Avel em fenn

Sein, une île de résistance a zo e tan bout embannet e ti Montagnes Noires. Ar c'hazetenner hag istorour Bernez Rouz oa bet da glask istor don ha stank an dud o veviñ àr an enezenn da vare an eil brezel-bed. Un atersadenn kinniget get Radio Kerne.

Sklaerenn ar Galloudeg he doa bevet ha profet ur sapre skiant-prenet dezhi ha d'he familh en ur vonet da veajiñ e-pad 6 miz e broioù India, Nepal ha Malaizia. Muioc'h da glevout e Pennad-kaoz ar sizhun-mañ, un atersadenn bet graet evit an abadenn [Tavarn Kreiz Mitin] (https://rbg.bzh/program/10675/page/1/) get Caroline Trouillet.

Carmen Le Bris a oa bet klañv, asambl get razh ar geriadenn e bro ar Maasaied pa oa bet degemeret enno. Round-up oa bet strewet àr un dachad, e zebre enni saout oa desavet get ar Maasaied... Muioc'h da glevout er gronikenn Beajoù.

Un abadenn kaset dr-eeeun a Bondi e studio Radio Bro Gwened get Enora Molac. [Keleier ar vro] (https://radiobreizh.bzh/programme/1) get Anton Burel.

Divizet eo bet d'ar 7/11 skriv ur lezenn get ar Sened evit dilemmel an AME - sikour yec'hedel ar Stad d'an dud dibaper (AME - Aidé Médicale d'Etat). Mediniserion·ezed, kevredigezhioù... Kalz a dud a zo mantret. Muioc'h da glevout a-ziàr ar pezh a vez bevet àr an dachenn get Christian Ar Meut, ag ar gevredigezh Solidarité Exilés Hennebont. Un atersadenn get Yuna Cojean.

Traoù dic'hortoz a c'heller gwelet gweave... Muioc'h a-ziàr ar prizioù "loufok" Ig Nobel get Loeiz Belleg er gronikenn fizik! War hentoù an antroposenn.

Tudennoù dibar a c'heller daremprediñ gete en ur vonet un tammig pelloc'h er vro! Ar wezh-mañ e vez lakaet àr wel bro Kastellin-Pleyben get skipailhad Bali Breizh, Frañs 3 Breizh. Muioc'h get Maël Gwenneg karget ag ar programmoù.

Beaj Sklaerenn Galloudeg hag he familh a zo bet ur sapre skiant-prenet da zizoleiñ ar bed. India, Nepal ha Malaisia a zo bet gweladennet gete. Muioc'h da glevet e [Tavarn Kreiz Mitin ] (https://rbg.bzh/program/10675/) Caroline Trouillet.

Un abadenn kaset dre-eeun a Radio Bro Gwened e Pondi get Enora Molac. [Keleier ar vro] (https://radiobreizh.bzh/programme/1) get Metig Jakez Vargas.

Julien Cornic a zo rener Ti ar Vro Kawan. Kontañ a ra amañ an oberezhioù nevez savet gante ar bloaz-mañ :
- Ur programm [buheziñ e brezhoneg 'barzh 18 EHPAD] (https://www.tiarvro22.bzh/index.php/2023/09/29/ti-ar-vro-ouverture-dun-service-danimations-en-breton-pour-les-personnes-agees/) e Bro Dreger
- An darvoud [ Breizh Okitania ] (https://www.tiarvro22.bzh/index.php/2023/11/06/breizh-okitania-bretagne-occitanie/) etre ar 25 hag ar 26 a viz Du

Adlañset eo ar c'honkour Soubenn gant Skol Diwan Plounevez-Moedeg ! Un darvoud da strollañ tud Plounevez e sal ar Gouelioù d'ur sadorn da noz, d'an 18 a viz Du, evit evañ ha barnañ soubennoù.
Rozenn an Dreo a gont deomp petra eo ha perak en ober ha kas a ra deomp da soñj emañ savadur ar skol perc'hennet gant kevredigezh tud bugale ar skol, an AEP (Association d'Education Populaire).
Klevet 'vo ivez bugale ar skol, klasad Yann Descognets, war an doare m'o do da brepariñ ur soubenn.

