an dibenn-sizhun koñkourioù e Pondi. 51tañ blead gourfenn Kan ar Bobl e oa. Adkavit ur reportaj àr blas, goude ar c'heleier.

Emgavioù ar Lun: Bali Breizh e Konk-Kerne get Mael Gwenneg rener programmoù brezhoneger FR3 Breizh, ha 5vet tamm a-ziàr istoér ar vaksin get Alan Goulwen.

Keleier ar vro & ar bed get Erwan Blanchard, buhezet an abadenn get Enora Molac dre-eeun a studio RBG e Pondi.

Digwener e vo [19vet konkour etrelise] (https://www.radiobreizh.bzh/episode/62244) al lise Danteg e Lannuon. Julien Cornic a zo rener Ti ar Vro Kawan, perzh deus an aozadur ha bet lisead pa oa bet aozet ar genstrivadeg gentañ.
Ar gronikenn [Ouzhpenn ar Vretoned 'zo war ar Bachkri] (https://www.radiobreizh.bzh/episode/60740) , ur vro deus Federasion Rusi.
Keleier ar vro hag ar bed gant Yuna Kojean
Pevare lodenn Pennad-kaoz ar sizhun war ar brezel Izrael-Hamas gant Jeanot Flageul ha Mari-Elen Koskerig o kontañ deus ar feulsterioù e Sisjordania.

Aozet e vo evit an 19vet gwech ar c’henstrivadeg rannvroel Sonerezh Breizh gant liseidi Félix Le Dantec e Lannuon d’an 19 a viz Ebrel 2024. Un toullad strolladoù a zo deuet da vezañ brudet dre Vreizh goude bezañ bet da c’hoari war al leurenn-se : Hamon-Martin, Spontus, Karma, War-Sav, Triskill, Digabestr, Llym, Skrijus… Ar c’honkour-man en deus ur plas ispisial e bed sonerezh Breizh peogwir e vroud liseidi da vont war al leurenn, da gaout ur plas e bed ar festoù-noz, e-touesk ar sonerien.ezed hag an danserien.ezed. Ar frankiz da senin pezh o deus c’hoant keit ma vo moaien da zansal, ar fed e vefe aozet gant liseidi setu perzhioù dibar evit ur c’honkour. Breman eo bet savet ur gevredigezh evit aozan ar genstrivadeg gant kevredigezhioù evel Tamm-kreiz pe Ti ar Vro Kawan.
Julien Cornic a zo rener Ti ar Vro Kawan ha bet lisead pa oa bet savet ar c’honkour etrelise kentan. Kontan a ra deomp penaos eo ganet ar genstrivadeg, penaos eo aozet ha peseurt plas en deus e-touesk ar c'honkourioù all ha sonerezh ar festoù-noz.
Muioc'h a ditouroù [amañ] (https://www.tiarvro22.bzh/index.php/2024/04/03/kenstrivadeg-al-liseou-19eme-concours-interlycees-19-04/)

Daoust ha anavezout a rit taolennoù kaer Fañch Vidamant ?
Ganet e oa bet an den e 1948 ha deuet da chom gant e wreg hag e vignoned en ur gêriadenn eus Sant-Servez e kreiz Breizh e 1971. Graet en doa anaoudegezh gant ar vro a-drugarez d’ar barzh Glenmor. Desket en doa livañ drezañ e-hunan. Meur a gant taolenn oa bet livet gantañ betek e varv trumm e 1982.

Ur gevredigezh oa bet savet e miz Even 2020 da reiñ an tu d’an dud da zizoleiñ pe da addizoleiñ Fañch Vidamant al « livour-peizant », hervez an anv roet d’ar gevredigezh. War-dro d’e verc’h Elisa Vidament e klask tud ar gevredigezh renabliñ e holl oberennoù. Stlabezet eo ar re-se e pep lec’h er vro ha n’eo ket aezet goût pelec’h emaint holl ! Bolontez he deus ar gevredigezh da sevel ur c’hatalog. Hennezh a vefe evel un ostilh d’an dud a faotfe dezhe lakaat war wel taolennoù diwar barr-livañ paotr kreiz Breizh. An taolennoù-se a vez miret e tier an dud alies.

Ha just a-walc’h e fell da dud ar gevredigezh ivez dastum testenioù digant an dud o deus anavezet Fañch Vidamant. Evel Yvonne ha Guy Berthou, eus Kallag, bet oc’h ober skol e Sant-Nigouden ha bet kamaraded vras d’al livour-peizant…

Pennad-kaoz gant Tomaz Laken

(Skeudenn - pep gwir miret strizh gant Association Fanch Vidament Peintre Paysan)

Ar gevredigezh "Fañch Vidament, peintre-paysan" a zo o klask renabliñ an holl taolennoù pe tresadennoù bet graet gant an arzour a oa staliet e Kreiz-Breizh. Evit komz deus an den ha deus e arz en deus Tomaz Laken merzhet e oa un daolenn e ti ur brezhoneger a Gallag : Guy Berthou, bet mignon gant Fañch Vidament.
Ar gronikenn Daouarn ha Pri, unan deus ar re ziwezhañ gant Awen Prigent, poder e Benac'h. Hag evit echuiñ e lak ac'hanomp da glevet an diforc'h etre ur pod faotet hag unan n'eo ket.
Keleier ar vro hag ar bed kinniget gant Metig Jakez Vargas.
Trede lodenn Pennad-kaoz ar sizhun war ar brezel etre Israel hag an Hamas. Klaod an Intanv, Mari-Elen Koskerig ha Jeano Flageul a respont da goulennoù Tomaz Laken.

