Trouz er gêr

"La nuit ne viendra pas" eo anv pladenn gentañ strollad Dérives. Quentin ha Justine Morvan, Mael Guego ha Tangi An Dreo a oa e studio Arvorig FM evit seniñ tri zon en un doare akoustikel ha lakaat ar gaoz war o sonerezh.
Ouzh an teknik : Erwan Uguen
Mix ar c'hanaouennoù : Erwan Uguen
Un abadenn kinniget gant Maëlys.

War ar roll an taol-mañ emañ:
Alfoñs Ragenes, Jacqueline Korneg & Gaelle Trebaol, Kristian Rivoalen, Jakez ar Borgn, Frañsoa Karoff, Mikeal Konk, Joelle Planchon, Loik Jestin ha Paol Salaün.
Un dibab a istorioù hag a ganaouennoù.
Un abadenn aozet gant DastumBro Leon ha Ti ar Vro Lesneven.
Kinniget gant Karolina

Tudi Kreker zo ur c'hazetenner yaouank eus Landerne. Bet eo o chom e Bro-Iwerzhon e-pad daou vloaz. Kontañ a ra deomp ar pezh en deus bevet eno : deskiñ gouezeleg, labourat en un atant, seniñ en tavarnioù... Emañ gant Erwan Blanchard. Un abadenn lusket gant Maëlys Poublanc.

Poltred Gwendal Paoli, labourer-douar yaouank staliet e Plouvorn. Tokoù-touseg shiitaké a vez gounezet gantañ. Ur pennad-kaoz gant Erwan.
"Tensorioù dornskridoù ar familh Miorcec de Kerdanet" 'oa tem abadenn "Kafe Brezhoneg"e miz Kerzu. Pedet 'oa bet Ronan Kalvez, kelenner e Skol-Veur Brest ha rener ar CRBC. Aozet gant tud Ti ar vro Lesneven.
Kinniget gant Karolina.

E-kreiz miz Kerzu 'oa bet aozet ur veilhadeg vras e Lesneven evit lidañ 25 vet deiz-ha-bloaz "Dastum Bro-Leon"
Kanaouennoù 'vo, istorioù hag ivez testenioù tud diwar-benn bloavezhioù kentañ ar gevredigezh.
Klevet 'vo Kristof Nikolaz, Goulc'han Kervella, Yann-Ber Premel, Awen Plougoulm, Marc Paugam hag an triad Kalvez-Salaün-Le Goff.
Kinniget gant Karolina

Al levr nevez skrivet gant Malo Bouëssel du Bourg ha Daniela Jordanova zo diwar-benn ar gwez. Ar skrivagner a oa ouzh mikro Maëlys Poublanc.
Linennoù Buhez, embannet gant Skol vreizh.

Evit ar 16 vet gwech e vo eus ar Breizhtival e Landivizio. Abadennoù liesseurt 'vo da gaout kinniget deomp gant tud kevredigezh Strollad Bro Landi.
Abaoe ar penn-kentañ emañ ar c'hoariva e kalon ar festival.
Tri fezh-c'hoari farsus a vo displeget dirak an dud: "Ar goulenn dimeziñ" gant tud strollad Gwineventer, "Ar barner" gant Kañfarded Lanleya ha "Great eo va soñj "gant tud Strollad Bro Landi a vo roet deoc'h da glevet hiziv en abadenn!
Roger Picard, Lisette hag Ifig Jezekel ha Michel Prizer ouzh mikro Karolina

Florence Valladeaud, pastezerez Flo'délices, Christophe ha Sarah Petit, poderien e Porzhpoder ha tud ar gevredigezh "Teñzorioù Ploerin" o deus krouet favennoù gwastilli ar rouaned liammet gant glad Plourin. Un digarez da lakaat ar gaoz ivez war oberennoù "Teñzorioù Ploerin" a laka war-wel istor ar gumun. Klevet e vo Marie-Thérèse Le Gall ezel eus ar gevredigezh.
E fin an abadenn e vo klevet un tañva eus ur pennad-kaoz a vo da selaou a-hed miz C'hwevrer e "Petra nevez er vro ?", abadenn nevez Arvorig FM. Fañch Bouget ezel eus ar gevredigezh "Au fil du Quéffleut" a oa ouzh mikro Pauline Daniel.
Un abadenn kinniget gant Maëlys Poublanc

Gant Erwan Hupel e vo kinniget al Liamm deomp, niverenn 455.
Ur pennad-kaoz a vo ivez gant Marsel Modir (ti-embann Stang Alar) diwar-benn "Geriaoueg Divyezhek ar velestradurezh".
Un abadenn gant Karolina

Louis Abgrall 'zo bet prezidant ar gevredigezh "Alcool assistance Plouvorn" e-pad 15 vloaz. Kontañ a ra deomp penaos eo chomet a-sav gant evañ-re hag ar mod en deus skoazellet tud klañv gant ar boeson.
NB : Paouezet eo gant ar gevredigezh "Alcool Assistance Plouvorn" hec'h oberioù abaoe m'eo bet skignet ar pennad-kaoz. M'ho peus ezhomm bezañ skoazellet e c'hallit kavout titouroù dre al [lec'hienn-mañ] (https://infosociale.finistere.fr/fiche-thematique/se-soigner/etre-soutenu-en-cas-de-maladie-par-des-organismes-ou-associations-specialisees/dependance-a-lalcool-aux-toxiques-aux-jeux/) .
Gant Maëlys Poublanc eo kinniget an abadenn.