Avel em fenn

50 vlez eo An Drouzerion! Deuet e oa Jorj hag Izan Belz da gontiñ istoér ar strollad, ha da ganiñ evit plijadur hor ziskouarn. Da lidiñ blez ar strollad e vo ur fest-deiz ha noz bras e Klegereg, emgav d'ar Sadorn 9/03.
Pennad-kaoz ar sizhun: 3vet rann get Juluan Ar C'hozh, a oa bet da veviñ ur blez e bro Jeorji. Un atersadenn doc'h mikro Tomaz Laken (RKB).
Teknikoù poderez Awen Prigent ha poazhiñ ar podoù, setu kinnig Maëlle Ausias (RKB) da adkavout [AMAÑ] (http://www.rkb.bzh/daouarn-ha-pri/) ivez!

[Keleier ar vro] (https://radiobreizh.bzh/programme/1) get Metig Jakez Vargas dre-eeun a studio Radio Kerne e Ploneiz. Avel em fenn kaset get Enora Molac dre-eeun a Bondi.

O paouez embann ul levr emañ Erwan Chartier, penn-redaktour ar gazetenn Ar Poc'her war 50 vloaz an darzhadenn bet graet gant an ARB-FLB er Roc'h Tredudon. [Kontañ a ra da Domaz Laken] (https://www.radiobreizh.bzh/episode/61340) penaos e veze meret ar mediaoù e 1974.
Ar gronikenn Ouzhpenn ar Vretoned 'zo war an ninnorsk hag ar bokmal
Keleier ar vro hag ar bed kinniget gant Tomaz Laken
Pevare lodenn Pennad-kaoz ar sizhun gant Nelly, sorserez a-vremañ.

Un atersadenn gant Lors Jouin, kaner, e-skeud div sonadeg gantañ ha Jean-Michel Veillon. Un daouad brezhonegerien stag deus pozioù an tonioù ha deus an didrouz a vez ezhomm evit kompren mat ster ar c'hanaouennoù.
Ar gronikenn Barzhaz war anvioù tud Bro Wenrann gant Bertrand Luçon.
Keleier ar vro hag ar bed gant Anton Burel
Lodenn diwezhañ Pennad-kaoz ar sizhun gant Nelly, sorserez a-vremañ.

SkeeQ a zo ur strollad breizhat o seniñ sonerezh broioù an Norzh. Mael L'hopiteau a son telenn en triad-mañ ha displegañ a ra da Vorgane Cotten petra ar sonerezh hengounel a skandinavi.
Ar gronikenn Daouarn ha Pri gant Awen Prigent o kontañ pegen pouezus eo naetaat foñs an tassoù.
Keleier ar vro hag ar bed gant Yuna Kojean
Trede lodenn Pennad-kaoz ar sizhun gant Nelly, ur sorserez a-vremañ.

[Evit ar pevare wezh eo aozet Festival ar Foto Loened e Ti Menez Are.] (https://www.radiobreizh.bzh/episode/61242) Un darvoud graet evit ar re a zo plijet da welet al loened en ur mod disheñvel. Stephane Merrer, rener Ti Menez Are a gont penaos eo aozet an darvoud.
Ar gronikenn Barzhaz war anvioù tud bro Wenrann gant Bertrand Luçon.
Keleier ar vro hag ar bed
[Lodenn diwezhañ Pennad-kaoz ar sizhun war al labourerien-douar o vanifestiñ.] (https://www.radiobreizh.bzh/episode/61294) Gant Olivier Charles, maer Bulat ha labourer-douar ha Juluan Taleg, mouezh-aotreet Kenstroll Peizanted Penn-ar-Bed

[Un atersadenn gant Tristan Gloaguen] (https://www.radiobreizh.bzh/episode/61245) , kelenner dañs e Strollad Dañserien Kastell-Nevez ar Faou. Displegañ a ra deomp penaos eo ganet ar strollad-mañ, petra eo hag a lid a zo bet aozet gante evit o 25.
Ar gronikenn Ouzhpenn ar Vretoned 'zo kinniget gant Benjamin Bouard war an [Turked ha Pomaks en Bulgari] (https://www.radiobreizh.bzh/episode/60519) .
[Un atersadenn dre bellgomz gant Awen Prigent ] (https://www.radiobreizh.bzh/episode/61244) evit komz deus un nozvezh e Benac'h tro-dro da grouerien ar barroz.
Keleier ar vro hag ar bed kinniget gant Anton Burel
Pevare lodenn [Pennad-kaoz ar sizhun war al labourerien-douar o stourm] (https://www.radiobreizh.bzh/episode/61294) gant Olivier Charles, maer Bulat ha labourer-douar, ha Loeiz Stervinou ha Loeiz-Pêr Kraz, labourerien-douar war o leve bet o manifestiñ gant ar C'henstroll Peizanted.