Plouz & Foen a zo ur sapre daouad raperion, tapet ar maout gete e taol lañs GBB ar blez paset. Muioc'h àr o neventioù get Kadvael Jolivet alias Kavalou e penn kommañs an abadenn.

Pennad-kaoz ar sizhun: eil tamm an atersadenn a-ziàr an emlazh e bandenn Gaza. Un harzh-tenniñ a-benn" oa bet votet e miz Meurzh get Kuzul Surañtez an ABU (an ONU) ha n'eus bet efed ebet àr an dachenn. Muioc'h get Klaod an Intañv, besprezidant an AFPS Frañs Palestina Kengred doc'h mikro Tomaz Laken.

12 labour Asteriks a vez moian gwelet [er prantad-mañ àr Brezhoweb] (https://www.brezhoweb.bzh/Labour-asteriks_fiche_900.html) . Muioc'h get Florent Grouin, karget ag ar produiñ evit ar chadenn tele àr internet hollvrehonek.

Keleier ar vro get Erwan Blanchard. Avel em fenn oa kinniget dre-eeun ge Enora Molac dre-eeun a studio RBG e Pondi.

Ethnosid e Gaza: Ur mennad da c’houlenn « un harz-tennañ diouzhtu » oa bet votet e miz Meurzh gant Kuzul Surentez an ONU. Met hennezh n’en deus bet efed ebet war an dachenn. E-maez an Europ an hini eo e vez kavet ar broioù taerañ e-keñver Izrael, evel Kolombia da skouer. Ar vro-se a oa bet kaoz diwar he fenn e fin miz Meurzh e Lannuon, da goulz bodadeg sizhuniek an AFPS, ar Gevredigezh Frañs Palestina Kenskoazell… Tomaz Laken oa war blas. Ur pennad-kaoz da glevout goude ar c'heleier.

Kan ar Bobl: a benn ar wikend mañ e vo! Muioc'h get Gwenn Vorc'h, e-karg ag an dud a volonte-vat evit ar c'hoñkour. Un atersadenn kaset get Yuna Cojean.

Adkavit ivez Loeiz Belleg: ag eh eus petrol e Breizh? ha Mael Gwenneg, rener programmoù brezhonek FR3 àr neventioù Bali Breizh, hag ar raktres skolaj diwan nevez e bro Roazhon.

Keleier ar vro get Tomaz Laken, Avel em fenn oa kset dre-eeun a Bondi get Enora Molac.

Dilaosket eo raktres skolaj Diwan e savadur ar Genkiz e Perroz-Gireg. Hag e kreisteiz Bro-Dreger ivez eo dipitet tud Diwan gant diskleriadurioù ar bolitikourien. Kristof Markier ha Laurent Gall o deus respontet da goulennoù Tomaz Laken. Un digarez evit komz deus ar fest-noz souten a vo ivez.
Eil lodenn ar gronikenn Barzhaz war levr brazhonegoù Iwan Couée, gant Magali Baron
Keleier ar vro hag ar bed kinniget gant Metig Jakez Vargas
Displegadennoù Yann-Fanch Durand deus komite souten ospital Gwengamp diwar-benn ar vanifstadeg a vo disul e Gwengamp evit "hon yec'hed hag hon surentez sokial"

Galvet eo tud departamant Aodoù-an-Arvor ha pelloc’h da gejañ e Gwengamp disul da geñver ur vanifestadeg evit « hon sistem yec’hed hag hon surentez sokial ». Un dezerzh eo arru ar vro evit a sell ar yec’hed. Mankout a ra medesined boas, klasket e vez serriñ tier-gwilioudiñ pe servijoù trummadoù lakomp. Dimerc’her e oa bet emgav etre dilennidi eus ar vro, Annie C'hwerv, Pierre Saliou ha Visant ar Mo ha servijoù ministrerezh ar yec’hed. En emgav-se e oa bet komzet eus an degemer medesined eus Kuba da vastañ d’an ezhommoù war verr dermen ha da chom hep serriñ servijoù… Met n’eo ket graet ar jeu, se zo kaoz ez eus lakaet emgav ivez fenoz e Ti ar Vro Gwengamp da gomz eus ar strategiezh stourm da gas war-raok. Pedet eo an dud da zont da gaozeal eus kinnigoù war berr ha hir dermen : titlañ ar vedesined o deus bet un diplom e-maez Unvaniezh Europa ha kinnig dezhe labourat e Breizh, kreskiñ ar stummadurioù medesined e skolioù-meur ar vro pe c’hoazh studiañ a-dost azgoulennoù labourerien ar yec’hed da wellaat o buhez labour... Yann-Fañch Durand eus bodad difenn ospital Gwengamp a lavar hiroc’h deomp. Bet oa Tomaz Laken o kejañ outañ e-kreiz un diskouezadeg bet digoret ar sizhun-mañ dirak dor mediaoueg Gwengamp. Un diskouezadeg anvet « an arz da saveteiñ ar yec’hed »…

Emgav da 6e30 digwener 12 a viz Ebrel e Ti ar vro Gwengamp da gomz eus ar strategiezh stourm evit ar yec’hed er vro ha disul war parklec’h ar Roudourou da 2e goude kreisteiz evit un dibunadeg departamant !

Pennad-kaoz gant Tomaz Laken

Riwanon an Habask, dileuriadez an UBAPAR a zo deuet war-eeun e studio RKB evit kinnig ar gouel evit lidañ 40 vloaz ar gevredigezh a vo d'an 20 a viz Ebrel.
Keleier ar vro hag ar bed kinniget gant Anton Burel
Ul lodenn deus ar [podkastoù kaset war 40 vloaz an UBAPAR] (https://www.radiobreizh.bzh/programme/10953) diwar-benn ar stummadurioù DABU-DARE.