Avel em fenn
Radio Bro Gwened
Avel Em Fenn - Merc'her 9 a viz Here
E Sant-Koulman, e bro Raez, ez eus tud a stourm a-enep preizherien an douar hag ar sablegoù. Unan eus ar stourmerien.ezed "Ar Penn en Traezh " ( La tête dans le Sable) eo Emmanuelle Herbert. Displeg a ra ar rag hag ar perak eus ar vanifestadeg zo bet an dibenn-sizhun tremenet.
Maïwenn Raynaudon, eus ar gelaouenn Bretons a bresant un niverenn ispicial, gouestlet d'ar brezel Aljeria : penoas e bet merket ur rummad a Vreizhaded ha Vreizhadezed gant ar brezel-mañ ? Maïwenn Raynaudon, eus ar gelaouenn Bretons a bresant un niver ispicial gouestlet d'ar pezh oa anvet " An darvoudoù en Aljeria" gant ar gouarnamant Bro C'hall.
Izelaat an efedoù kaset gant ar chimioterapiezh : se e vefe unan eus palioù ar yun hervez Alan Goulven. Muioc'h ouzh mikro Enora Molac.
Keleier ar vro : Metig Jakez-Vargas
Teknik : Gweltaz Heno
Buheziñ : Yann Boishardy
Avel Em Fenn - Meurzh 8 a viz Here
Diwallit tudoù : kudennoù teknik a zo bet e-pad an abadenn neuze e vo berroc'h ar pokast evit kustum !
Abaoe bloavezhioù e vez dastumet c'hoarioù Breizh ha dielloù gant Serj Falezan. Fell a ra dezhañ treuzkas ur glad bevus d'ar re yaouank. Setu perak en deus krouet ur skol c'hoarioù Breizh e Plougonver. Displegañ a ra an traoù da Gwenvael Delanoe.
Derc'hel a ra Enora Molac klask kompren perak e vez choazet yuniñ gant lod. Goulennet he deus da Jean-Yves Broudig ha Maxime Crahé peogwir a ra vat dezhe .
Keleier ar vro : Anton Burel
Buheziñ Avel Em Fenn : Yann Boishardy
Teknik : Gweltaz Heno
Avel Em Fenn - Lun 7 a viz Here
Diaesoc'h-diaesañ eo kavout boued evit ar Restos du Coeur pe ar Secours Populaire. Abalamour da-se o deus soñjet tud eus Kallag krouiñ ur jardrin kengred. Ha n'eo ket tout : choajet o deus produiñ tonnennoù a legumaj en un doare bio war un hanter-devezh arat ! Jean-Baptiste Le Provost, peizant war e leve, a displeg deomp penaos e kerzh an traoù.
Paouez debriñ e-pad ur prantad bennakaet a c'hell bezañ ur choaz met ne ret ket yuniñ forzh penaos dre ma z'eo bezañ arvarus. Ma ho peus c'hoant yuniñ e c'hellit komz eus an afer-mañ gant ur medisin, ur vedisinez. Jean-Yves Broudig, a zo kustum da yuniñ, a displeg e vod d'ober da Enora Molac, eus Radio Bro Gwened.
Keleier ar vro : Gwenvael Delanoe.
Teknik : GWeltaz Heno
Buheziñ : Yann Boishardy
Avel em fenn - Gwener 4 a viz Gouel-Mikel
Petra sinifi 500 000 euro toull e kontoù Diwan? Muioc'h àr an enkadenn a vez bevet get ar rouedad e kompagnunezh Yves-Marie Derbré-Salaün an teñzorer, hag Anne-Sophie Bratz a zo bez-prezidantez e-karg ag ar c'hetañ derez evit Diwan.
Foér ar c'houlourdr a vo e Pederneg an dibenn-sizhun mañ! Ar bio a vo e kreiz an darvoud. Muioc'h get Jañ-Lou An Intañv doc'h mikro Maëlle Ausias (RKB).
Adkavit ivez War Hentoù an Antroposenn kronikenn Loeiz Belleg àr an deur implijet evit an naouegezh artifisiel (an I.A.) ha Magali Baron evit Kuzul ar Brehoneg er gronikenn Barzhaz, kaset get Tomaz Laken.
Keleier ar vro: Metig Jakez Vargas, dre-eeun a studio Radio Kerne e Ploneiz
Anim ha teknik Avel em Fenn: Enora Molac
Avel em fenn - Yaou 3 a viz Gouel-Mikel
"Diwan a zo frouezh ar bobl, setu e rankomp ivez trugarekaat an dud o deus roet ur blank deomp ha labouret evit harpiñ ar rouedad" komzoù trugarekaus Yves-Marie Derbré-Salaün teñzorer ar gevredigezh. Get Anne-Sophie Bratz bez-prezidantez Diwan emañ o komz ag an enkadenn a vez bevet get ar rouedad.
Blues e bro Vear, ar wikend-mañ e vo festival Blues des deux rivières! Muioc'h get Awen Prigeant doc'h mikro Gwenvael Delanoe.
Adkavit ivez Mael Gwenneg rener programmoù brezhoneg FR3 Breizh, komzet e vo ag an ezhomm a vez alies da zistaniñ an dud dirag ar c'hamera.
Keleier ar vro: Erwan Blanchard dre-eeun ag Arvorig FM (Landerne)
Teknik hag anim Avel em Fenn: Enora Molac dre-eeun a studio RBG (Pondi)
Avel em fenn - Merc'her 2 a viz Gouel-Mikel
Ar pacte-enseignant (kefridioù nevez) bet kinniget d'ar gelennerion.ezed ha skolaerion.ezed ar blez paset n'eus ket graet berzh er publik kement-se. Muioc'h a dud oa bet intereset get an afer er prevez, pe e hentennoù èl Diwan. Muioc'h get rener skolaj Diwan Kemper Erwan ar Berr, ha Ninnog Latimier, kelennerez enno. Aterset e oant bet get Morgane Bramoullé (Radio Kerne).
