Trouz er gêr

Poent eo soñjal e profoù diwezhañ a-raok Nedeleg ! Ha perak pas profañ al levr-pladenn "Ar Marc'h Dall" ? Arnaud Elegoet embanner al levr nevez-mañ a oa ouzh mikro Reun Treger.
Hag evit bezañ awenet ez imp e eil lodenn an abadenn war marc'hadoù Nedeleg Brest ha Landerne gant Jonathan, Sterenn ha J-B.
Nedeleg laouen !
Un abadenn enrollet gant Maëlys.

O paouez embann "Mikak la fille de l'océan" ul levr gant ur bladenn sonerezh emañ Katell Kloareg. Ar gontadenn-mañ a vo kinniget d'an 21 a viz Kerzu e Boneur. Ar pennad-kaoz-mañ a zo bet enrollet gant Pauline Daniel.
E eil lodenn an abadenn e vo graet tro iliz Lambaol-Gwimilio heñchet gant Jean Pouliquen. Abaoe 30 vloaz e sav Jean ur sapre kraou Nedeleg enni.
Kudennoù zo gant son an eil pennad-kaoz, digarezit ac'hanomp.

Gant Maëlys

Gant paotred Tekmao e 'vo kinniget o fladennig nevez embannet "The drunken rebelioñs".
Cheñchamant stil avat! Awenet int bet an taol-mañ gant kanaouennoù a Vro-Iwerzhon ha pedet "Belioñs" da zont da ganañ ganto.
Malo Jentil, Gweltaz Foulon ha Malo Breton enrollet gant Karolina

Degemer mat e ti Awenn Plougoulm e Kommanna. Ar gonterez a ginnigo hec'h abadenn "Nij" d'an 21 a viz Kerzu e Lesneven. Klevet e vo binviji enni hag en o zouez... ur vibrafon !

O paouez sevel videoioù evit "Kan ar bobl" emañ Jakez Ar Borgn e ti strollad ar vro Bagan. Klevet e vo Maryvonne Berthou hag Egareg Kervella o deus kemeret perzh er raktres-mañ.
Gant Maëlys

Solen Lesouef 'zo luderez hag ezel eus ar gevredigezh Artatak. O klask arc'hant emañ ar skipailh er mare-mañ evit sevel ur c'hafe-atalier a-benn miz C'hwevrer e bourc'h Plouneour-Menez.
E fin an abadenn e vo klevet Yvette Lucas eus Ofis retredidi Brest (ORB) ouzh mikro Hermine de Kerorguen. Aozañ a ra emgavioù anvet "Kafe" yezhoù.
Kinniget gant Maëlys.

Betek an eil a viz Geñver e vo da gaout, e palier ar Roc’han e Landerne, un diskouezadeg gant Yann Kersale "Expéditions Lumière"
Graet 'vo tro an diskouezadeg gant Solange Kloareg, e-karg eus ar c'henurzhiañ sevenadurel e ti-kear Landerne.
Anv 'vo ivez eus ur stal-geginañ bet aozet gant Ti ar Vro-Leon 'lec'h ma oa deuet ar c'heginer Dylan Simon.
Un abadenn enrollet gant Karolina

Ha setu an eil abadenn gouestlet da Zastum Bro-Leon ha Dastum Breizh.
Kristof Nikolaz, enrollet gant Karolina

Ar bloaz-mañ e vez lidet 25 bloaz Dastum Bro-Leon hag 50 vloaz Dastum Breizh.
Un digarez da zont en-dro war istor hag oberezhioù ar c'hevredigezhioù-se.
Kinniget 'vo ivez ar raktresoù a zo war ar stern ganto. Hag e vo klevet un dibab a zielloù graet gant Kristof Nikolaz, prezidant kevredigezh Dastum Bro-Leon.
Un abadenn enrollet gant Karolina.

Temoù a bep seurt en abadenn hiziv. Klevet e vo Jo, den a-youl-vat e « Les Restaurants du coeur » er Folgoad. O paouez kregiñ emañ prantad goañv ar gevredigezh a gustum sikour an dud lakaet diaes.
A-hend-all 'vo lakaet ar gaoz war ar c'hudennoù o dez an dud dalc'het en o c'herzed e kumuniezh-kumunioù Landerne-Daoulaz ha petra zo bet graet er vro evit sikour anezho. Gant Violaine Fichou eus ar gevredigezh « Coups d'Pompes », Margot ha Loreleï eus skolaj Meskoad ha Enora Coat a labour e kumuniezh-kumunioù Landerne-Daoulaz.
Evit echuiñ e vo klevet Thomas Kloareg diwar-benn «phōnē » a lak war-wel ar yezhoù minorel. Leurenner Teatr Piba zo bet enrollet gant Hermine de Kerorguen.

Un abadenn enrollet gant Maëlys.

Seongwoo Kang, barzh ha studier war sonerezh ar brezhoneg.
O paouez embann e gentañ dastumad barzhonegoù emañ ar studier war ar werzadurezh. 'Bet lakaet ar gaoz ganeomp war al liamm etre e studioù ha barzhoniañ.
Klevet e vo Ronan Kalvez ivez. Ar c'helenner hag enklasker a ginnnigo "kafe brezhoneg" diwar-benn « Teñsorioù dornskrivet ar familh Kerdanet » a vo e Lesneven d'ar 4 a viz Genver. Lakaet eo bet ar gaoz war an devezh "la Bretagne linguistique" e kreizenn an enklaskoù breizhek ha keltiek e Brest ivez.
Enrollet gant Maëlys.