Avel em fenn
Radio Bro Gwened
Avel Em Fenn - Meurzh 19 a viz Du
Ur yezh vinorelaet eo ar brezhoneg ha koulskoude e oa moaien studiañ anezhe e broioù pell,
e Broioù-Izel, da skouer. Setu ar pezh en deus graet Dimitri Boekhhoorn e Utrecht. Penaos
en deus bevet an dra-mañ ha perak eo deuet da vevañ e Breizh ? Reiñ a ra displegadennoù
da Neshka, gopradez nevez e Radio Bro Gwened.
Petra a vo kavet er gelaouenn Bretons ar miz-mañ ?
Barzhoniezh, gant Bernez Tangi met ivez traoù kalet evel buhez Jeanne Weber, ur plac'h eus
Bro Oueloù he deus kuitaet he bro evit mont da labourat e Pariz...a-raok lazhañ meur a bugel.
Muioc'h gant Maïwenn Raynaudon, penn-redaktourez ar gelaouenn Bretons.
Petra eo an hockey dindan dour, an hockey subakwatek, ma 'peus c'hoant, ha peseurt
reolennoù a vez kavet ivez. Caroline Trouillet, eus Radio Bro Gwened, en deus aterset
Mathieu André, c'hoarier hockey dindan zour.
Keleier ar vro hag ar bed : Anton Burel
Teknik : Mael Krenn
Buheziñ : Yann Boishardy
Avel em fenn - Merc'her 6 a viz Kalañ-Gouiañv
Lakaat ho pugale da zeskiñ brezhoneg er skol a zo brav, gellet komprenn ha sikour gete a zo bravoc'h c'hoazh! La caisse à outils du parent non-bretonnant" a zo ur levr bet krouet get Kuzul Skoazell Skol Diwan Sant-Brieg. Muioc'h get Riwal Georgelin doc'h mikro Gwenvael Delanoe.
Teatr e brezhoneg a vez graet get Tifenn Lineatte, hag àr-dro ar roñsed (ar c'hezeg) ! Setu-hi ar plac'h pedet e Pennad-kaoz ar sizhun mañ, get Yann Boishardy (RKB).
Neventioù Keit Vimp Bev get Laouen Nikolas.
Keleier ar vro: Aodren Trehin
Avel em fenn: Yann Boishardy & Enora Molac
Teknik: Enora Molac
Avel Em Fenn - Meurzh 5 a viz Du
Choajet en deus Kuzul Departamant Aodoù An Arvor serriñ levraoueg
Kawan dre ma z'e kouskfe re gaer. Tregont Mil euro , sed aze ar pezh a goust
al levraoueg bep bloazh a-benn degemer lennerien.ezed, enklaskerien.ezed
pe c'hoazh bouetaat al lervaouegoù all eus an Departamant. Setu ar pezh a
displeg VisantDubois, o labourat eno, da Gwenvael Delanoe.
Petra a zo er gelaouenn Bretons ar mizh mañ ? Maïwenn Raynaudon,
penn-redaktourez, a gomz eus an ekologour Yves Cochet, eus ar festival Les
Insulaires, pe ch'oazh eus c'hamp Konli.
Ouzhpenn a ginnig deomp he c'hezeg, Tifenn Linéatte a displeg perak he
deus choajet d'en em staliañ ba Menez Are, un huñvre dezhi hag a deu eus
he bugaleaj.
Keleier : Gwenvael Delanoe
Teknik : Gweltaz Heno
Buheziñ : Yann Boishardy
Rodrigo Cuevas: etre hengoun hag ekstravagañs
Freddie Mercury bro Asturi a reer anezhañ: Rodrigo Cuevas a zo ur steredenn ag ar maezioù asturian.
E-pad an hañv 2024 e oa deuet e Emvod ar Gelted b'An Oriant. Ne oa ket leun sal an Teatr, ha n'eo ket sur e ouie an dud e vehe kinniget ur strip tease dezho ! Farsadennoù a bep seurt, dañsoù a feson ha sonerien ampart... Buhan e oa bet lakaet ar sal da c'hoari gantañ. Etre bed an hengoun asturian ha an noziadoù cabaret dirollet, aze em lec'hia Rodrigo Cuevas. Ur boelladenn a n'eo ket aes, met kerzhout a ra gantañ.
