Avel em fenn

Kommañs a ra ar sezon radio en-dro, get ar mem skipailhad. Kaset an afer get Enora Molac dre-eeun e penn kommañs ar sizhun, Maëlle Ausias e Radio Kreiz Breizh a vo e fin ar sizhun!
Ar lun-mañ:
- Krouidigezhioù danvez dilhad dibar Nolwenn Faligot displeget get 2 dañserez a labour geti Morgan ha Diane, a zo bet aterset b'An Oriant e kreiz an hañv goude an diskouezhadeg e Emvod ar Gelted.
- Poèmes Bleus, Papiers Collés pe La vie ordinaire a zo bet skrivet get Jorj Perroz, muioc'h a-ziàr ar barzh e pennad-kaoz ar sizhun kaset get Tomaz Laken (RKB) !
- Krign-bev ar lounezi a zo ur sapre afer, displeget get ar medisin-bet Alan Goulwen, er gronikenn yec'hed.
Joa deoc'h !

Deus an 29 a viz Even betek ar 7 a viz Gouere 2023 e oa e Rättvik e bro Sweden ur c'hamp sonerezh hengounel etrevroadel evit an dud etre 18 ha 25 vloaz.
Ar bloaz-mañ eo aet Koulm Puilhandre hag Aziliz Laudrin eno. Setu neuze o zesteni 'sambles gant un enroladenn deus ar sonadeg fin bet kaset d'ar 6 a viz Gouere.

Awen Prigent a zo poder abaoe un nebeut bloavezhioù. Ezel eo deus ar gevredigezh Les 10 mondes a aoz evit an eil wezh ar festival Bell' Fest e Benac'h dibenn-sizhun diwezhañ miz Gouere. Ur festival troet tro-dro d'ur marc'had artizanel mes ivez gant diskouezadegoù, sonadegoù hag un aergelc'h plijus e kreiz bourk Benac'h.
'Bloaz paset e oa deuet 3 000 den e-kerzh an dibenn-sizhun.
Awen a gont deomp petra eo bezañ artizan hiriv an deiz, penaos eo bet choazet ar re a vo amañ evit ar marc'had ha titouroù diwar-benn ar gouel.

Bep bloaz e vez aozet gant ar gevredigezh Ty films emgav an teul-filmoù fin miz Even e Melioneg. Deus ar yaou betek ar sul e vez diskouezet teul-filmoù bet dibabet, kinniget atelieroù ha lakaet da selaou teul-sonioù ivez.
Deuet eo Gildas Heno, ezel deus ar Bodad dibab filmoù da gomz war-eeun d'ar gwener 23 a viz Even, e kreiz ar festival.

Dirak marchosi ar Maner Ruz omp gant Isabelle Gueguen, liammet bras gant Kastell Trevare peogwir eo ganet he familh eno ha labouret evit James Kerjegu hag ar Markiz.
Goude Keleier ar Vro da 5e30 kinniget gant Anton Burel e vo klevet trede lodenn Pennad-kaoz ar sizhun diwar-benn ar Baramel, un davarn bet digoret nevez 'zo e bourk Mael Pestivien.

Evit kregiñ an eil sizhunvezh war an hent, emaomp e Menez Are, e Brasparzh, degemeret gant Ti Menez Are. En abadenn e vo klevet Michel Cluytens kuzulier-kêr e Sant-Riwal, Yann Gilbert geobiologour o chom e Sant-Kadoù ha Stephane Merrer, rener Ti Menez Are.

Un diforc'h zo graet etre liseaned ar filierennoù divyezhek hag ar re all da goulz an tremen e termen klas ! Sell aze ar pezh a zo bet lakaet war wel gant Divyezh Breizh ar sizhun-mañ. Nevez zo, e lise Feliks an Danteg Lannuon, zo bet goulennet dre heg digant 4 lisean ha liseanez dilezel unan eus ar yezhoù bev bet studiet gante er c'hentañ klas er bloaz-mañ.

