Avel em fenn

En abadenn, un atersadenn gant [Glen Doujet diwar-benn an dibenn-sizhun kengred e KerOchap e Melrand] (https://www.radiobreizh.bzh/episode/53262) . Klevet 'vez ivez ar c'hronikoù Psikologiezh diwar-benn an TCC, Thérapie Cognitivo-Comportementale, un doare da bareañ an dud buan deus pezh a c'hell empech anezho d'ober traoù. Setu ali Clément Guillanton. Hag ar gronikenn [A-ramp war'r gomz gant Gwendal Denez] (https://www.radiobreizh.bzh/episode/53284) o komz deus al liamm etre ar skritur "poblel" hag ar c'hantikoù.

Ti-feurm Keroperh 'mañ staliet e kreiz ar parkoù hag ar c’hoadoù war gumun Melrand ba morbihan. Eno vo aozet un dibenn-sizhun arvestoù a-bep seurt, ur pred-kabaret gant sirk, ur fest noz bras, ha se vo d’ar 14 ha d’ar 15 aviz here, en daou c’hoban-bras a zo savet e kreiz an ti-feurm. An darvoud-se ‘zo kenaozet gant Kerochap, kevredigezh stag ouzh al lec’h, ha RESF Pondi, réseau éducation sans frontières, evit strollañ arc’hant da skoazell ar repuidi.
Glenn An Doujet hag e gompani sirk Panik a zo staliet e Kerochap. Gantañ e refomp tro al lec’h, peadra da goût hiroc’h war ar C’hompani Panik, war Kerochap ha war an dibenn-sizhun fest ha skoazell a vo d’ar 14 ha 15 a viz here.
Pred-Kabaret ar gwener 14 a grogo da 8 eur hag a gousto 20€. Hastit buan prenañ ho tiked 'blam ne chom ket kement-se a blasoù ! Toud an titouroù ‘benn mirout plasoù (liammoù helloasso pe niverenn pellgomz) ‘zo da gavout war bajenn facebook RESF Pondi.
Fest-noz ar sadorn 15 a grogo da 6e, bar chapito (tommet ha toud !), hag 'vo priz libr evit mont e-barzh, gant ur plato a-galite. Plijadur ‘vo !
Atersadenn gant Rose Troadeg

E kronikenn "Dastum" ar sizhun e vez kaoz deus Louiz Bonnieg, a oa o chom e Plunet e Bro Dreger ha deus unan deus ar c'hanaouennoù niverus a gane : Janedig Koant. Ifig Troadeg en doa enrollet anezhi er bloavezhioù 1980, emañ ouzh mikro Tomaz Laken. Goude 'vez klevet Gael Briand, dilennad eus an tu-enep e kuzul-kêr An Oriant. Ouzh mikro Yuna Kojan e tispleg ar muzulioù nevez lakaet e plas gant kêr An Oriant a-benn mestroniañ ha reolenniñ marc'had ar feurmiñ lojeiz evit prantadoù berr. Keleier ar vro hag ar bed a zo kinniget gant Tunvezh Vlagen-Granjean. Pennad-kaoz ar sizhun-mañ a zo gant Bastian Guillou diwar-benn ar Seizh Sant er C'houerc'had. Kaozeal 'raio eus ar chapel, ar feuntenn, ar pardon islamo-kristen 'vez eno bep bloaz ha deus Louis Massignon, krouer ar pardon-se. Hirie 'vez kaoz deus mojenn ar Seizh Sant, "ar gouskerien". Er gronikenn "Ur blantenn, Un istor" 'vez komzet gant Bronwenn Pinschof deus an ach, ul legumaj burzhudus hervezi, emañ ouzh mikro Florie Thielin.
Animet gant Rose Troadeg
Muzik : Eithne Ni Uallachain, Victor Démé