Dec'h e veze anoñset get ar gouarnamant e vo [klasket en "sistematek" ] (https://www.handicap.gouv.fr/nouvelle-strategie-nationale-pour-les-troubles-du-neurodeveloppement-autisme-dys-tdah-tdi) ar vugale a-raog 6 vlez, tapet get dizurzioù dys, TDI pe TDAH: Trouble du déficit de l'attention -get hyperactivité pe get/ Klasket e vo e skolioù ar vugale tapet get autism/aotegezh ivez. Hirroc'h a-ziàr an TDAH hiriv en abadenn get Céline, a zo mamm ur paotrig 8 vlez tapet get an dizurz TDAH.

E pleg an hent a zo kronikenn psiko Maëlle Ausias (Radio Kreiz Breizh), get displegadennoù ar bredour Clément Guillanton, sell Freud & Lacan àr ar lavar. Muioc'h a rannoù [AZE] (https://www.rkb.bzh/e-pleg-an-hent/) .

Hiriv b'an abadenn e vo adkavet Yoann Colas a-ziàr aozadur ar vuhez àr-dro d'an dachenn 100 davad e Plufur, e pennad-kaoz ar sizhun.

Kaset an abadenn dre-eeun a studio RBG e Pondi get Enora Molac, [Keleier ar vro hag ar bed] (https://radiobreizh.bzh/programme/1) get Erwan Blanchard.

Ar 41vet Breizh a Gan a vo d'an 2 & 3 a viz An Azvent (Kerzu) e Gwened. Un darvoud a roay ur plas bras d'an c'han a-gor a vro Gwened. Deuet eo Youenn Boulig, goprad ar gevredigezh Kanomp Breizh da zispleg hirroc'h.

Kompliketoc'h en devout ar gwirioù evit skigniñ animeoù (tresadennoù-bev feson manga, a vro Japan). Muioc'h da glevout get Florent Grouin, karget ag ar produiñ evit Brezhoweb. Muioc'h ivez a-ziàr an anime nevez Disheñwel on me.

Adkavet e vo an dachenn Wazh-Wenn e Plufur, e-dan ar glav e kompagnunezh Yoann Colas. Pennad-kaoz ar suhun kinniget get Maëlle Ausias a Radio Kreiz Breizh.

Un abadenn kaset get Enora Molac dre-eeun a Bondi e studio RBG. Keleier ar vro get Anton Burel.

Mand oc'h ganet er bleadoù 90 ho peus marse wal c'huitet prantad ar boutailhoù « consigne »... ar boutailhoù gwer oa moian rentiñ d'ar produer pe d'ar gwerzher pa oent gouli. Lod 'zo a ra get ar re se en-dro. Muioc'h get Uisant Crequer ag ar c'hooperative Distro doc'h mikro Morgane Bramoullé (Radio Kerne).

E pennad-kaoz ar suhun-mañ e vimp get desaverion daved staliet e Plufur. Emant e klask tud evit preniñ an douaroù, dre Liamm an Douar (Terre de Liens) muioc'h get Yoann Colas ha Jañ-Lou An Intanv, ur reportaj get Maëlle Ausias a Radio Kreiz Breizh.

Suhuniad ar "yezhoù rannvroel" eo àr FR3. Mael Gwenneg e-karg ag ar programmoù e brezhoneg evit FR3 Breizh, o tispleg an traoù. (Gwelloc'h ober get yezhoù minorelaet...)


Un abadenn kinniget get Enora Molac dre-eeun a studio RBG e Pondi.