Diwar-vremañ e vefe ret da liseaned hentadoù divyezhek ar vro choaz etre studiañ un deirvet yezh vev ha studiañ un opsion. An ospion-se a c'hall bezañ ur yezh : evit pezh sell ar 4 lisean a zo kaoz dionte emaint o studiañ italianeg. Goulenn a reer digante neuze choaz etre an italianeg hag ar spagnoleg pe an alamaneg evit unan anezhe...

E miz Here tremenet e oa bet kaset ul lizher gant Eddy Penven, prezidant Divyezh Breizh, da rektor akademiezh Roazhon da zedennañ e evezh war ar skoilh-se. Met n'eus ket bet respontet dezhañ gwech ebet..

Hiroc'h gant Laurent ar Gov, kelenner istor-douaroniezh e lise Lannuon.

Embannet o deus tud Divyezh Breizh e oant prest da gas an afer betek lez-varn ar velestradurezh ma ne vefe ket diluziet prim ar skoulm gant ar rektoriezh.

Pennad-kaoz gant Tomaz Laken

(foto Twitter Stéphani·e Stoll)

Evit eil abadenn war an hent Radio Kreiz Breizh ez eo war ur vagig war kanol Naoned Brest, e Gwareg eo bet kinniget un abadenn gant Romain Sponnagel war-eeun.
Un abadenn kinniget gant Maëlle Ausias ha Bleuenn Le Lay, gant sikour Virginie Botrel hag Anthony Guignard deus an teknik.

Abadenn gentañ RKB War an hent, e EHPAD Sant Nikolaz ar Pelem, evit mont da welet Marsel Gwilhouz, unan deus krouerien Radio Kreiz Breizh.
Josette Guéguen a oa war-eeun evit komz deus ar stummadur he deus lakaet e plas un nebeut mizioù 'zo evit deskiñ brezhoneg d'ar re a labour en EHPADoù.
E fin an abadenn emañ Denis Lachiver, deus Gurunhuel o kontañ penaos e ra war dro d'e vamm a zo 104 bloaz gant e bredeur ha c'hoarezed.
Un abadenn savet gant Maëlle Ausias ha Bleuenn Le Lay, gant sikour Virginie Botrel ha Anthony Guignard deus an teknik.

E Breizh, er mizioù tremenet, eo aet war gresk ar c'hlemmoù savet da heul feulsterioù graet gant tud eus an tu dehoù-pellañ : kunujenniñ war internet, skignañ traktoù gouennelour, reiñ da grediñ zo bet lakaet ur vombezenn, livañ kroazioù kamm, tagañ tud, klask ampech arvestoù, gourdrouz lazhañ pe c'hoazh lakaat gwask war dilennidi lec'hel. Niverusoc'h-niverusañ ar feulsterioù met ne vez ket klevet kalz a bolitikourien er vro o kemer ar gaoz war ar sujed koulskoude...

Met e Rostrenn n'eo ket bet kont er-mod-se. Ouzhpenn 400 a dud oa bet o vanifestiñ er gêr-se d'ar 26 a viz Mae 2023. Ur respont d'an tagoù nazi bet graet eizhtez a-raok ouzh meur a savadur eus kêr : ouzh ti ar CGT, ouzh hini ar Sikour-Pobl hag ouzh restaorant ar « C'hebab aour ». Ha start e oa bet en deiz-se geriennoù Gwilhom Robig, maer Rostrenn... Ur reportaj digant Tomaz Laken ma vo klevet ivez soñj div blac'h eus ar vro.

Kerzhet oa bet gant an dud betek leur « ar Re Reizh » e-lec'h ma oa bet lakaet ur boked fleur skrivet warnañ « Solidaires contre l'intolérance ». Eno o devoa kimiadet an dud diwar Kanaouenn ar Bartizaned kanet ha sonet gant Rozenn Taleg ha Soaig Siberil...

Reportaj gant Tomaz Laken