An divskouarn o nijal

Gwezhall e veze Maelan spontet gant ar c'hevnid, met se 'oa gwezhall...

Emmanuelle Eon, eus C'hoariva', a ginnig ar pevare festival brezhonek deomp. Emañ e studio Radio Kerne gant Bernez Kere, eus ar strollad amaterien 'Biz ar glav'...

Abaoe meur a vloavezhioù e vez pedet tud dreistordinal gant Gouel Filmoù Douarnenez. Tem ar festival e 2014 a oa pobloù Indonezia, Timor ar Reter ha Papoua. Deus ar broioù pell-se eo deuet ur Waria, Mami Yuli he anv, hag eo bet steredenn ar gouel. Bep bloaz ingal ez eus un den o tizhout kalon ar festivalourien un tammug donoc'h eget ar re all hag eo bet hi ar bloaz-mañ. Ur Waria eo Mami Yuli, da lavaret eo ur plac'h trapet e korf ur paotr. E-pad kantvedoù int bet degemeret mat-kenañ ar Wariaed e kevredigezhioù hengounel Indonezia, ur plas a oa evito digudenn. Met hiziv an deiz ha gant ar vuhez vodern n'eo ket ar memes afer. Kontet e vo he istor gant Mami Yuli, deus he ganedigezh en ur geriadenn hep tredan betek he diplom gwironiezh tapet evit ar wech gentañ gant ur Waria. Splujomp en ur bed dianavezet a n'emañ ket ken pell ouzhomp. Ur bed dishegar hag a c'hell chañj, ur vuhez diaes hag a zo aet war-raok, ur Waria wallgaset deuet da vezañ kannadourez gwirioù ar minorelezhioù.

Ronan a faote dezhañ mont da Ukraina abaoe ur frapad amzer. Ouzhpenn evit ar savouriezh, ar c'herioù, ar gweledvaoù, ar boued, an ostized a rofe bod dezhañ... evit kompren ivez peseurt mod emañ ar vro-mañ o treiñ er mare-mañ. Eno e oa Ronan e dibenn miz eost evit un nebeut deizioù.

20 kanaouenn a gaver war bladenn nevez Jakez ha Bleuenn ar Borgn. « Koumoul Du », ur bladenn e brezhoneg penn-da-benn evit ar re vihan hag ar re vrasoc'h

Ur pennad-komz gant Margot Trebern eus Ploveur, bet o labourat e-kerz an hañv e ti an douristed 'ba Plozeved. Gwelout a rimp ganti penaos eo tremenet ar sezon, ar pezh 'zo da weladenniñ en dro da Blozevet ha piv a teu da vakañsiñ er Vro Vigoudenn Uhel...

Indonezia : ur prezidant a gar ar sonerezh metal, lazhadeg ul lodenn vras deus ar boblañs e 1965, ouzhpenn 13 000 enez ha 700 yezh, sed aze un diverradenn vihan tout deus stad ar vro. Tamara Soukotta, plac'h ar vro, a ya donoc'h e istor he bro.

Splujomp e bed an disrannoù asambles gant Vreer Verkerke, perzh deus Kuzul Transgender Europa a stourm evit gwellaat stadt an Dreuzed en hor c'hevandir. Pedet e oa bet gant Festival Sinema Douarnenez a zegemer ingal treuzgenaded hag etrerevidi evit komz diwar-benn stadt ar re o chom e-maez eus ur gevredigezh binarel savet war daou c'henad enebet. Gantañ e lakimp war-well stadt lezennel an Dreuzed e broioù Europa, ober kuzh al lobbyoù mirelour hag e sell war an dazont. Troet eo bet komzoù Vreer gant Marine Gloaguen.

Emañ Soazig Danielloù o fardañ un teullfilm nevez. Un teullfilm DB istor an emsav hag an dud o deus savet ar c'hamp KEAV e 1948. Ur veaj neuze e memor ar stourm evit ar bzg. Filmañ a raio Soazig 4 familh anavezet mat, Kervella, Louarn, Huon ha Denez. Lod eus an dud en teullfilm a vo klevet en abadenn mañ hag ar realisatourez evel just. An abadenn zo bet preparet gant Stajidi radio Kerne e KEAV 2014. Trugarez dezho evit o labour a feson

Pezh c'hoari nevez ar strollad Tro Didro kaset gant Yann Fulup Dupuy a ra berzh. C'hoariet oa bet e Landrevarzeg e pad an hañv 2014. Leun ar sal ha laouen ar publik da heul ar pezh. Klevet a rimp aze al leurenner, darn eus ar gomedianed hag eus an arvesterien. Fardet eo bet an abadenn gant stajidi radio kerne KEAV 2014. Trugarez dezho evit o labour a feson.