Ar bed o treiñ

Gouest eo bremañ Mab-den da grouiñ neuronoù artifisiel pleustrek.

Suroc'h eo d'ar spesadoù loened gouez, evit padout, bezan iradiet, skinatet gant an nukleel evit darempredin Mab-den, eme skiantourien zo.

Skoazell 'ro al logod-dall d'al labourerien-douar. Resisoc'h d'ar c'hounideien maïs. Debrin a ra an dornaskelleged ar prenv er pennoù-maïs, ha gras da se e c'hounezer 1,4% muioc'h a blantoù.

Div geriadenn ijinet hag aozet espres-ker evit aezesaat o buhez d'an dud klañv gant Alzheimer 'vo er Frañs.

Dizurzhiet, direoliet eo an hin hag an natur e Norzh Amerika abalamour d'un dolzennad dour tomm ledet etre Ar Meksik hag an Alaska er Meur-vor Pasifik.

Kondaonet eo an SNCF evit bezan graet un diferañs etre he gopridi : etre ar 'fransijen' etre krochedoù, hag ar re bet lezanvet 'chibani' 'blev gwenn' e brezhoneg ma peus c'hoant, paotred deuet eus Norzh Afrika da labourat er Frans.

Yazhoù mamm, yezhoù desket diwezhatoc'h, n'emaint ket renket en ul lec'h boutin en empenn...

Arru poazh eo merourien Ti Bank Bro Ganada gant giz nevez o c'henvroidi: enoriñ Léonard Nimoy dre o bilhidi.

Facebook a denn muioc'h-mui d'un diktatouriezh vihan. Ouzhpenn nac'hañ ar begoù bronnoù hag oberennoù arzel zo eo bet klozet o c'hont d'an dud o deus en em inskrivet dindan anvioù souezhus gant merourien facebook.

Marcel ha Leocadie a implij ar memes yenerez da virout o boued fresk abaoe 61 bloaz. Penaos 'ta e c'heller hiziv an deiz krediñ ar seurt traoù, an diamzeriñ? Ar mekanikoù a c'heller ober gante -pad degadoù a vloavezhioù ?