Avel em fenn
Radio Bro Gwened
Avel Em Fenn - Meurzh 17 a viz Kerdu
Anna Vreizh, Nathalie Lemel, pilhaouerezed, Macha, deus Minsk...Kanañ war un ton nerzhus istorioù kriz merc’hed a-wechall hag a-vremañ, merc’hed o deus graet an istor, bras ha bihan, setu ar pezh vez graet gant ar strollad Kaolila. Gégé Gwen neus skrivet pozioù kanet gant Faustine Audebert, Katell Kloarec ha Marion Gwenn, eilet gant Nicola Hayes ouzh ar violoñs ha Doniphan Laporte ouzh ar gitar, ya ur paotr zo ba’n afer ivez ! Ur miz zo eo deuet er maez o fladenn gentañ . Muioc’h gant Marion Gwenn ha Gégé Gwen ouzh mikro Yann Boishardy deus Radio Kreizh Breizh.
Maïwenn Raynaudon a gomz diwar-benn an niverenn ispicial Bretons, diwar ar veajourien, ar beajourezed.
Paperioù, melestradurel, bankoù...Daoust d'an holl skoilhoù-se Eurydice Wicheler ha Quentin Piederriere a zo deuet a-benn d’ober ar pezh o doa huñvreet. Ha choajet neuint goro o saout ur wech bemdez ha bezañ ezel eus Biolait, ur gevredigezh a broduierien.rezed laezh. Dizalc’h hag emren int a-drugarez da-se.
...N'eo ket Ker Ys, anv strollad e fin an abadenn met Ars'Ys, a sen "Gouel Nedeleg" !
Teknik : Gweltaz Heno
Buheziñ an abadenn : Yann Boishardy
Avel Em Fenn - Lun 16 a viz Kerdu
Diaesoc’h-diaesañ eo kavout ur mezeg, ur vezegez, pe c’hoazh bezañ degemeret aes ba un ospital, ba lech’ioù zo. ‘Blam da-se, sitoianed.ezed, sindikalourien.ezed ha tud a labour ba r bed ar yec’hed ba bro Dreger, o deus krouet ar stroll Initiative Urgences Armor Santé Yech’ed. Er mare-mañ, e kinnigont ur roll goulennoù, ur seurt kaier klemmoù diwar-benn ar yec’hed. Gael Roblin, kuzulier-kêr Gwengamp, a lâr muioc’h da Gwenvael Delanoe, deus Radio Breizh.
Florent Grouin, deus Brezhoweb, a gomz diwar-benn rann diwezhañ eus ar c’houlzad Istor Livet, ur rann dediet da Sant-Weltaz.
Ur raktres eus a-bell e oa krouiñ ur menaj gant Eurydice Wicheler ha Quentin Piederriere. Da benn-kentañ tout n’o doa ket soñjet d’en em staliañ ba bro Dreger met kavet o deus eno ur rouedad a vignoned.ezed dreist-holl gant skol Diwan Plonevez-Moedeg, hag ivez pradoù gleb ha geot druz evit sevel o chatal saout laezh. Muioc'h gant Eurydice ouzh mikro Yann Boishardy, deus Radio Kreizh Breizh.
Ha deus laezh ha desaverien saout e vo anv ivez gant ar media enklask Splann Ar gazetenerez Juliette Cabaço-Roger a zo aterset gant Enora Molac, deus Radio Boa.
Teknik : Gweltaz Heno
Buheziñ : Yann Boishardy
Avel Em Fenn - merc'her 11 a viz Nandeleg
Emañ mikromagouri Youn ha Solena en arvar dre ziouer ag argant!
Sikourit get Mikromagouri Youn ha Solena: [https://www.cotizup.com/sauvons-younhasolena] (https://www.cotizup.com/sauvons-younhasolena)
Laouen a gKeit Vimp Bev a gont penaos e skriv istoerioù aveid ar vugale. Un istoer ho peus da ginnig? Skrivit da [rouzig.kvb@orange.fr] (mailto:rouzig.kvb@orange.fr)
Aodren Saner a zispleg he micher diskourrerez gwez e pennad kaoz ar sizhun
Avel Em Fenn - Meurzh 10 a viz Kerdu
N'ho peus ket kavet c'hoazh ur prof evit an Nedeleg ? Jerom Olivry, skrivagner, ha Kristian Goindin, tresadenner, o deus embannet Atlas ar bedoù faltaziet, . Ennañ e kavoc'h kartennoù e brezhoneg deus bedoù ijinet gant skrivagnerien evel Tolkien, Pratchett pe c'hoazh Paolini. Ur sujed kinniget gant Anton Burel.
Tristan Ar Floc'h a zo o stourm da reizhañ skritur e anv e marilh ar boblañs.
Un anv all, un anv-bihan ar wech-mañ : Augustine eo, titl al levr en deus skrivet Regis Delanoë diwar-benn e vamm-gozh. Deus se eo anv gant Maïwenn Raynaudon, penn-redaktourez ar gelaouenn Bretons.
Start eo sikour an dud a-wechoù ha kouskoulde sed ar pezh e vez graet bemdez gant ar bomperien, ar pomperezed. Setu perak o dez ezhomm da gaozeal etreze goude, pe gant ur psikologour, ur bsikologurez. Muioc'h gant Aodren Saner, pomperez e Berrien.
