Avel em fenn
Radio Bro Gwened
Avel em fenn - Yaou 14 a viz Gwengolo
Chrisitian Rivoalen, ezel deus ar gevredigezh Dañs Tro a zo war eeun an hanter eurvezh gentañ evit komz deus Nozvezh ar gavotenn a zo etre ar 14 hag ar 17 a viz Gwengolo. Displegañ a ra perak o deus choazet skignañ ar film "Et pourtant ils dansent", ar plas a roont d'ar brezhoneg dre ar veilhadeg a vo d'ar gwener da noz, ar fest-noz d'ar sadorn hag an enor da Louis Lofficial.
Keleier ar vro hag ar bed kinniget gant Anton Burel
Pevare lodenn Pennad Kaoz ar sizhun gant Gael Pedron, medisinez e Rostren evit komz deus ar stourm evit derc'hel digor ar servij trummadoù deus noz e ospital Karaez.
Avel em Fenn - Merc'her 13 a viz Gwenholoñ
[Brezel ar parkeier ] (https://radiobreizh.bzh/episode/58473) a zo enklask nevez ar media dizalc'h Splann! graet get ar gazetennerez Julie Lallouët Geffroy. Muioc'h da glevout a-ziàr ar perc'henniñ àr an douaroù labourerezh-douar, e penn kommañs an abadenn get Juliette Cabaço ROger gopradez Splann!
Levezon ar rummadoù koshoc'h er familh a c'hell bout klevet pell pell goude marv an dud. Ur psikoz a c'hell donet ag an traoù diaes bet bevet get ar remziadoù koshoc'h. [Muioc'h a-ziàr an anv familh] (https://www.radiobreizh.bzh/episode/58472) get ar bredour Clément Guillanton, ur gronikenn get Maëlle Ausias (Radio Kreiz Breizh).
Pennad-kaoz ar sizhun a zo a-ziàr trummadoù ospital Karaez a zo serr e-pad an hañv a-houde penn kommañs an hañv, ur sujed get Maëlle Ausias da glevout goude [ Keleier ar vro] (https://radiobreizh.bzh/programme/1) Tomaz Laken.
Avel en Fenn - Meurzh 12 a viz Gwenholoñ
Clara Thabard a zo ur vaouez a vro Goelo, ganet e Pempoull, deuet da veviñ e bro Pondi. O labourat evit [Perenn] (https://www.facebook.com/perennklegereg/?locale=fr_FR) emañ [, ] (https://www.facebook.com/perennklegereg/?locale=fr_FR) hag evit sinema [CineRoch] (https://www.cineroch.fr/fr) Ar Gemene ivez. E kreizh ar vuhez sevenadurel, setu poltred ur vaouez entanet.
E kounar emañ tud ar vro Poher get an diover a drumadoù e-pad an noz a-houde 2,5 miz. Diriaou vitin e oa aet un 200 manifester ag ospital Karaez da brefeti Penn ar Bed e Kemper, d'añse hijiñ servijoù ar prefeti evit ma vo digoret an trumadoù e ospital Karaez en-dro. Hiriv e pennad-kaoz ar sizhun e vo klevet Marie-Antoinette Quillerou, Matthieu Guillemot hag ur bomperez a volonte-vat. Ur pennad kaset get Tomaz Laken ha frammet get Maëlle Ausias (Radio Kreiz Breizh).
Emañ Brezhoweb o klask àr lec'h un den da sikour get ar produiñ! Muioc'h àr [lec'hienn an Ubapar] (https://labourzo.ubapar.bzh/spip.php?page=voirFiche&id_article=54&emp_id=2644)
Enklask nevez Splann ! war ar SAFER 1/2
SPLANN a zo o paouez embann un enklask nevez diwar-benn an douaroù e Breizh : brezel ar parkeier ec’h anv. C’hoant en deus bet ar media dizalc’h-mañ klask reiñ da gompren perak eo ken kompliket da dud zo lañsañ ur feurm nevez e-keit ha ma vez ken aezet da reoù all brasaat o hini. Komzet e vez deus ar SAFER alies evel arouez ur ur sistem direizh. Met merzhet o deus kazetennerien/ezed Splann ne oa ket ken simpl an afer. Diskouez a reont ar pouez o devez an darempredoù denel feuls etre labourerien-douar en aferioù douaroù, etre ar re vras hag ar re vunut lakomp. Juliette Cabaco Roger a zo gopradez Splann ha displegañ a ra deomp ‘blam da betra o deus kaset da benn an enklask-mañ.
Un enklask bet skrivet gant Julie Lallouet Geffroy ha troet e brezhoneg gant Riwanon Kallag.
Benn nebeut e vo kinniget deoc’h ur testeni, ur skouer, deus doareoù o devez labourerien-douar gant galloud da lakaat gwask war tud o n’em stalian dre istor peizanted deus Benac’h.
Avel em Fenn - Lun 11 a viz Gwenholoñ
A-houde penn kommañs an hañv e rank tud ar Poher monet da Vrest, Montroulez pe Gwengamp evit bout trumadoù (urjañsoù). Trumadoù Karaez a zo serret e-pad an noz... Sañset e oa bout digoret ar servij en ospital en-dro e miz Gwenholoñ met n'eo ket bet graet. Ag an afer e komzamp a-hed ar sizhun-mañ e pennad-kaoz ar sizhun, kaset get Tomaz Laken (RKB).
