Avel em fenn

Teñval eo dazont ar pesketa er vro. Muioc'h get Alain Le Sann a zo kenbrezidant ar c'henstroll Pesketa ha Diorren b'An Oriant. Un atersadenn get Enora Molac (RBG).

Un diover a sekretourezed·ien ti-kêr àr ar maezioù. Setu eil lodenn an heuliadenn get tud ti-kêr Plougonver Silvi Gwezennek ha Yannig Larvor. Pennad-Kaoz ar sizhun-mañ kinniget deoc'h get Tomaz Laken (RKB).

Deiziataer miz An Azvent a zay 'maez a benn Digwener àr Brezhoweb. Muioc'h get Florent Grouin, karget ag ar produiñ evit ar chadenn tele.

Un abadenn kinniget get Enora Molac dre-eeun a Radio Bro Gwened e Pondi. Keleier ar vro get Yuna Cojean.

Roiñ liv/goust ur lec'h hag ur sevenadur d'ar re nevez-arriv. Setu ur goulenn en deus ar soner Glenn Gouthe kredet añse c'hoari geti. Un teul-fillm 52' a vo savet getoñ, anvet [EVOR] (https://tiarvro-bro-gwened.bzh/news_bretagne/soutien-a-glenn-gouthe-pour-son-projet-de-film-documentaire-evor/) . Tud ar Mor-Bihan a gomzay ag o liamm get ar vro-se. Muioc'h e atersadenn penn kommañs an abadenn-mañ. Un atersadenn get Enora Molac.

Ur 100 a dud bennak a vank evit labourat èl sekretour·ez ti-kêr e departamant Aodoù an Arvor. Ha n'eo ket forh gwelloc'h e Penn ar Bed. E miz Even ag ar blez-mañ e oa bet kinniget ur lezenn get ar Sened evit roiñ talvoudegezh d'ar vicher. Muioc'h a vez roet da glevet e Pennad-kaoz ar sizhun mañ, kaset get Tomaz Laken (Radio Kreiz Breizh).

Adkavit ivez Alan Goulwen àr ar goustoù er gronikenn Yec'hed ha Mael Gwenneg, evit neventioù FR3.

Keleier ar vro get Tunvezh Wloeguen-Grandjean. Un abadenn kinniget dre-eeun a Bondi get Enora Molac

Sioù bras a zo e ti Cooperl: gwasket & bac'het an desaverion-moc'h, e-mesk traoù arall. Setu pezh bet dispaket get Splann! dre enklask kazetennerion Kristen Falc'hon hag Ivan Lovgenoff. Muioc'h da glevout get gopradez ar media Juliette Cabaço-Roger, doc'h mikro Tunvezh Wloeguen Grandjean. Adkavit an enklask enlinenn [AZE] (https://splann.org/br/enklask/cooperl-enklask-war-un-embregerezh-pemoch-ramzel/) .

En abadenn-mañ e oa bet klevet hirroc'h àr-dro istor Sklaerenn Galloudeg & he familh e Pashupatinath. An eskemm a-bezh get Caroline Trouillet da adkavout [en abadenn Tavarn Kreiz Mitin AMAÑ. ] (https://rbg.bzh/program/10675/page/1/)

Un abadenn kaset dre-eeun a studio RBG e Pondi get Enora Molac. [Keleier ar vro] (https://radiobreizh.bzh/programme/1) get Tunvezh Wloeguen Grandjean.

Sein, une île de résistance a zo e tan bout embannet e ti Montagnes Noires. Ar c'hazetenner hag istorour Bernez Rouz oa bet da glask istor don ha stank an dud o veviñ àr an enezenn da vare an eil brezel-bed. Un atersadenn kinniget get Radio Kerne.

Sklaerenn ar Galloudeg he doa bevet ha profet ur sapre skiant-prenet dezhi ha d'he familh en ur vonet da veajiñ e-pad 6 miz e broioù India, Nepal ha Malaizia. Muioc'h da glevout e Pennad-kaoz ar sizhun-mañ, un atersadenn bet graet evit an abadenn [Tavarn Kreiz Mitin] (https://rbg.bzh/program/10675/page/1/) get Caroline Trouillet.

Carmen Le Bris a oa bet klañv, asambl get razh ar geriadenn e bro ar Maasaied pa oa bet degemeret enno. Round-up oa bet strewet àr un dachad, e zebre enni saout oa desavet get ar Maasaied... Muioc'h da glevout er gronikenn Beajoù.

Un abadenn kaset dr-eeeun a Bondi e studio Radio Bro Gwened get Enora Molac. [Keleier ar vro] (https://radiobreizh.bzh/programme/1) get Anton Burel.

Divizet eo bet d'ar 7/11 skriv ur lezenn get ar Sened evit dilemmel an AME - sikour yec'hedel ar Stad d'an dud dibaper (AME - Aidé Médicale d'Etat). Mediniserion·ezed, kevredigezhioù... Kalz a dud a zo mantret. Muioc'h da glevout a-ziàr ar pezh a vez bevet àr an dachenn get Christian Ar Meut, ag ar gevredigezh Solidarité Exilés Hennebont. Un atersadenn get Yuna Cojean.

Traoù dic'hortoz a c'heller gwelet gweave... Muioc'h a-ziàr ar prizioù "loufok" Ig Nobel get Loeiz Belleg er gronikenn fizik! War hentoù an antroposenn.

