Pesa mod 've lâr't ?

Peseurt diferañs zo etre taol-mouezh brezhoneg Bro-Gwened hag an taol-mouezh er broioù all ? Dalc'homp un tamm bihan c'hoazh asambles gant Serj Bozeg hag Enora Molac.

A-benn ma vez graet goap ouzh tud Bro-Gwened a vez graet ar re "tcheu tcheu" deuzouto. Hag an dra-se n'eo ket gwall fin peogwir ouzhpenn e Bro-Gwened 'vez kaozeet gleb. Ar staonekadur a vez graet deus an dra-se e brezhoneg, "palatalisation" e galleg. Ha Serj Bozeg en deus displeget da Enora Molac penaos ya en-dro.

Dalc'homp un tamm bihan c'hoazh asambles gant Serj Bozeg hag Enora Molac, a oa komañset ar sizhun baseet da safaret deomp deus ar staonekadur e brezhoneg.

Dalc'homp un tamm bihan c'hoazh asambles gant Serj Bozeg hag Enora Molag (RBG) gant fonetik ispisial sonioù 'zo e brezhoneg Bro-Gwened.

Al lizherenn "a" a vez lâret [ã] e brezhoneg, a-benn 'vez lakaet a-raok al lizherennoù "m" pe "n" peurvuiañ, lakaomp gant ar c'homzoù "tamm" pe "tan". An dra-se zo gwir e Kerne, Treger ha Leon, met n'eo ket heñvel e Bro-Gwened, e-giz 'vo lâret deomp gant Serj Bozeg hag Enora Molag.

Petra vez graet deus "si" e brezhoneg ? Meur a feson zo da lâret an dra-se e brezhoneg hervez ar vro ... hag hervez ar respont ! Serj Bozeg zo a-dreñv ar mikro, asambles gant Enora Molag (RBG).

E brezhoneg Bro-Gwened, evel e Bro-Gerne ivez, 'vez implijet an araogenn "a" e fin ar frasennoù negativel a-wechoù. Serj Bozeg zo a-dreñv ar mikro, asambles gant Enora Molag (RBG).

Petra vez graet deus "très fatigué" e brezhoneg ? Ar vrezhonegerien nevez zo boaz da implijañ ar gomz "tre" ... ha koulskoude n'eus netra da welet kazimant etre "tre" e brezhoneg ha "très" e galleg ! Met ur bern komzoù all zo moiaen da implijañ mod-all, evel emañ Serj Bozeg hag Enora Molag (RBG) o vont da lâret deomp.

Klevet vez alies lar ne vefe ket kaozeet 'met dre "c'hwi" e Bro-Gwened, ha neuze 'vefe bet kollet an "te" en ur mod. N'eo ket ken aes ha se evel 'neus kontet Serj Bozeg da Enora Molag (RBG).

Ar gronikenn ziwezhañ diwar-benn fonologiezh ar brezhoneg : penaos vez lakaet ar frasenn da soniñ pa n'omp ket dakor gant un' bennak all, pe c'hoazh a-benn vez roet urzhioù d'un' bennak all. Youenn Wloegen zo c'hoazh asambles gant Benjamin Bouard ha Tunvezh Wloegen.