La Sauterelle a zo un daouad nevez a vro Gallo a lak an dud da zañsal àr sonioù hengounel Breizh Uhel mesklet get elektro-house. Muioc'h da glevout get Gurvan a zo kanet & soner biel.

An troc'h spontus get ar yezh n'eus hor lakaet e Breizh de vout digwriziet get an natur, get ar pezh a zo tro-dro deomp ivez en ur mod. Estroc'h a zo evit Breizh met berpet emañ ur rann-galon... Padrig Drean a zo bet àr roudoù ar loened hag ar gwez evit gellet o anveout da nebeutañ, o postal dre hentoù ar vro. Muioc'h àr ar staj natur Stumdi getoñ e fin ar podkast!

Ur blantenn un istor get Florie: ar boked bleuñv get Nathalie Benibri! Muioc'h a fodkastoù a c'heller [klevout amañ] (http://www.rkb.bzh/tag/ur-blantenn-un-istor/) .

An istoér livet get Nikolaz Grainic a zo ur feson pedago da droc'hiñ get ar gevier o deus treuzet ar c'hantvedoù, a-ziàr an dud a veve àr an tamm patatez mañ. Ar rannoù a zo da wellet [àr lec'hienn Brezhoweb] (https://www.brezhoweb.bzh/Tokou-houarn-kornek-gant-vikinged-istor-livet_fiche_3825.html) .

Un abadenn kinniget get Enora Molac e studio RBG e Pondi, Keleier ar vro get Erwan Blanchard.

Hiriv e vo kaoz deus boued, boued mat ag ar vro. Penaos ober evit ma vo evit razh (toud) an dud? Afer 'zo c'hoazh a zigreizenniñ. Un atersadenn àr-dro d'an devezh kendivizoù a oa e Pondi d'ar Sadorn 21/10 aozet get Lydie Massard, euro-kannadez UDB bremañ e strollad ar re c'hlas. Gaetan Duval o komz.

Adkavit kan ar loened e staj natur Stumdi e kompagnunezh Padrig Dréan e pennad-kaoz ar sizhun, Anne-Soaz aterset ivez e-pad ar reportaj e Ekomirdi Sant-Degan (a zegemere ar staj). Da glevout e fin ar podkast.

Da glevout er podkast ivez: War hentoù an Antroposenn get Loeiz Belleg, An alc'hwez aour sevenet get Mikael Baudu kinniget get Mael Gwenneg, karget a programmoù FR3 Breizh.

Kaset eo bet an abadenn dre-eeun a studio Radio Bro Gwened e Pondi get Enora Molac. Keleier ar vro get Anton Burel.

Kampionez ar Golden Globe Race a gomz a-ziàr ar pezh he deus bevet ha gwelet en ur ober tro ar bed he-unan àr he bag 11 metrad Minnehaha ar blez-mañ. Kirsten Neuschäfer he deus kavet dibar bout hep GPS na skramm ebet e-pad 8 miz àr vor, hag ar redoù-deur tomm a zo o cheñch ha se 'zo pouezus. Muioc'h da glevout dre he vouezh brezhoneg (hani Caroline Trouillet deus RBG) doc'h mikro Enora Molac.

Gwerz Denez a zo levr nevez embannet ar c'haner. Pennad-kaoz ar sizhun-mañ a zo kinniget get Maëlle Ausias (RKB).

Zombiellenium a zo da welet àr [Brezhoweb amañ] (https://www.brezhoweb.bzh/Zombillenium_fiche_4175.html) ha muioc'h da glevet get Florent Grouin, karget ag ar produiñ evit ar chadenn tele en linenn.

Keleier ar vro [da glevout a-bezh amañ] (https://radiobreizh.bzh/episode/59430) , kaset get Erwan Blanchard da vitin.

Avel em fenn a zo bet kaset get Enora Molac dre-eeun a studio Radio Bro Gwened e Pondi ha skignet àr Radio BOA dre-eeun ivez.