An divskouarn o nijal

Respontet en deus Lena Boisard, plac'h studierezh e skol veur an Oriant, da goulennoù Glenn en doa diwar benn, Pont Aven hag e istor ha dreist holl diwar benn mirdi Pont-Aven hag eus ar raktresoù evit an dazont.

Setu arruet 20 bloaz lise diwan Karaez, un arouez evit ar brezhoneg. Lidet e vo ar gouel er sal Glenmor 'ba Karaez ha gortozet e vez an holl liseidi kozh hag ho familhoù. Atersadenn gant Fulup Kere ha liseidi Termen L 2014

Aet eo Glenn da atersiñ Anais Skornet, plac'h mirourez mirdi Landerne war an diskouezadeg a zo ennañ anvet Jean Dubuffet an disuj. Dizoloomp asambles piv oa Jean Dubuffet ha petra en deus krouet

Scott Piriou ouzh ar mikro, paotr yaouank eus Konk Kerne o tisplegañ deomp petra eo ar sportoù elektronek (E-sport) da laret eo ar c'hoarioù video a live micherel.

Paotr-Louarn, bandenn treset doare "komiks" kentañ Breizhad ! Istor ur paotr yaouank eus Roazhon gant galloudoù louarn dezhañ, gant Camille an Argouac'h aterset, ezel eus ti embann Keit vimp bev

Un abadenn gouestlet d'ar genweturiñ, un doare treuzkas brudetoc'h brudetañ er bed a vremañ. Atersadenn gant Mikel ar C'hraz, ur foeter bro kendrec'het gant ar genweturiñ.

Krouet eo bet ar gevredigezh CAREPA e 2010. Enni e kaver sitoaianed o stourm evit adc'hounit dourioù sklaer ha terkañ poellekoc'h foenijiri ar C'hinkiz, e Kemper.

35 skol, 6 skolaj hag ul lise, sed aze ar rouedad Diwan e Breizh hag e Pariz. Berzh a ra an hentad-mañ ha koulskoude e chom broioù dilezet e lec'h n'ez eus ket tu d'ar vugale deskiñ brezhoneg er skol. E Bro ar C'hap da skouer e Penn ar Bed n'ez eus netra kinniget d'ar gerent a fell dezho lakaat o bugale da zeskiñ yezh ar vro. Ret eo mont betek Douarnenez, ar vro vigouden pe c'hoazh Kemper. Met a-raok pell e vo tu d'ar bugaligoù splujañ e bed ar brezhoneg a-drugarez d'un toullad tud menet. En o zouez, Loeiz Guillou, paotr ar Pont, a zo sekretour kuzul skoazell Diwan Bro ar C'hap. Gantañ hag un nebeut reoù all e vo digoret ur skol vamm Diwan e Ponte Kroaz e miz Gwengolo 2015. Evel just n'eo ket graet c'hoazh, ret eo d'ar gerent rakenskrivañ o babigoù met war an hent mat emañ ar raktres. Deus pelec'h eo deuet ar mennozh ? Petra eo bet ret dezho ober ha petra a chom c'hoazh d'ober evit digeriñ ar skol mañ ? Petra eo stad ar brezhoneg e Bro ar C'hap hag emdroadur ar yezh ? Sed aze tem an abadenn-mañ.

Ar brezhoneg eo he yezh war meur a dachenn...

Philippe Guilloux a faote dezhañ kontañ ar c'houplad le Garrec en ur film, abalamour m' int bet abaoe pell, e-giz luc'hskeudenner pe realizatourez teulfilmoù, testoù hag aktourien eus an holl stourmoù sokial bet kaset e Breizh abaoe muioc'h evit 40 vloaz. 'Nicole & Félix' 'vez skignet e sinemaoù ar vro abaoe un nebeut sizhunioù hag ouzh ho skrammoù-tele 'vo a-benn an 13 a viz du, gras d'ar chadennoù lec'hel...