N'eo ket prop daouarn ONGoù 'zo, da gwarañtiñ an natur. E-dan krouidigezh parkeier bras e vez gwasket pobloù orin a vev enno a-houde pell. Ar WWF a zo tamalet dehi gwaskiñ ar bobl Baka e Kongo, ha skouerioù ur seurt a kaver e pep lec'h er bed. Ur levr a zo bet skrivet get an antropologerez Fiore Longo, Décoloniser la protection de la nature. Muioc'h geti, renerez [Survival International] (https://www.survivalinternational.fr/) Frañs & Spagn.
Muioc'h da glevet geti, doc'h mikro Enora Molac. Mouezh brezhoneger: Yuna Cojean.

Skeudenn tennet en UBS, e-pad predegenn Fiore Longo b'An Oriant, pedet get Kenstroll Pesketa ha Diorren (Alan Ar Sann, a gleiz, Fiore Longo, a-zehoù).

Luzhiet mat ar situasion geopolitikel e Jeorjia. Muioc'h get Juluan Ar C'hozh a oa chomet ur blez enno, distroet da Vreizh n'eus ket pell 'zo. Pennad-kaoz ar suhun-mañ kaset get Tomaz Laken (RKB). Podkast evit klevout ar reportaj bet graet e miz Meurzh 2019 e Jeorjia [AMAÑ] (https://rbg.bzh/episode/31683/) !

Un aotregezh nevez a vez kinniget en UBO: ar PPPE. Parcours Préparatoire au Professorat des Ecoles. Muioc'h get Guenole Larvor, a zo kelenner enno adal ar penn kommañs. Un atersadenn kaset get Laetitia Fitamant a Radio Kerne.

Ur sapre taol oa bet graet get FC An Oriant, evit ar brezhoneg. Arriued Morwenn Lenormand èl speakerez ar c'hlub melldroad, evit buheziñ ar c'hrogadoù. Muioc'h a-ziàr an afer get Florent Grouin, en deus embannet [ un abadenn geleier 4 vunutenn àr Brezhoweb] (https://www.brezhoweb.bzh/Brezhoneg-football-klub-oriant-munud-breizh_fiche_4315.html) .

Avel em fenn a zo bet buhezet get Enora Molac dre-eeun a Bondi e studio RBG. Keleier ar vro get Tomaz Laken e Rostrenn dre-eeun a studio RKB.

N'eo ket prop daouarn ONGoù 'zo, da gwarañtiñ an natur. E-dan krouidigezh parkeier bras e vez gwasket pobloù orin a vev enno a-houde pell. Ar WWF a zo tamalet dehi gwaskiñ ar bobl Baka e Kongo, ha skouerioù ur seurt a kaver e pep lec'h er bed. Ur levr a zo bet skrivet get an antropologerez Fiore Longo, a zo renerez [Survival International] (https://www.survivalinternational.fr/) Frañs & Spagn. Muioc'h da glevet e penn kommañs an abadenn geti, doc'h mikro Enora Molac. Mouezh brezhoneger: Yuna Cojean.

Pennad-kaoz ar sizhun: Juluan ar C'hozh a-ziàr e veaj e Jeorji & Armeni. Un atersadenn get Tomaz Laken (RKB).

Adkavit ivez Alan Goulwen er gronikenn yec'hed, evit 3vet kronikenn a-ziàr istoér ar vaksin. Keleier ar vro get Anton Burel. Avel em fenn a zo bet buhezet dre-eeun a Bondi e studio RBG get Enora Molac.

Hanter-kant vloaz zo, e-kreiz an noz etre an drizek hag ar bevarzek a viz C’hwevrer 1974 e oa bet trouz e Menez Are ! Gant an FLB-ARB e oa bet roet lamm da skingaser an ORTF e Roc’h Tredudon… War zigarez deiz-ha-bloaz an taol sebezus-se en deus bet Erwan Chartier, pennredaktour kazetenn ar Poc’hêr ar soñj da skrivañ ha da embann ul levr aes da lenn, d’an dud da gompren ar perag hag ar penaoz eus ar feulster politikel e Breizh er bloavezhioù 1970. Anavezet mat eo an istor-se gant Erwan Chartier. Ouzhpenn pemzek vloaz zo en doa skrivet ul levr diwar-benn Talbenn Dieubiñ Breizh gant Alain Kabon. Ul levr anvet « Le dossier FLB ». D’ar c’houlz-se e oa bet an daou gazetenner o c’houlennata kalz a dud bet o c’hoari er strollad kuzh. Met diwar-benn gwalldaol Roc’h Tredudon ne oa ket bet kalz anezhe o tigeriñ o beg…
Ur pennad-kaoz gant Tomaz Laken

« Roc’h Tredudon 1974, La bombe et le pylône », zo nevez embannet gant Erwan Chartier dindan ar rummad « Taol penn-bazh ».