Larsen ha mediator !

« Turn on, tune in, drop out », lug da spered, selaou da drivliadennoù ha skarzh levezonioù ar gevredigezh amerikan, hiziv e « Larsen ha mediator » e vountomp dorioù an emskiant evit en em staliañ e karter Haigh Ashbury e San Francisco, kavell ar rock psikedelik amerikan. Playlist : - 13th Floor Elevators : You 're gonna miss me - Dr Timothy Leary : Turn on, tune in, drop out (Foñs son) - The Grateful Dead :The golden Road - The Grateful Dead : Bird song - Dr Timothy Leary : A message to young people - Dr Timothy Leary : The turn on (Foñs son) - Jefferson Airplane : Volunteers - Jefferson Airplane : Somebody to love - Jefferson Airplane : White rabbit - Quicksilver Messenger Service : Who do you love

Hiziv e lakaomp bleunioù en hor blev hir e « Larsen ha Mediator ». E 1967 ez eus un dispac'h sevenadurel o vont en-dro, e episañtr o vezañ San Francisco. E 1965 eo bet implijet ar ger « hippie » evit ar wech kentañ gant an Examiner, ur gazetenn lec'hel. E nebeutoc'h evit daou vloaz eo deuet karter Haight Ashbury da vezañ diazlec'h ar vuhez e kumuniezh, war batrom strolladoù evel The Grateful Dead, Quicksilver Messenger Service pe Jefferson Airplane. An doare bevañ-se zo diazezet war ur menoz simpl-tre : evit cheñch ar bed eo ret kregiñ o cheñch e vuhez. Ar bandennadoù tud yaouank oc'h en em vodañ a-hed ar Golden Gate o deus ur sell nevez war ar pezh a zle bezañ an darempredoù etre an dud, gant muioc'h a gevatalter etre ar reizhoù, etre ar gouennoù. Peace and love eo o ger-stur ! Playlist : - The Charlatans : Alabama bound - « The hippie temptation » : 22/08/67 CBS News serie « Who, What, Where, When, Why » (pennadoù) - « Perak ne garit ket an hippies ? » Atersadenn Ruth McAlister, annezadez Haigh Ashbury « summer of love airs », stirad American experience 25/07/2017 war PBS - Big Brother and the Holding Company : Down on me - Janis Joplin : Mercedes Benz - Timothy Leary : Turn on (e-pad human be-in San Francisco) - Country Joe and the Fish : Flying high - The Youngbloods : Get together (foñs son) - Moby Grape : Come in the morning - Moby Grape : Ain't no use - The Warlocks : Can't come down

Emaomp o vont da genderc'hel hiziv gant strolladoù psikedelik amerikan ar sixties e Larsen ha Mediator rak dalc'het ez eus bet soñj eus un nebeut strolladoù eus ar mare-se, met nag a strolladoù a galite a oa, liesseurt, ijinus meurbet hag a chom dianav d'ar brasañ niver. Ma c'hellit ober anaoudegezh gant un nebeut anezho hag a blij deoc'h er pezh 'm bo skignet hiziv e vin kontant. Playlist : - The blues Maggoos : We ain't got nothing yet  - The ChocolateWatch Band : Are you gonna be there - The Strawberry Alarm Clock : The world is on fire - Blue Cheer : Babylon - It's a beautiful day : Bombay calling - The butterfield Blues Band : East-West

Setu-ni bremañ war ar West Coast e deroù ar bloavezhioù 60. N'eo ket stank ar plijadurioù evit re yaouank ar baby-boom. Ar surf zo deuet da vezañ diouzh ar c'hiz abaoe un dek vloaz bennak kostez Malibu. Unan eus ar sportoù embreget gant ar baotred yaouank war an deiz a-raok douseta diouzh an noz tro-dro d'un tantad war an draezhenn en ur selaou tonioù, hep pozioù peurliesañ, leun a c'hitarioù glebiet er reverb hag en heklevioù : splujomp er surf rock ! Playlist : - Sol Hoopi : fascinatin' rhythm (foñs son) - Trailer « Beach party tonight » American International Pictures 1963 - The surfaris : Wipe out - The Ventures : Walk, don't run - Annette Funicello : Surfer's holiday - The Beach Boys : Surfin' - The Beach Boys : Surfin' USA - The Beach Boys : God only knows - Jan and Dean : Surf City - The Honeys : Surfin' down the Swanee river - Dick Dale : Misirlou Levrlennadur : « Rolling Stone Special California Dreamin' » HS 17

Ur flac'had eo bet ar british invasion, o reiñ ul lañs nevez d'ar rock evit un toullad tud yaouank er States. Adalek 1964 o deus strolladoù evel the Beatles, the Stones, the Kinks, the Animals pe the Yardbirds hadet greunennoù ar pezh a vo anvet ar rock garage. Hiziv e « Larsen ha mediator » e tremener hon amzer gant krennarded amerikan o leuskel o blev da greskiñ evel ar Beatles pe ar Stones, o prenañ gitaroù ha sonenrollerioù evit engravañ o zaolioù-kaer war vandenn, deomp deî ! Playlist : - Syndicate of sound : Little girl - The sonics : The witch - The Kingsmen : Louie Louie - The Trashmen : Surfin' bird - The Paragons : Abba - The Castaways : Liar, liar - The Remains : Why do I cry Levrlennadur : « Rock garage, fuzz, farfisa et distorsions » Christophe Brault - Le mot et le reste. « L'odyssée du rock » Florent Mazzoleni - Hors collection