Kavout ar c'hempouez, ar c'hroaz-hent etre meur a ved sevenadurel, er sonerezh, er fest. Daoust hag eo se ar rekipe gwellañ ? Atav, ur gwir labur eo bout tost doc'h an arvesterion.ezed, a bae àr blas.
Un digarez evit Enora Molac (RBG) d'ober anaoudegezh gantañ war lec'h ar sonadeg.
Atersadenn ha troidigezh: Enora Molac
Eilmouezhiiñ: JañLug Ar Mouel
Skeudenn: Josep Tomas
Avel Em Fenn - Lun 4 a viz Du
Freddie Mercury bro Asturi a reer eus Rodrigo Cuevas.
Meur a wech oa deuet da Vreizh evit seniñ hag e-pad an hañv e oa e Emvod
ar Gelted en Oriant. Ur farser, un tamm "provok" gantañ a-wechoù met ivez
ur c'kompozer, ur soner hag ur perfomer a-feson ! Aterset eo gant Enora
Molac, eus Radio Bro Gwened, advouezhiet eo gant Jañ-Lug Ar Mouel, eus
Radio Bro Gwened ivez.
Florent Grouin a ginnig deomp un dresadenn-vev nevez, mod skiant-faltazi ,
skignet war Brezhoweb. "Skyland" eo e anv .
E Menez Are eo staliet Tifen Linéatte, komedianez a vicher met ivez sot-nay
gant ar c'hezeg betek kinnig pourmenadennoù dre stlej . Met perak eo ken
entanet gante ? Setu ar pezh e tispleg da Yann Boishardy.
Keleier ar vro hag ar bed : Metig Jakez-Vargas
Buheziñ : Yann Boishardy
Teknik : Gweltaz Heno
Avel em fenn - Gwener 25 a viz Gouel-Mikel
Festival ar filmoù ha videoioù ag an donvor a zo kroget e Trebeurden. Tem arblez-mañ a zo an takadoù gwarezet e-dan gorre an deur. Muioc'h get Gerard Raoul àr an darvoud, doc'h mikro Yann Boishardy (RKB).
Nag un taol spontus graet d'ar radiooù kevredigezhel ma vehe digresket an FSER (Fonds de Soutien à l'Expression Radiophonique). Ma vez kaset beteg penn ar raktres lezenn finañs 2025 èl kinniget e penn kommañs ar miz get ar c'hetañ Ministr Michel Barnier, e vo lakaet razh budjedoù ar bed sokial da zigreskiñ kalz. Perak e vehe ur skoilh bras evit hor radiooù? Ar respont a-hed ar sizhun mañ get Alan Kloareg prezidant BhS, doc'h mikro Yann Boishardy (RKB). Setu 5vet tamm an eskemm.
Adkavit ivez Doc Radio bro Gwened (Loeiz Belleg ar fizikour) hag un tamm tro dre ar bed get an elfennnoù kimiek.
Keleier ar vro hag ar bed: Anton burel hag Aodren Trehun (Radio Kerne e Roazhon)
Avel em fenn: anim ha teknik get Enora Molac dre-eeun ag RBG e Pondi.
Avel em fenn - Yaou 24 a viz Gouel-Mikel
Azasadennoù a vez graet evit ingaliñ an traoù àr an tu mat, evit ar merc'hed. E lise Diwan Brizeux e kaver bremañ dasparzherioù produioù evit ar loéradoù (an amzerioù). Muioc'h get liseidi ha liseadezed (Laouena, Maian, Circé, Gwenole, Ewen, Lucille, Margot, Bleunwenn, Bleuenn, Zelie, Maï ha Lucie) ha Nadège Montfort a zo kelennerez enno, doc'h mikro Morgane Bramoullé (Radio Kerne).
Digresk an FSER (Fonds de soutien à l'expression radiophonique) a vehe ur c'holl spontus evit ar radiooù kevredigezhel, en o mesk RKB, RBG, Radio Kerne, Radio Naoned hag Arvorig FM. Muioc'h get prezidant BhS Alan Kloareg a zispleg an traoù a-hed ar sizhun mañ doc'h mikro Yann Boishardy (RKB).
Dastum ou la maison des sources, un teul-film nevez get FR3 ken-broduet get teleoù lec'hel ar vro. Muioc'h àr an oberenn nevez-savet get Mael Gwenneg karget ag ar programmoù e FR3 Breizh.