Tudennoù dibar a c'heller daremprediñ gete en ur vonet un tammig pelloc'h er vro! Ar wezh-mañ e vez lakaet àr wel bro Kastellin-Pleyben get skipailhad Bali Breizh, Frañs 3 Breizh. Muioc'h get Maël Gwenneg karget ag ar programmoù.

Beaj Sklaerenn Galloudeg hag he familh a zo bet ur sapre skiant-prenet da zizoleiñ ar bed. India, Nepal ha Malaisia a zo bet gweladennet gete. Muioc'h da glevet e [Tavarn Kreiz Mitin ] (https://rbg.bzh/program/10675/) Caroline Trouillet.

Un abadenn kaset dre-eeun a Radio Bro Gwened e Pondi get Enora Molac. [Keleier ar vro] (https://radiobreizh.bzh/programme/1) get Metig Jakez Vargas.

Julien Cornic a zo rener Ti ar Vro Kawan. Kontañ a ra amañ an oberezhioù nevez savet gante ar bloaz-mañ :
- Ur programm [buheziñ e brezhoneg 'barzh 18 EHPAD] (https://www.tiarvro22.bzh/index.php/2023/09/29/ti-ar-vro-ouverture-dun-service-danimations-en-breton-pour-les-personnes-agees/) e Bro Dreger
- An darvoud [ Breizh Okitania ] (https://www.tiarvro22.bzh/index.php/2023/11/06/breizh-okitania-bretagne-occitanie/) etre ar 25 hag ar 26 a viz Du

Adlañset eo ar c'honkour Soubenn gant Skol Diwan Plounevez-Moedeg ! Un darvoud da strollañ tud Plounevez e sal ar Gouelioù d'ur sadorn da noz, d'an 18 a viz Du, evit evañ ha barnañ soubennoù.
Rozenn an Dreo a gont deomp petra eo ha perak en ober ha kas a ra deomp da soñj emañ savadur ar skol perc'hennet gant kevredigezh tud bugale ar skol, an AEP (Association d'Education Populaire).
Klevet 'vo ivez bugale ar skol, klasad Yann Descognets, war an doare m'o do da brepariñ ur soubenn.

Dec'h e veze anoñset get ar gouarnamant e vo [klasket en "sistematek" ] (https://www.handicap.gouv.fr/nouvelle-strategie-nationale-pour-les-troubles-du-neurodeveloppement-autisme-dys-tdah-tdi) ar vugale a-raog 6 vlez, tapet get dizurzioù dys, TDI pe TDAH: Trouble du déficit de l'attention -get hyperactivité pe get/ Klasket e vo e skolioù ar vugale tapet get autism/aotegezh ivez. Hirroc'h a-ziàr an TDAH hiriv en abadenn get Céline, a zo mamm ur paotrig 8 vlez tapet get an dizurz TDAH.

E pleg an hent a zo kronikenn psiko Maëlle Ausias (Radio Kreiz Breizh), get displegadennoù ar bredour Clément Guillanton, sell Freud & Lacan àr ar lavar. Muioc'h a rannoù [AZE] (https://www.rkb.bzh/e-pleg-an-hent/) .

Hiriv b'an abadenn e vo adkavet Yoann Colas a-ziàr aozadur ar vuhez àr-dro d'an dachenn 100 davad e Plufur, e pennad-kaoz ar sizhun.

Kaset an abadenn dre-eeun a studio RBG e Pondi get Enora Molac, [Keleier ar vro hag ar bed] (https://radiobreizh.bzh/programme/1) get Erwan Blanchard.

Ar 41vet Breizh a Gan a vo d'an 2 & 3 a viz An Azvent (Kerzu) e Gwened. Un darvoud a roay ur plas bras d'an c'han a-gor a vro Gwened. Deuet eo Youenn Boulig, goprad ar gevredigezh Kanomp Breizh da zispleg hirroc'h.

Kompliketoc'h en devout ar gwirioù evit skigniñ animeoù (tresadennoù-bev feson manga, a vro Japan). Muioc'h da glevout get Florent Grouin, karget ag ar produiñ evit Brezhoweb. Muioc'h ivez a-ziàr an anime nevez Disheñwel on me.

Adkavet e vo an dachenn Wazh-Wenn e Plufur, e-dan ar glav e kompagnunezh Yoann Colas. Pennad-kaoz ar suhun kinniget get Maëlle Ausias a Radio Kreiz Breizh.

Un abadenn kaset get Enora Molac dre-eeun a Bondi e studio RBG. Keleier ar vro get Anton Burel.

Mand oc'h ganet er bleadoù 90 ho peus marse wal c'huitet prantad ar boutailhoù « consigne »... ar boutailhoù gwer oa moian rentiñ d'ar produer pe d'ar gwerzher pa oent gouli. Lod 'zo a ra get ar re se en-dro. Muioc'h get Uisant Crequer ag ar c'hooperative Distro doc'h mikro Morgane Bramoullé (Radio Kerne).

E pennad-kaoz ar suhun-mañ e vimp get desaverion daved staliet e Plufur. Emant e klask tud evit preniñ an douaroù, dre Liamm an Douar (Terre de Liens) muioc'h get Yoann Colas ha Jañ-Lou An Intanv, ur reportaj get Maëlle Ausias a Radio Kreiz Breizh.

Suhuniad ar "yezhoù rannvroel" eo àr FR3. Mael Gwenneg e-karg ag ar programmoù e brezhoneg evit FR3 Breizh, o tispleg an traoù. (Gwelloc'h ober get yezhoù minorelaet...)


Un abadenn kinniget get Enora Molac dre-eeun a studio RBG e Pondi.