Trouz er gêr
Arvorig FM
War hentoù taouarc'h Langazel
"Ar re baour eo bag ar re binvidik. An douar zo heñvel : an douar paourañ eo bag an douar gwellañ ivez" hervez Yann an Hir a oa ezel eus ar gevredigezh "Langazel" a warez taouarc'h an Dre. Selaouit 'ta evit kompren peseurt pinvidigezh a c'hall degas un douar a seblant bezañ paour.
Klevet e vo dielloù enrollet gant Erwan Blanchard e 2007 e-barzh an abadenn-mañ a zo kinniget gant Maëlys.
Istor ar brezhoneg skrivet & pladenn nevez Klaris Lavanañ
En abadenn 'vo lakaet ar gaoz war div oberenn embannet nevez zo :
Al levr war istor ar brezhoneg skrivet eus ar penn-kentañ betek an 18vet kantved. Klevet e vo Fransez Favereau ouzh mikro Reun Treger. Hag e eil lodenn an abadenn e vo klevet Klaris Lavanañ diwar-benn he fladenn sonerezh nevez "Ici".
Kinniget eo an abadenn gant Maëlys
Un eskemm gant liseidi Diwan ezel eus Youth for Climate Karaez hag Amnesty International
D'an 22 a viz Du zo bet aozet gant tud yaouank Youth For Climate Karaez ur harz-labour evit stourm a-enep Kib ar Bed er C'hatar, asambles gant Amnesty International. En abadenn e vo klevet Nina, Elena, Anna, Lan hag Anouck.
Tro-dro d'ar boued gant Andrew Lincoln evit ti-kêr Plougerne ha Jean-Yves Bodennec evit an AGDE
Ar bloaz-mañ eo bet lañset gant kumun Plougerne un RBT : ur raktres boued an tiriad. Petra eo ? Ur raktres evit diorren ar boued padus war ar gumun, gant an holl : labourerien-douar, saverien loened, kenwerzherien, ingalerien, kevredigezhioù, annezidi, strollegezhioù... Andrew Lincoln, dilennet en ti-kêr, a roio deomp diplegadurioù.
Da-heul, e vo klevet Jean-Yves Bodennec, ezel deus ar gevredigezh AGDE e Plabennec. Ar gevredigezh sokial-mañ a sikour an dud dilabour aboe pell, da zistreiñ war-zu al labour.
Raktres "Territoire zéro jeune chômeur" e bro Landerne & atalieroù mirdi ar sivi e Plougastell
Jean-Bernard Floc'h, kuzulier e kêr Landerne, a ginnig deomp ar raktres "Territoire zéro jeune chômeur" e kumuniezh-kumunioù Landerne-Daoulaz.
E eil lodenn an abadenn ez imp da Blougastell e lec'h ez eus gweladennoù hag atalieroù diwar-benn an danvez d'ober dilhad. Kinniget int e-kerzh vakañsoù Nedeleg. Klevet e vo Anne-Marie Le Gall, den a-youl-vat e mirdi ar sivi, a zo arbennigourez war dilhad hengounel Plougastell.
Gant Maëlys Poublanc
Beilhadeg vras Plouzeniel
Un abadenn "Trouz er gêr" un tamm disheñvel da geñver gouelioù fin ar bloaz!
Istorioù farsus, kanaouennoù ha pezhioù -c'hoariva bet dibunet da geñver Beilhadeg Vras Plouzeniel, aozet gant "Plouzeniel Prest Bepred", "Ti ar Vro-Leon" ha "Dastum Bro-Leon"
En abadenn gentañ 'vo klevet:
-Adrien Gouez & Ifig Kalvez o kanañ
-Alfoñs Raguenes o kontañ istorioù hag o kanañ
-Marc Paugam o kontañ istorioù hag o kanañ
-Awen Plougoulm o kinnig ur gontadenn
Un abadenn kinniget gant Karolina.
Beilhadeg vras Plouzeniel 2
Ha setu an eil abadenn gant kanaouennoù, istorioù farsus ha pezhioù-c'hoariva bet klevet da geñver Beilhadeg Vras Plouzeniel.
Klevet 'vo
-Ur sketch, "Koll pouez expres" gant Yvonne ha Mikael Konk
-Istorioù farsus gant Jean-Louis Laot
-Célestine Abiven o kanañ
-Kanaouennoù c'hoazh gant François Caroff
-Ha c'hoariva da glozañ gant Goulc'han Kervella ha Maryvonne Berthou.
Un abadenn kinniget gant Karolina.
Ar Marc'h Dall ha marc'had Nedeleg
Poent eo soñjal e profoù diwezhañ a-raok Nedeleg ! Ha perak pas profañ al levr-pladenn "Ar Marc'h Dall" ? Arnaud Elegoet embanner al levr nevez-mañ a oa ouzh mikro Reun Treger.
Hag evit bezañ awenet ez imp e eil lodenn an abadenn war marc'hadoù Nedeleg Brest ha Landerne gant Jonathan, Sterenn ha J-B.
Nedeleg laouen !
Un abadenn enrollet gant Maëlys.