Kenderc'hel a reomp hiziv e « Larsen ha mediator » hor c'hantreadenn e luskad ar rock garage. Awenet gant ar strolladoù saoz o treustiñ plasoù kentañ ar billboards amerikan e-kreiz ar bloavezhioù 60 e krou miliadoù a grennarded strolladoù o seniñ e karrdi o zud. Hervez ur studiadenn embannet e Life Magazine e 1966 ez eus ul lisead amerikan diwar 3 o seniñ en ur strollad rock. Hag ar strolladoù-se o deus ur son a dreuzfurmo anezho e kentpatrom ar wagenn punk un dekvloaziad diwezhatoc'h. Playlist : - The Shadows of knight : Gloria - The Count Five : Psychotic reaction - The Wailers : Hang up - The Standells : Dirty water - The Seeds : Can't seem to make you mine  - The Spiders : Don't blow your mind - ? & the Mysterians : 96 tears - The Jet Reactions :Post tour depression  Levrlennadur : « Rock garage, fuzz, farfisa et distorsions » Christophe Brault - Le mot et le reste. « L'odyssée du rock » Florent Mazzoleni - Hors collection

Hiziv e vo un tammig ispisial an abadenn rak ne heuliimp ket red an amzer. Chomet e oamp ar sizhun dremenet e New-York ha meneget am boa meur a soner eus ar metoù folk-rock. Emaomp o vont da genderc'hel hor beaj er pezh a vez anvet bremañ an americana music, hep chom gennet er bloavezhioù 60. Ha peogwir am boa komzet ar wech diwezhañ eus Woodye Guthrie ha da heul eus e vab em eus c'hoant hiziv kinnig un abadenn anvet « Mab e dad », pe « merc'h he zad ». Playlist : - Levon Helm : Got me a woman - Amy Helm :Good news - Steve Earle : Devil put the coal in the ground - Justin Townes Earle : The saint of lost causes - Jeff Buckley : Alleluia - Tim Buckley : Make it right

Setu kuitaet Breizh-Veur ganeomp, treizhet ar Meurvor Atlantel evit en em gavout er States en-dro evit komz eus ur sonerezh eeun, simpl, kronikenn an Amerik diwelus, hini an dud vunut hag al labourerien, a-raok ma erruo mare ar protest songs, ur sonerezh treuzdanvezel e istor ar rock : ar folk ! Playlist : - Woodye Guthrie : Talkin'dust bowl blues - Pete Seeger : Where have all the flowers gone - Pete Segger : Waist Deep in the Big Muddy - Carolyn Hester : I'll fly away - Brownie McGhee and Sonny Terry : John Henry - Charles Mingus : Moanin' (Foñs son) - Dave Van Ronk : Hang me, oh hang me - Tom Paxton : Goodman, Schwerner and Chaney - Tom Paxton : Lyndon Johnson told the nation - Phil Ochs : I ain't marching any more

Degemer mat e Larsen ha mediator, kenderc'hel a reomp hon ergerzhadenn e metoù folk Greenwich Village e New-York ar sixties. Hag hiziv e vo gouestlet an abadenn d'ur c'haner gitarour yaouank eus ar Minnesota aet war roudoù Woodie Guthrie had a dreuzfurmo gweledva ar sonerezh e eil hanterenn an XXvet kantved. Playlist : - Bob Dylan : Talkin' New York - Bob Dylan : A hard rain 's gonna fall - Peter paul and Mary : Blowin' in the wind - Bob Dylan : The times there a changin' - Bob Dylan : Emvodoù kelaouiñ - Bob Dylan : Motor psycho nightmare - Bob Dylan : Subterranean Homesick Blues

Ar sizhun dremenet e oamp chomet a-sav gant Bob Dylan o tilezel ar binvioù akoustik evit seniñ gant ur strollad ha silañ gitarioù tredan en e sonerezh ! Evit ar folkeù penn-kill ha troad hag intelektualed Grennwich village ez eo ur vombezenn diaes da lonkañ. Gwashoc'h c'hoazh p'en em ginnig Dylan war leurenn festival Newport gant ur strollad rock, The Paul butterfield Blues Band. Rediet int da guitaat al leurenn dindan huchadennoù ha kunujennoù an arvesterien. Playlist : - Bob Dylan : Like a rolling stone - The Band : If I lose (Foñs son) - The Band : Long distance operator - Bob Dylan : Visions of Johanna - Jimi Hendrix : All along the watchtower - Bob Dylan : Girl from the North country - Bob Dylan : False project