Kaozioù ha marvailhoù

Ur c'hozhiad a ra traoù kaer gant e chañs keit ma ne oar e amezeg nemet he morc'hañ. Un den paour profet dezhañ ur mortez hud a zo laeret gant e vreur. Ur glaouer a heuilh an ali roet dezhañ gant ur c'hozhiad en e huñvre.

Diaes eo ar vuhez pa vezer ur c'had a varv gant an aon rak pep tra, rak netra. Da belec'h mont ? Dre chañs en deus Wabasso ur mignon, ar vran meur. En e gavell e oa endeo Samnoun ur chaseour a zoare. Divizet en deus mont da chaseal an tri heol a graze an douar, ha graet en deus mat.

Nag ul louan iskis gant e ourouler ! Un tammig pennek ouzhpenn ! Na kalone k eo al labousig koant ! Ne gredit ket eo barrek d'ober ar pezh a lavar ? Koulskoude... Tri dervich o vale dre straedoù Istanbul war-lerc'h ul laer aet gantan arc'hant ur barver. Hag ez adkavit an arc'hant ? Dre hud marteze !

Ar paotr lesanvet Porcarol zo bet ret dezhañ ober a bep seurt micherioù, ha redek dre ar bed. Troc'het eo bet e benn dezhañ zoken. Met talvezout a rae ar boan.

Ur wezh e oa ur yarig vihan ruz...Ha piv n'en deus biskoazh klevet gerioù kentañ ar sorbienn-se ? Lavaret eo gant Valérie, hag Annie a lavaro ur sorbienn mil anavezet all hag a blij kement d'ar vugale : "roul galetezenn"... Da echuiñ e vo selaouet ouzh ur sorbienn dianav eus Bro-Iwerzhon : "Ar wastell hud". Dianav ?! Selaouit mat...

Setu daou bried yaouank oc'h echuin da goaniañ. Tro piv eo torchañ al listri ? N'emaint ket a-du. Neuze e tivizont e vo d'an hini a gomzo ar c'hentan d'ober al labour. Nebeut a dra eo ? N'eo ket sur !

Ur paotr 'zo desavet pell diouzh an dud gant e dad. Ar wezh kentañ ma 'z a e kêr Firenze e wel ur bagad maouezed. Nag ur souezh ! Met petra eo se ? Ur paotr a fell dezhañ mont da gaout an aeled evit bezan kelennet war Doue. Enkrezhet eo an dud a iliz. Penaos mirout outan da gas e vennozh da benn ? Chu 'zo kaset er bed all pa ne oa ket e dro. Adkaset eo d'ar gêr gant mestr ar bed all. Siwazh eo bet sebeliet e gorf. Petra ober ?

Liam 'zo ur c'houer eus Bro-Iwerzhon ne glask ket pemp troad d'ar maout. Evel ma teu e teu. Neuze pa ginnig un den prenañ un donennad ed da briz uhelan marc'had Galiv ez a war-eeun d'al lec'h roet dezhañ. Aze e kej gant ur bagad paotredigoù seven ha labourant, met ar pezh a c'hoarvezo da heul 'vo iskis memes tra.

Dibenn troioù kaer Kristof m' e weler o stourm ouzh kounnar ar roue Gralon, haG o reiñ dezhañ war un dro ur gentel a furnez, gant ur bonuz all, un diverrañ eus troioù kaer Peruonto, ur c'henderv italian all da Kristof.

Ar verc'hodenn Iskisat poupinell. Chans 'vo ganeoc'h mar bez kinniget, hogen mar bet laeret pe brenet diganeoc'h, eo traoù fall a c'hoarvezo deoc'h. Danserien an noz A-wezhoù e kejer gant kornandoned o tansal da serr-noz. M'ho pedomp, na nac'hit ket ! Ken laouen int ouzh ho pediñ. Un dro dañs zo ur pennad plijadur a ray ac'hanoc'h un den kaeroc'h ha brokusoc'h.