Diskâret spontus gwelet ar boblañs e-kerz 50 vlez. Berrwell emañ bremañ 30% ag ar boblañs àr-dro d'ar blanedenn... Muioc'h àr ar fenomen er gronikenn Yec'hed get ar medisin-bet Alan Goulwen.
Muioc'h a-ziàr Ti Kengred Kermarron Douarnenez ivez, e penn kommañs an abadenn!
Avel em fenn a zo skignet dre-eeun, kaset ar Lun mañ get Enora Molac e Radio Bro Gwened.
Foto ar pennad © Ouest-France
Avel em fenn - Gwener 8 a viz Gwengolo
Dimerc'her e oa prosez Erwan Chartier hag ar Poher a-enep d'ur gazetenn faskour evit o kunujennoù. Enora Molac a zo bet er prosez e lez-varn an Oriant hag aterset he deus Erwan Chartier.
Bleunwenn Konan a zo prezidantez ar gevredigezh Topariti a aoz ur fest-noz e Pleuveur Bodoù d'ar sadorn 9 a viz Gwengolo, kontañ a ra deomp hirorc'h war ar fest-noz-mañ.
Ar gronikenn Barzhaz gant ul lenadenn deus Tomaz Laken, ur bomm deus an danevell Tavarn ar Pont Du bet skrivet gant Ernest Barzhig.
[Keleier ar vro hag ar bed gant Anton Burel] (https://www.radiobreizh.bzh/episode/58354)
Lodenn diwezhañ pennad-kaoz ar sizhun diwar-benn ar barzh Jorj Perroz kontet deomp gant Louis-Jacques Suignard.
Sonerezh : Tekmao, O djali, Frente Cumbiero
Avel em fenn - Yaou 7 a viz Gwengolo
«Ar grouidigezh a zo spagus, deoc’h da rein ‘nezhi d’ar muian a dud», setu pezh a lâre Einstein, ha setu pezh a adlâr ar Sonart, skol sonerezh kevredigezhiel Kallag-Boulvriag. Kristof Markier a zo tad div blac'h o kemer kentelioù sonerezh er Sonart, [setu e displegadennoù] (https://www.radiobreizh.bzh/episode/58348) .
[Ar gronikenn Daouarn ha Pri] (https://www.radiobreizh.bzh/episode/58346) , ur gronikenn diwar-benn ar poderezh. Awen Prigent a zo poder e Benac'h ha displegañ a ra deomp penaos sevel un tass uhel.
Keleier ar vro gant Erwan Blanchard.
Pevare lodenn Pennad-kaoz ar sizhun diwar-benn Jorj Perroz.
Sonerezh : Blue Jay, FBL, Isaac & Nora
Distro-skol skol arzoù kevredigezhel Kallag-Boulvriag
«Ar grouidigezh a zo spagus, deoc’h da rein ‘nezhi d’ar muian a dud», setu pezh a lâre Einstein, ha setu pezh a adlâr ar Sonart, skol sonerezh kevredigezhiel Kallag-Boulvriag. War ar maez, pa ne vez aozadur ebet o kinnig kentelioù arz eo ret d’an dud n’em aozan evit en ober. Abaoe 10 vloaz eo strollet kelennerien.ezed bro Kallag-Boulvriag er Sonart evit kinnig kentelioù.
En Emvod Meur miz Mae tremenet o deus lâret d’o skolidi oa start dezho derc’hel gant an aozadur. Setu aï neuze tud nevez er c’huzul-meran evit rein ul lans nevez d’ar skol.
Kristof Markier a zo unan dionte ha kinnig a ra deomp ar skol-man.
Avel em fenn - Merc'her 6 a viz Gwengolo
Ur sell war distro-skol ar skolioù Divyezh gant Renan Kerbiquet, rener Kelennomp ! evit komañs an abadenn. Hag ur reportajig e skol Diwan Pondi.
Ar gronikenn E pleg an hent gant Clement Guillanton o komz deus [penn-komañs ar psikoz] (https://www.radiobreizh.bzh/episode/58345) , dreist-holl touesk an dud yaouank.
[Keleier ar vro hag ar bed kinniget gant Tomaz Laken] (https://www.radiobreizh.bzh/episode/58342)
Trede lodenn Pennad-kaoz ar sizhun gant Louis-Jacques Suignard o kontañ buhez ar barzh Jorj Perroz.
Sonerezh : Luizga+Izem, Manran, Hadouti Orkestar
Avel em Fenn ar Meurzh 5 a viz Gwengolo
40 vlez eo Radio Bro Gwened ! Kroget oa bet an traoù e 1983 e ti Loeiz Belleg, a glevehet en abadenn-mañ o komz doc'h mikro Yuna Cojean asambl get Maryse Fillion.
Da glevet ivez en abadenn: lañset ur sezon nevez evit Brezhoweb ivez, Florent Grouin karget a broduiñ ar chadenn tele àr internet a zo genemp. Ar barzh Jorj Perroz n'oe awenet ur bochad tud, en o mesk Louis Jacques Suignard. Aterset oa bet get Tomaz Laken (RKB). Keleier ar vro Anton Burel da glevet ivez e kreiz an abadenn.
Kaset an abadenn get Enora Molac dre-eeun e studio Radio Bro Gwened.