Trouz er gêr
Arvorig FM
Hanterouriezh e skolaj Diwan ar Releg & Karta Ya d'ar brezhoneg e Landivizio
Skolajidi e pempvet klas ha skipailh pedagogel skolaj Diwan ar Releg zo bet stummet war an hanterouriezh gant ar gevredigezh "Génération médiateurs". Ar pal eo gwelet ha diskoulmañ ar c'hudennoù a c'hall c’hoarvezout etre ar grennarded en un doare efedusoc'h. Brendan Simon a zo penn kasour er skolaj ha Mael ha Nino a zo e pempvet klas a tisplego deomp ar pezh o deus desket ha penaos e vo lakaet e plas hanteriñ er skolaj.
Klevet e vo ur reportaj diwar-benn ar flammen olimpek a oa tremenet dre ar skolaj d'an 20 a viz Even ivez daoust ma oa amzer da zont ar savadur en arvar d'ar mare-se.
E fin an abadenn e vo klevet Fulup Jakez, rener ofis publik ar brezhoneg diwar-benn sinadur live 1 karta Ya d'ar brezhoneg gant kumuniezh-kumunioù Landivizio. Klevet e vo Aline Chevaucher, karget gant ar brezhoneg e Departamant Penn-ar-bed ha Loeiz Abgrall, ur soner eus ar vro, ivez.
Kinniget eo an abadenn gant Maëlys Poublanc
Deiz ha bloaz ganididgezh al livour Yan Dargent.
Ar bloaz-mañ e vez lidet 200 vet deiz-ha-bloaz ganedigezh Yan Dargent. Evit lidañ kement-mañ eo bet soñjet gant tud mirdi Sant-Servez, "mirdi Yan Dargent, aozañ un droiad a abadennoù anvet "War roudoù Yan Dargent".
Gant Ronan Hirrien ez eomp da welet a-dostoc'h ar pezh vez kinniget e mirdi Sant Servez hag e Landerne: e palier ar Rohan hag e iliz Sant Houardon.
Gant Karolina
"Va zammig seizenn ruz", Paskal Hervio 2
Digoret vo ,an abadenn gant "Alc’hwezioù brezhoneg" diwar-benn ar gwez. Gant Mikeal Madeg e vo an anv eus : drajoniñ, gwezeuri, spern du, kouez derv...
Goude-se e vo dalc'het gant Paskal Hervio da gontañ muioc'h deomp diwar-benn istor Neudig.
Hag e vo echuet gant "Kammed-ha-kammed war roudoù Marsel".
Gant Karolina
"Va zammig seizenn ruz " gant Paskal Hervio
Digoret vo an abadenn gant "An Azen hag ar Hi bihan", ur fablenn lennet ha displeget gant Dominique Thepaut.
Goude-se vo kinniget "Va zammig seizenn ruz" gant Paskal Hervio. Istor Neudig eo, kakouz anezhañ, a zo o vevañ er vizer hag en dienez betek ar mare ma tiviz tec'hout betek Brest, evit cheñch e blanedenn dezhañ.
Hag e vo klozet gant kronikenn "Kammed-ha-kammed war roudoù Marsel".
Gant Karolina
An diskouezadeg "Dilhad Breizh, un awen" e ekomirdi Plouigno
Kroget eo an diskouezadeg "Dilhad Breizh, un awen" e ekomirdi Kerdreger e Plouigno. Pezhioù dilhad treset gant Mathias Ouvrard, Bleuenn Seveno, Nolwenn Faligot hag Owen Poho zo da welet. Awenet int gant dilhad hengounel Breizh ha dilhad labour. Owen Poho a ginnigo deomp e "kab an aod". Jakez a zo a-youl vat er mirdi a roio deomp un nebeut titouroù ouzhpenn diwar-benn an diskouezadeg.
E eil lodenn an abadenn e vo klevet ar gronikenn "Mouezh ar barzh" kinniget gant Jo an Duigou. Gouestlet e vo d'ar varzhoneg "Brezhoneger ma z'on" skrivet gant Per Jakez Heliaz.
Embannet eo an abadenn gant Maëlys Poublanc
Dastum lastez gant ar Viltañsoù e Plougonvelen
Pal ar gevredigezh Ar Viltañsoù eo gwareziñ an aod tro-dro da Gonk ha Plougonvelen. Kinniget o deus an dud a-youl vat da skolajidi ha skolidi divyezhek brezhoneg ha galleg da zastum lastez war an draezhenn e miz Mae. A-hed ar reportaj e lakaimp ar gaoz war al lanvioù du, ar vuhez war an aod, brennika ha bezhina ivez gant :
- Solenn Lavanant, kelennerez war ar sportoù e skolaj Kerallan e Plouzane
- Marine Balem, skolaerez e Roz-Avel e Plougonvelen
- Jean-Michel eus ar gevredigezh Ar Viltañsoù
- Bugale eus ar skolaj ha eus ar skol
- Yann Lars, Marie-France Abily, Biel ha Ronan ar Moign, deuet da reiñ an tamm skoazell an devezh-se.
Embannet eo ar reportaj-se gant Maëlys Poublanc
Martial Inizan gant skolajidi Lesneven.
War ar stern gant Pierrick Mellouet hag Albert Penneg, ul levr nevez a vo embannet gant "Roudoù Editions".
Ennañ pennadoù a denno d 'un tem: kesterien soñjoù, da lavaret bodañ tud yaouank ha tud koshoc’h tro-dro d un tem.
Setu deuet barzh studio Arvorig FM skolajidi Sant Fransez Lesneven da sevel goulennoù ouzh Martial Inizian diwar-benn brezel Aljeria.
Gant Karolina
Levr "En Bretagne ça se dit comme ça" & Kampionnad Breizh
O paouez bezañ embannet emañ al levr "En Bretagne ça se dit comme ça" gant an ti-embann "Le Robert". Diwar-benn galleg Breizh eo al levr-se skrivet gant Ronan Kalvez ha Jean Lecoulant. Ar skrivagner eus bro Karaez, Jean Lecoulant, a zisplego deomp orin eus gerioù hag a vez graet ganto e galleg.
Kampionad Breizh gouren a oa e Gwengamp an dibenn-sizhun dremenet. Anaëlle Le Piolet, ur c'hourenerez, a oa ouzh mikro Erwan Blanchard.
Embannet eo an abadenn gant Maëlys Poublanc