Trouz er gêr

Warc'hoazh e vo dalc'het an abadenn "Deuit da welet 'ta !" e Plougastell. Kinniget e vo c'hoarioù nerzh Breizh gant ar gevredigezh "Fitness Force Plougastel" evit ar wech kentañ. Gilles Guivarch, unan eus an aozerien, ha Fañch Kastell a gano e-pad ar gouel a oa ganeomp e studio nevez Arvorig FM !
Kaset e oa ar pennad-kaoz gant Maëlys Poublanc

Da geñver "Froudennoù Jil" e vo klevet barzhoneg Youenn Drezenn "Bremaik e nozo".
Ur pennad-kaoz war-lerc’h gant Nolwenn Korbell deuet e mediaoueg Landerne evit kinnig un abadenn gant Tomaz Saouzanet. Un digarez da ober anv eus he fladenn nevesañ "Ar preñv glas" hag he levr "Kan awenoù".
Klozet gant "Alc’hwezioù brezhoneg" diwar-benn ar gwez. E-mesk ar gerioù a vo klevet gant Mikael Madeg: gwenngoad, skalfek, bourchasi, bleñchaoua, skub-delioù...
Gant Karolina

Digoret vo an abadenn gant kronikennoù liseidi Tristan Corbière Montroulez.
Hag a-nevez gant Herve Lossek? Levrioù adembannet dre ma oant diviet! "Amañ emañ an amann, mamm!" Hag ivez "Perles de banquiers".
Digantañ vo klevet ivez muioc'h diwar-benn penaos distagañ anv kêr Lesneven.
Hag e vo klozet gant "Ar Gwesklivi o houlenn ur roue". Ur fablenn lennet ha displeget gant Dominique Thepaut.
Gant Karolina

Istor hir skolaj Sant Fransez Lesneven displeget gant meur a zen.
Gant liseidi Serj ar Rouz e vo lavaret muioc'h diwar-benn o lise hag ivez petra eo evito bezañ barzh ur skolaj-lise prevez.
O kemeret harp war levr Claude le Menn e teskimp muioc'h diwar-benn istor ar skolaj, kontet gant Yvon Abiven a zo bet skoliad e Sant-Fransez.
Gant Karolina

Bed an Drag, drag queen pe drag king, a ya waraok ‘ba Brest ! E 2019 ‘oa bet krouet ar strollad Glory all, ur strollad oa bet kroet evit lakaat war wel bed an drag ha kinnig arvestoù drag ‘ba Brest. Muioc’h a zisplegadennoù gant Tangi zo ezel eus Glory All dindan anv Emjay pe c’hoazh Caméléon…
Gant Erwan Blanchard ha Karolina Rufflé

Digoret 'vo an abadenn gant "Froudennoù Jil". Goude bezañ lennet deomp gwerzennoù gant Ivoned Omnes e vimp gant Jean-Louis Laot. Displeget vo gantañ danvez e brezegenn aozet gant kevredigezh Lanniliz"Sauvegarde du patrimoine". Setu bet dibabet gant Jean-Louis rannañ ar pezh neus desket diwar tud ar vro diwar-benn emgann Kerbabu.
Gant Karolina

Goude bezañ bet o welet petra zo diwanet barzh tunel Ildut e vo graet gant Erwan Hupel eus al Liamm n°463. Hag e klozimp gant "Alc’hwezioù brezhoneg " diwar-benn gerioù ar gwez.
Gant Karolina.

Da geñver "Al Liorzh Marzhus Ildut" e vo displeget deomp penaos adaozañ ar biolastez.
Goude-se e vo kinniget deomp al Liamm n°462 gant Erwan Hupel.
Hag e vo klozet gant "Kammed-ha-kammed war roudoù Marsel".
Gant Karolina.

An eil bloaz eo e kinnig ar greizenn arz a-vremañ Passerelle diskouezadegoù e maner Kerlaouen e Lesneven. Marc Didou, ur c'hizeller eus ar gumun ha Philemona Williamson, ul livourez eus Stadoù Unanet a ziskouez ul lodenn eus o oberennoù. Camille Guihard a zo karget e Passerelle gant ar publik a raio anv eus an arzourien hag an arzourezed a ginnig diskouezadegoù e Brest ivez.
Kinniget eo an abadenn gant Maëlys Poublanc

Annezidi c’hwezek ti ar re gozh a oa bodet e Domani Menez Meur e Hañveg diriaou evit ober troioù marc'h-houarn tredan gant "L'Amicyclette". Roger ar Gov a zo e-touez an dud a-youl vat a tisplego deomp ar pezh a oa aozet gant ar gevredigezh an devezh-se. Anne ar Rouz he deus profitet eus un dro war an hentoù. Kontañ a raio deomp penaos profitañ eus an natur a laka anezhi da soñjal e avanturioù he doa bevet gant korriganed.
E eil lodenn an abadenn e vo roet ar gaoz da skolajidi eus Lanneur. Prientet o deus ar re c'hwec'hvet skolaj Ar pevar Avel gant o c'helennerez war ar matematik, Julie Naour, hag o c'helenner war ar brezhoneg, Fañch Oger, lavaradoù matematik evit ar selaouerien hag ar selaouerezed. Gouest e vezoc'h da respont d'o goulennoù ?
Embannet eo an abadenn gant Maëlys Poublanc