Trouz er gêr

Peder c'hevredigezh eus Brest zo bet nullet o skoazell-arc'hant gant prefed Penn-ar-bed e 2023. Koulskoude e oa bet asantet gant ar gomision a zo e karg da zibab ar raktresoù "kef da ziorren ar vuhez kevredigezhel" (FDVA). Isprefed Brest en deus displeget da gCanal Ti zef n'eo ket bet roet ar skoazell dezhi abalamour ma n'he dije ket doujet da reolennoù Republik Bro C'hall. Klevet e vo Kristen Falc'hun eus Canal Ti Zef ha Pierre Servain eus ar gevredigezh Ekoumene ouzh mikro Erwan Blanchard.

E eil lodenn an abadenn e vo klevet ar gontadenn "Gwenneien an aotrou Skouarneg" 'bet kontet gant Agnès Chevalier e mediaoueg Lokournan e miz Genver.
Kinniget eo an abadenn gant Maëlys Poublanc

Jean Moalic ha Fañch an Henaff a oa stourmerien a-enep kreizenn nukleel Plougoñ e fin ar bloavezhioù 1970 ha penn-kentañ ar bloavezhioù 1980. Pedet e oant bet gant Fabris Kadou ha Fañch Oger, kelennerien war ar brezhoneg e Montroulez, da gaozeal gant liseidi hentenn divyezhek Tristan Corbière.
Diwallit : son eil lodenn an abadenn a vo boud.

"Kanañ er skol" zo un diskouezadeg savet gant Ti-embann ar skolioù (TES). Skolidi Skol Itron-Varia-an-Trec'h Ploueskad o deus profitet eus ur weladenn heñchet kinniget gant Marivon Berthou.
Embannet eo an abadennn gant Maëlys Poublanc

Bep bloaz e vez eus ar Breizhtival e Landivizio.
Aozet gant kevredigezhioù eus ar vro: Bagad Landi, Dañserien Lann Tivizio, Ti-kear Landi, KLT hag ivez Strollad Bro Landi.
Gant Strollad Bro Landi vo displeget war leurenn sal Tourenemine daou bezh c'hoari skrivet gant Maria Prat: "An hini gozh o vont da dennañ he foltred" ha "D n'an hini diwezhañ bev"
Gant Karolina

An eil abadenn gouestlet da levr-pladenn Dastum & Dastum Bro-Leon "Line Marnée, ur ganerez eus Tremenac'h e Plougerne".
Kinniget gant Kristof Nikolaz ha Goulc'han Kervella.
Da gaout ivez en abadenn " Alc’hwezioù brezhoneg" gant Mikeal Madeg diwar-benn gerioù ar c'housk.
Gant Karolina

Levr-pladenn Dastum ha Dastum Bro-Leon "Line Marnée, ur ganerez eus Tremenac'h e Plougerne" kinniget gant Kristof Nikolaz, prezidant Dastum Bro-Leon & gant Goulc'han Kervella , bet oc'h enrollañ Line Marnée e 1986.
Ur fablenn vo ivez gant Dominique Thepaut "Ar Bleiz hag an Dañvad".
Gant Karolina

Tost an holl annezidi CoolKozh zo war o leve. Choazet o deus chom hep koshaat o-unan ha da sevel un ti aes da fiñval ennañ ha pa vezer gant ur gador ruilh. Klevet e vo Geneviève Thépaut, Jean-Luc Bleunven ha Jean-Yves Kerboul e Plabenneg.
[A-stroll n°4] (https://www.radiobreizh.bzh/episode/60730)

E karter ar Milinoù e Brest emañ Ékoumène. Pal an annezidi eo bevañ gant o c'harter. Kinnig a reont ur sal gevredigezhel a c'hall bezañ emprestet evit ur priz dieub, nozvezhioù c'hoari, ur soubenn digoust bep miz... Pierre Servain a lavaro hiroc'h.
[A-stroll n°3] (https://www.radiobreizh.bzh/episode/60634)

"Ecocum" zo unan eus an annezioù lodet kentañ e hanternoz Penn-ar-Bed. Privezioù sec'h, rotel, "phytoépuration", panelloù heol... Maripol Roquefort hag he bugale Silouane ha Merlin a lavaro hiroc'h diwar-benn ar pezh a zo bet lakaet e plas gant an annezidi evit doujañ d'an endro.

Evit selaou eil abadenn an heuliad "A-stroll", klikit [amañ] (https://radiobreizh.bzh/episode/60633) !

Annezidi Keralored a zo o reneveziñ tiez e Gwiseni. Laura De Carry a tisplego deomp penaos e lakaont chanterioù a-stroll e plas evit sevel o annez lodet.
Abadenn gentañ an heuliad "A-stroll !" a c'hall bezañ selaouet [aze] (https://radiobreizh.bzh/episode/60183) .