Trouz er gêr

---Abaoe 30 vloaz e kinnig Ti menez are gouzout hiroc'h diwar-benn an endro hag an natur e Brasparzh. Stefan Merrer, rener ar greizenn a zisplego istor ar greizenn deomp.
---E eil lodenn an abadenn e vo klevet Angelina Beauvir a zo o terc'hel ostaleri STAL e Plouneour-Menez. Kinniget e vez atalieroù artizanerezh eno ivez. Solen Lesouef 'zo e karg eus un atalier engravañ.

E-pad an hañv e ginnig Alexandre Masson pignat ouzh ur wezenn fav a-drugarez da gerdin en Uhelgoad. Ar buhezour-natur en deus krouet e embregerezh Merzhin Nature daou vloaz 'zo.
Kinniget eo an abadenn gant Maëlys Poublanc

Lodenn gentañ an abadenn 'vo gouestlet da oberennoù Yan' Dargent e iliz ha chapel Sant-Servez. Displegadennoù gant Ronan Hirrien.
Goude-se e vo graet anv eus un atalier bet kinniget e Sant Riwal da ziskouez d'an dud penaos ober loaioù koad. Klevet 'vo Gweltaz Duval-Guennog ha Gabriel Moulleg.
Gant Karolina

Mirdi Yan' Dargent oa bet digoret e 1991 e Sant Servez a-drugarez da Jean Berthou zo aet da anaon e miz Kerzu bloaz paseet.
Kenderc'hel a ra ar mirdi da vevañ a-drugarez da dud kevredigezh "mignoned mirdi Yan' Dargent".
Baleadennoù heñchet a zo bet kinniget 'pad an hañv gant Ronan Hirrien.
En abadenn hiziv 'vo klevet muioc'h diwar-benn al livour Yan' Dargent met ivez diwar-benn Jean Berthou, bet merour ar mirdi.
Ronan Hirrien gant Karolina.

"Ar Roue Arzhur", pezh c'hoari nevesañ Strollad ar Vro Bagan, skrivet ha leurenniet gant Goulc'han Kervella
Un abadenn tan ha kurun gant tudennoù hag anevaled dreist-naturel, dañsoù, emgannoù....
Gant Karolina.

Gant Camille Guihard zo e karg da hentañ an dud ‘ba Passerelle eo bet kinniget deomp an teir diskouezadeg zo da gaout ‘bar greizenn arzoù a-vremañ zo ‘ba Brest. Gallout ‘reer mont da welout anezho betek ar 16 a viz Gwengolo.

- « An disparti ». Oberennoù c’hwec’h arzour zo da dizoloiñ.
- Poltridi Laura Henno : ur sell war blanedenn strolladoù paotred yaouank dibaper zo ‘ba enez-vMayotte.
- Labour Germain Marguillard bet kaset ‘ba « Passerelle » zo welout a-hed an hañv. « A l’infini pas du tout » eo anv e diskouezhadeg.

Kinniget eo an abadenn gant Erwan Blanchard.

Gant trede pennad an heuliad Kurdistan dre sell Breizhiz e kendalc'homp da gaozeal eus sonerezh ar Gurded gant Gaby Kerdoncuff. Savet en deus ar soner abadennoù gant sonerien ha sonerezed kurd.
War-lerc'h e vo klevet Michel an Hir, ezel eus ar gevredigezh "Keneildedoù kurd Breizh" a zo bet e Diyarbakır, e Kurdistan Turkia. Bet eo o veajiñ eno meur a wech etre 2008 ha 2013. Tro en deus bet da c'houzout hiroc'h diwar-benn sevenadur ar Gurded. E gouel ar bloaz-nevez Newroz en deus kemeret perzh.
Sonerezh :
Ala - Kê Dezanê
Kani Kamar - Mihabadim
Şivan Perwer - Pêşmergên Me
Mizgîn - Newroz
Ayşe Şan - Heywax Dayê
Ahmet Kaya - Diyarbakır Türküsü
An heuliad abadennoù Kurdistan dre sell Breizhiz zo kinniget deoc'h gant Maëlys Poublanc.

Mont a ra Gaby Kerdoncuff da gKurdistan Irak abaoe 2006. Ar soner trompilh ha bombard eus Bro-Dreger en deus savet raktresoù gant sonerien ha sonerezed kurd. Lakaet e vo ar gaoz gantañ war ar binviji, ar c'han ha sonerezh hengounel ar Gurded.

Sonerezh :
Aynur Doğan - Keçe Kurdan
Feleknaz - Delal
Mihemed Arif Cizîrî - Ziravê
Ali Mardan - Dengi Sazde
Aynur Doğan - Lawike Metini
Gorani Kurdi Halparke Zor Xosh Be Shan
Sivan Perwer - Min b-riya te kiriye
Dengê Jînên Colemêrgê - Mûzîrka Featuring Kom
An heuliad abadennoù Kurdistan dre sell Breizhiz zo kinniget deoc'h gant Maëlys Poublanc.

E pennad diwezhañ an heuliad abadennoù "Kurdistan dre sell Breizhiz" e roomp deoc'h da glevout Mikael Baudu. Sevener an teul-filmoù "Kurdistan, huñvreal an nevez-amzer" ha "Open the border" a lakao ar gaoz war plas ar merc'hed e Kurdistan, ar brezel ouzh Daesh hag an divroidi.

Sonerezh :
Aynur Doğan - Qumrîkê
Helly Luv - Revolution
Seîd Yusif - Min Dilek Girt
Ibrahim Rojhilat - Hêvî
Arroudoù ar filmoù Kurdistan, huñvreal an nevez-amzer (2015) ha Open the border (2017)
An heuliad Kurdistan dre sell Breizhiz zo kinniget deoc'h gant Maëlys Poublanc.

Treuziñ mor Atlantel e-bourzh ur vag zo dindan liv Diwan ! Thomas André, bet skoliataet ‘bar skolioù Diwan, ‘neus divizet sevel un emglev asambles gant ar c’hevread skolioù dre soubidigezh e brezhoneg evit kas e raktres. E soñj emañ kemer perzh ‘bar c’hours bigi brudet anvet « La mini transat ». Loc’hañ ‘raio eus « Les Sables d’Olonne » ‘benn ar 24 a viz Gwengolo evit mont sa Saint-François ‘ba Gwadloup e bourzh Frankiz, anv e vag. Displeget ‘neus ar skipper yaouank eus Brest e raktres da Erwan Blanchard.
Gant Karolina