Teknik : Gweltaz Heno
Buheziñ Avel Em Fenn : Yann Boishardy
Avel Em Fenn - Lun 9 a viz Kerdu
Gwelet e vez efedoù ar politikerezhioù frankizou, pa ec’h omp d’an ospital da skouer. Setu ar pezh a displeg Guy, a oa o vanifestiñ e Gwengamp Diryaou tremenet.
Kousto pe gousto e vez klasket epern an arc’hant diwar choug ar gelennerien, ar c’helennerezed, da skouer en ur tennañ arc’hant diwar o c'hopr pa vezont klañv. Neuze dispriz e vez sentet gant ar re a labour bemdez gant ar vugale, ar grennarded ar c’hrennardezed. Anne Koadig, deus Sud Education, a lâr deomp muioc’h.
Florent Grouin, deus Brezhoweb, a ginnig deiziataer an Nedeleg.
Goude an tanioù-gwall ba Menez Are e miz Gouere 2023, Aodren Saner doa c’hoant d’ober un dra bennak evit sikour a re all hag ar sistem yec’hed. Choajet he doa, neuze, d’en em stummañ evel pomperez a youl-vat.
Keleier ar vro hag ar bed : Gwenvael Delanoe
Teknik : Gweltaz Heno
Buheziñ : Yann Boishardy
Avel Em Fenn - Meurzh 3 a viz Kerdu
Krouet eo bet an arboretum en Uhelgoad bloavezhioù zo gant Jean Merret, foeter-bro deuet da vezañ rener Ti Ar Re Goz eno. Deus e veajoù en doa degaset hadoù a bep spes. Evit ober war-dro ar park-mañ e oa bet krouet ar gevredigezh Migoned.ezed Gwez ar Bed e 2008. Ul lec'h foran e oa, da weladenniñ. Met terret e oa bet ar c'hendivizat etre ar gevredigezh hag an Ephad ha lakaet an arboretum da werzhañ. D'ar Yaou 28 a viz Du eo bet nullet ar werzh. Muioc'h gant Herve Masson, ezel eus ar gevredigezh Migoned.ezed Gwez ar Bed. Aterset eo gant Yann Boishardy, eus Radio Kreizh Breizh ha Kaourintin, stajiad Skol An Emsav Naoned.
Ul lec'h ofisiel e vez roet da vinorelezhioù ar Bed en ABU ( an ONU), ur wech bep bloaz. 17vet Forum ar Minorelezhioù a oa dalc'het ar sizhun paset e Jeneva, e Palez ar Broadoù. Petra oa an tem ? Ar minorelezhioù e lech'ioù foran. Minorelezhioù a bep seurt a zo bet gwelet eno, evel kevredigezhioù Ouighoured, Yezhidi, Collectif de femmes pour les droits de l'homme, Kurded, hag all. Ar gengevredigezh Kevre Breizh a oa enno ivez. Manon Gourrierec a zo ken-brezidantez ar gevredigezh Kenstroll Breizh. Krouet e oa bet ar gevredigezh da-heul an Dekvet Forom e 2017, gant tud o tont a gevredigezhioù disheñvel evel ar Redadeg, Faouell breizh, pe an UDB. Kaset omp eno ha gwelet a reomp an traoù gant he daoulagad.
E 1977 oa bet krouet skol Diwan gentañ e Lambaol-Gwitalmeze. Ur pennad mat a hent zo bet graet abaoe kazi hant-kant bloaz. Bresk eo ar rouedad c'hoazh e-fet a arch'ant ha nebeutoc'h-nebeutañ a stourmerien.rezed a zo. Komzet e vez deus se gant Maïwenn Raynaudon, penn-redaktourez ar gelaouenn Bretons.
Reiñ sikour d’an dud eo pal kentañ ar bomperien-ar pomperezed, evel just.Neuze gante e vez bevet mareoù start a wechoù. Setu perak o dez ezhomm da gaozeal etreze goude, pe gant ur psikologour-ur bsigologourez. Setu ar pezh a displeg deomp Aodren Saner, pomperez ba Berrien. Entanet eo gant an tan ha gant he labour a youl-vat. Koulskoude, n’eo ket tangwallerez, piromanez, evit-se Bezit dinec’h !
Teknik an abadenn : Mael Krenn
Buheziñ : Yann Boishardy
Avel Em Fenn - Lun 2 a viz Kerdu
N'eo ket aes evit peizanted.ezed zo gounid o zamm bara daoust ma vez graet labour tri gante. Setu perak o doa manifestet e miz Genver 2024. Ar gouarnamant en doa prometet e cheñchfe an traoù, ha deuet eo da vezañ gwasoc'h c'hoazh evit an en-dro. Er mare-mañ ez eus negosiasionoù tro-dro d'ar Mercosur,ar pezh a zo dihunet fulor ar beizanted, ar peizantezed. Daoust hag-eñ e z'eo a-du gant an holl diouzhte gant an emsav-mañ ? Muioc'h gant JB Lefevre, saver saout gant e wreg Anna Lefevre. Int a zo izili eus ar geveleri Biolait.
Florent Grouin, deus Brezhoweb, a ginnig deomp rann ziwezhañ An Istor Livet, gouestlet da Sant-Weltaz.
Pomperez a youl-vat eo Aodren Saner. Perak en doa choajet mont da vezañ unan bennak a sikour an dud? Penaos a ra evit gouzañv traoù start. Kontiñ ar se ouzh mikro Yann Boishardy, deus Radio Kreizh Breizh.
Teknik : Mael Krenn
Buheziñ : Yann Boishardy