Keleier ar vro: Gwenvael Delanoe dre-eeun a Wengamp (RKB)
Avel em fenn: Buheziñ ha teknik get Enora Molac dre-eeun a Bondi (RBG)
Avel Em Fenn - Merc'her 23 a viz Here
Daoust cheñchamantoù al lezenn e chom hir an hent dre ar PMA evit an holl
vaouezed o deus ur raktres kerent, evit ar c'houbladoù heñvelreizh pe an dud
dizimez. Evit lakaat se war wel, o deus ijinet Rosalie ha Marian ur c'hoari
gwazi PMA e-pad ar festival "La Gouinerie" e Roazhon. Aterset eo Rosalie
gant Morgan Cotten, eus radio Kerne.
Piv a lavarout petra, ha deus pelec'h ?
Gant Tara Adeux, eus Radio Breizh, e teskomp anavezout muioc'h
mouezhioù eus ar pemp radio e brezhoneg...dre ur blind test aozet gant
Enora Molac, eus Radio Bro Gwened.
10 million a euroioù nebeutoc'h evit ar radioioù kevredigezhel. Setu ar pezh
a ginnig ar gouarnamant nevez gant e raktres budjed 2025. Petra a dalv-se ?
Breskaat ar vuhez lec'hiel er vro a-bezh ha breskaat muioc'h c'hoazh ar
vuhez demokratel. Muioc'h gant Alan Kloareg, Prezidant Brudañ Ha
Skignañ, ouzh mikro Yann Boishardy, eus Radio Kreizh Breizh.
Keleier ar vro hag ar bed : Metig Jakez-Vargas
Teknik : Mael Krenn ha Gweltaz Heno
Buheziñ : Enora Molac ha Yann Boishardy
Avel Em Fenn - Meurzh 22 a viz Here
War un ton bras eo bet digoret Keriadenn Sonerezh Breizh e Bear, ul lec'h
gouestlet d'ar sonerezh hengounel met ivez d'ar grouidigezh pe d'an
enklask. Entanet gant ar raktres eo Marthe Vassalo, arzourez eus ar vro.
Gant Inès Leraud e vo embannet ur bannoù-treset nevez, diwar-benn an
adlodennañ. Setu perak e vo gwelet he dremm war golo ar gelaouenn
Bretons nevez. Muioc'h gant Maïwenn Raynaudon, penn-redaktourez ar
gelaouenn.
Penaos e vezont arc'hantaouet ar radioioù kevredigezhel dre vras hag en o
zouez ar radioioù e brezhoneg ? Gant an FSER, da lâret eo ar "Fonds de
soutien à l'Expression Radiophonique Locale". Met ar gournanmant Barnier
en deus c'hoant nullañ ar foñs-mañ. Penaos ober neuze ? Alan Kloareg,
Prezidant Brudañ Ha Skignañ a lavarout muioc'h deomp.
Keleier ar vro hag ar bed : Gwenvael Delanoe
Teknik : Mael Krenn
Buheziñ Avel em Fenn : Yann Boishardy
Avel Em Fenn - Lun 21 a viz Here
En arvar emañ ar radioioù ba Frañs a-bezh abalamour d'ar raktres lezenn
finañs gouarnamant Barnier : tennet e vefe 10 million a euroioù eus o
budjed, da lavaret eo ne vefe ket mui tapet arc'hant digant an FSER, ar
"Fonds de Soutien à l'Expression Radiophonique Locale". Alan Kloareg,
prezidant Brudañ Ha Skignañ, a ra war-dro ar pemp radio e brezhoneg, a
rein displegadennoù.
An Daou Dangi, Tangi Merien, komedian, ha Tangi Le Gall-Carré, soner
akordeoñs, a ginnig "Ar Boufon hag an ozac'h", un arvest gouestlet d'ar
vugale, leun a fent ha startijenn. Ha soñjet o deus embann anezhañ gant ar
stal-embann Timilenn. Penaos eo bet aozet al labour ?
Muioc'h gant Tangi Merien.
Marion ar Faoued, un dudenn mil anavezet e Breizh , ur seurt vojenn, pell eus
ar wirionez. Setu ar pezh en deus c'hoant diskouezh ar rann eus an heuliad
"Istor Livet",produet gant Brezhoweb. Florian Grouin a ginnig ar rann-mañ.
Keleier ar vro hag ar bed : Aodren Trehen ha Metig Jakez-Vargas
Teknik an abadenn : Mael Crenn ha Gweltaz Heno
Buheziñ : Yann Boishardy