Er gronikenn "Barzhaz" 'vez kaoz hirie, gant Riwall Jorjilin ha Tomaz Laken, deus Arnodva an hadennoù, ul levr embannet gant Ti-Embann ar Skolioù hag a zispleg pep tra d'ho pugale diwar-benn ar c'hleñvedoù en un doare heugus met plijus! Goude 'vez klevet Anna Al Lae o kontañ ar bec'h he deus bet kaout ul levrig-familh divyezhek brezhoneg-galleg deus perzh ti-kêr Pabu. Gwilhom Morin eus Ofis Publik ar Brezhoneg a ro deomp e sav-poent war an tabut-se ivez. Emaint ouzh mikro Tomaz Laken. Keleier ar vro hag ar bed 'zo kinniget gant Yuna Cojean. E "Pennad-kaoz ar sizhun" ez echuomp hon zro e "La Dérive" ba Pont Menou, e-kichen Lanmeur. Liesseurted an darvoudoù a c'hoarvez el lec'h sevenadurel-se a zo kinniget gant Marie Lintanf ha Gildas Grimault. Emaint ouzh mikro Maelle Ausias.
Animet gant Rose Troadeg
Muzik : Electric Bazar Cie, Orchestra Baobab, Fabulous Trobadors

Un atersadenn gant Bleuenn Saoz ha Iona Smulders e [ti-feurm Trevero] (trevero.fr) staliet e Serent. Kronikenn diwezhañ Brezhoneg Bro Dreger vihan gant Bernard Cabon hag ar gronikenn Ouzhpenn ar Vretoned 'zo diwar-benn ar c'hupseg. Ul lodenn ivez deus Pennad-kaoz ar sizhun gant Gildas Grimault ha Mari an Intanv o komz deus al lec'h Le Derive staliet e Pont-Menou 'kichen Plestin.

Petra nevez war Brezhoweb ? Koulzad 2 an heuliad Flapakarr a grogo d'ar 5 a viz Here hag e vez kinniget deomp gant Florent Grouin. Goude ez eomp gant Tomaz Laken betek ti-feurm ar "Buis Sonnant" e Plougerne'el. Julien Lannou, arzour, en deus savet ur pezh oberenn arz e kreiz ur park moc'h, e ti Marion Henri, ar venajerez. Emaint o-daou o tisplegañ perzhioù mat "Champs d'expressions", un darvoud aozet gant La Fourmi.e tro-dro da Rostrenn. Ar c'heleier a zo kinniget gant Erwan Blanchard. "Pennad kaoz ar sizhun", savet gant Maelle Ausias a zo diwar-benn "La Dérive", ul lec'h sevenadurel savet en un heskennerezh kozh. Hirie 'vez kaoz gant Marie Lintanf ha Gildas Grimault eus ar vilajenn lec'h ma 'mañ staliet, Pont Menou. Er gronikenn "Tamm ha tamm 'vez graet he bragoù da Chan" 'vez kaoz deus ar parded. Peseurt lezenn evit ar strolladoù politikel ha daoust hag eñ e vez doujet deus al lezennoù-se ? Anne Koadig a respont da Vaelle Ausias.
Animet gant Rose Troadeg
Muzik : Guy Davis

Visant Dubois a lak ac'hanomp d'ober tro levraoueg hollvrezhonek Ti ar Vro Kawan. Ul levraoueg ur bern teñsorioù enni. Dorioù digor a vo aozet eno disadorn, an 8 a viz Here, kement ha brudañ al lec'h, hag ouzhpenn-se e vo ivez ur gwerzh a-vras a levrioù evit ar vugale (hag evit ar re vras ivez!) gant distaolioù spontus. An darvoud 'zo aozet gant an tier-embann Keit vimp bev ha Dastum.
An devezh a grogo da 10 eur, betek fin an abardeiz.
Levraoueg Ti ar Vro e Presbital Kozh Kawan 'vez digor, a-hend-all, d'ar Meurzh, Merc'her ha Yaou etre 1 eur hanter ha 6 eur goude merenn, ha deus ar beure d'ar Yaou ha d'ar Sadorn, etre 10 eur ha kreisteiz.
Titouroù ouzhpenn : Vinsant Dubois [levraoueg@tiarvro22.bzh] (mailto:levraoueg@tiarvro22.bzh) – 02 96 49 12 06
Atersadenn : Rose Troadeg