En arvar emañ Diwan. 500 000 euro a zo da rastellaat ken fin ar blez... Muioc'h àr ar c'hudennoù strukturel get Yves-Marie Derbré Salaün teñzorer ar rouedad, hag Anne-Sophie Bratz bez-prezidantez Diwan e-karg ag ar c'hetañ derez e pennad-kaoz ar sizhun mañ.
Neventioù Radio Breizh: un devezh etreradiooù a vo e kreiz miz Gouel-Mikel (miz Here) e Arvorig FM, da lakaat ar gopridi/gopradezed hag an dud a volonte-vat er radiooù d'em welet! Muioc'h get ar plac'h karget ag ar c'hehentiñ evit ar rouedad, Tara Adeux.
Keleier ar vro & ar bed: Metig Jakez Vargas (dre-eeun a Bloneiz e studio Radio Kerne)
Anim ha teknik Avel em fenn: Enora Molac dre-eeun a Bondi (RBG).
Avel Em Fenn - Meurzh 1 a viz Here
Elouan Ar C'houlz ha Kaorentin An Dalvay, izili eus ar strollad War-Sav, a displeg deomp petra a dalv enrollañ ur bladenn war-eeun ha penaos e vez paeet an enrolladenn gant an arc'hantaouiñ a-stroll, da lavaret eo ar "crowdfunding".
Deus arc'hant e vo kaozeet ivez gant Anne-Sophie Bratz hag Yves-Marie Derbré Salaun, eus Diwan. Diazamantoù a zo gant ar rouedad : Kresket ar prizioù dre vras met n'eo ket kresket ar gounidoù, en o mesk ar yalc'hadoù...Aterset in bet an daou den gant Enora Molac, eus Radio Bro Gwened.
Ne vo ket ar memes golo gant ar gelaouenn Bretons, ar miz-mañ. Perak ha penaos ? Muioc'h gant Maïwenn Raynaudon, penn-redaktourez enni.
Keleier : Gwenvael Delanoe
Buheziñ : Yann Boishardy
Teknik : Gweltaz Heno
Avel Em Fenn - Lun 30 a viz Gwengolo
Kaorentin An Dalvay hag Elouan Ar C'houlz, izili eus ar strolllad fest-noz War-Sav a gomz eus enrolladenn pladenn nevez ar strollad, un enrolladenn bet graet dirak an holl danserien ha danserezed e-pad an hañv, e Breizh a-bezh.
Ur genstrivadeg skrivañ filmoù a zo aozet gant Rannvro Vreizh, Frañs 3 ha Brezhoweb. Petra eo ar pal ? Displeget eo gant Florent Grouin, eus Brezhoweb.
Diwan, un enguouestl evit ar yezh abaoe kazi hanter-kant bloazh.. Met arvarus eo an traouù evit ar rouedad. Un hanter million a euroioù a zo da gavout evit ma vo moian paeañ ar goproù. Anne-Sophie Bratz, bez-presidantez evit ar c'hentañ derez, hag Yves-Marie Derbre Salaun, teñzorer, a zo ouzh mikro Enora Molac, eus Radio Bro Gwened.
Keleier ar vro hag ar bed : Metig Jakez-Vargas, Radio Kerne
Buheziñ Avel Em Fenn : Yann Boishardy
Teknik : Gweltaz Heno
Avel em fenn - Gwener 27 a viz Gwenholoñ
Un tub bras divent e tiskenn ag an oabl àr su ar mor, setu ur fenomen meteo n'eus bammet daoulagad ar moraerion yaouank àr ur vagig dre lien nebell, er Mor Bihan d'ar 7 a viz Gwenholoñ. E-mesk an dud àr vag oa Youena Baron, he deus kontet he avañtur. Un atersadenn da glevout e penn kommañs an abadenn.
Alzheimer a zo ur c'hleñved a dap ur bochad tud kozh. Muioc'h get ar medisin-bet Alan Goulwen er gronikenn Yec'hed.
Saig Jestin a zo deuet de vout brudet evit e labour àr ar c'hleuzioù. Muioc'h getoñ doc'h mikro Yann Boishardy (5vet tamm Pennad-Kaoz ar sizhun getoñ).
Keleier ar vro & ar bed: Anton Burel dre-eeun a Roazhon
Anim ha teknik Avel em Fenn: Enora Molac dre-eeun a Bondi (RBG)
Avel em fenn - Yaou 26 a viz Gwenholoñ
Ankenius eo choaz Anne Genetet e penn ministrerezh an deskadurezh Stad, hrewez Yves-Marie Derbré Salaün hag Anne-Sophie Bratz, o daou e burev Diwan. Muioc'h gete e penn kommañs an abadenn-mañ.
Krenadenn a zo raktres nevez Erwan Burban, a zo soner trompilh, kaner ha sonaozer. Muioc'h da glevout doc'h mikro Morgane Cotten (Radio Kerne).
Adkavit Saig Jestin paotr ar c'hleuzioù: hiriv e kont peseurt teknik a vez implijet getoñ evit sevel ur c'hleuz a feson. Un atersadenn evit Pennad-kaoz ar sizhun get Yann Boishardy (RKB).
Mael Gwenneg rener programmoù e brezhoneg fr3 Breizh a gont penaos e vo aozet an traoù evit abadenn ar vugale Na Petra 'ta.
Keleier ar vro & ar bed: Gwenvael Delanoe dre-eeun a Gwengamp e studio RKB
Anim & teknik Avel em Fenn: Enora Molac