Abaoe kazi triwec'h miz emañ Anna al Lae ha Tudwal Girard o c'hortoz kaout ul levrig familh divyezhek brezhoneg-galleg. O mab Taliesin oa bet ganet un nebeud mizioù zo en ospital Gwengamp, staliet war gumun Pabu. Nevez zo e oa bet nac'het o goulenn gant kêr Pabu. Met un tamm trouz oa bet graet gante ar sizhun dremenet dre ar rouedadoù sokial hag ar mediaoù ken eo deuet ar gumun war he soñj... Pennad-kaoz gant Anna al Lae ha Gwilhom Morin deus Ofis Publik ar Brezhoneg.

Er gronikenn "Dastum" e tispleg Yann-Ewen L'haridon, kaner ha soner ar strollad "Modkozmik", e zibaboù kanaouennoù ha tonioù a-benn sevel un abadenn nevez-flamm anvet "Menez Kernall". An abadenn-se 'zo bet savet espres-kaer da geñver lid 50 bloaz Dastum hag e vo kinniget e Sal Amzer-Nevez Plañvour d'ar yaou 6 a viz Here asambles gant ur raktres ken nevez-flamm all, hini Emanuelle Bouthillier, kanerez ha senerez violoñs, anvet "A l'évâillée". Ur gronikenn savet gant Maelle Ausias. Goude 'vez roet ar gaoz da Visant Dubois evit brudañ levraoueg hollvrezhonek Ti ar Vro Kawan ha gwerzh a-vras levrioù evit ar vugale, aozet gant tier-embann Keit Vimp Bev ha Dastum, d'ar sadorn 8 a viz Here e Kawan. Keleier ar vro hag ar bed 'zo kinniget gant Tomaz Laken. Ar gronikenn "Ur blantenn, Un istor" 'zo diwar-benn ar c'hoñkoñbrez, gant Marilia Petite ouzh mikro Florie Thielin.
Animet gant Rose Troadeg
Muzik : Ye Vagabons, Zanmari Baré

E Montroulez kumuniezh emañ digoust ar c’hirri-boutin abaoe ar 1añ a viz Gwengolo. War c’hwec’h kumun warn-ugent neuze. Ur sapre choaz politikel evit ar seizh linenn hag hanterkant, bet kaset da benn gant dilennidi ar vro, ‘sambles gant Keolis, ar filiale a ra war-dro d’ar bus dre un DSP, délégation de service public. Ur raktres hollek evit sikour ar familhoù a-fed arc’hant mes ivez evit ma vefe nebeutoc’h a otoioù, o kinnig ivez d’an dud feurmiñ beloioù tredan, pe o kinnig ur c’harr-boutin bihan, o vont en dro dre dredan ivez, digoust, o treuziñ ar ger a-hed an devezh.
‘Vel just e oar an dilennidi eo start kinnig seurt raktresoù evit ur c’humuniezh kumunioù war ar maez kar eo ret dont a-benn da gendrec’hiñ ivez d’ar re o chom ‘bar c’humunioù tro-dro dont betek Montroulez dre ar c’harr-boutin daoust d’ar fed ne vefe ket kalz dionte c’hoazh.
E Breizh, evit poent, ez eus Dinan, Dinard, Gwitreg, Karaez ha Saint-Brévin-les-Pins o kinnig kirri-boutin digoust.
Solange Creignou a zo bez-prezidantez e karg deus an ekonomiezh ha maerez Sant-Tegonneg, asantet he deus respont d’hon goulennoù e brezhoneg, mersi bras dezhi.