Heklev PodKast

HeklevPodkast

Lien copié dans le presse papier.

Tro-dro din

Tro-dro din

13/06/2024

Berrwel eo Iris da vat. Kuzhet a-dreñv he lunedoù e vez sachet hec’h evezh gant an disterañ munud a wel, brasaet dre ar gwerennoù tev a zo war he fri. Ne gred ket mont davet ar re all. Ankeniet e vez war hent ar skol. Abaoe ur gwallzarvoud he doa bevet e c’houlenn he mamm diganti diwall atav. Un deiz, en ur zont en-dro d’ar gêr e kouezh he lunedoù e-barzh un toull don. Ne c’hell ket mui ober ur c’hammed ouzhpenn. Penaos treuziñ ur bed dispis penn-da-benn hag a seblant re zañjerus dezhi ? Pa glask sioulaat hec’h anken e klev Iris ur vouezhig a ginnig sikour dezhi. Marteze e c’hellfe mont dreist hec’h aon ha cheñch he darempred gant hec’h endro...Skrivet ha c'hoariet gant Maelc’hen Laviec - Sonerezh : Krismenn - Sikour war ar c'hoari hag ar skrivañ : Mai Lincoln - Enrollañ ha kemmeskañ : Jean-Mari Ollivier - Sikour war ar brezhoneg : Gwenola Coic - Produiñ : Kalanna hag Heklev Podkast - Enrollet e studio Dizale e Kemper e miz Mae 2024 - Gant sikour Rannvro Breizh


Ne gouskan ket ken !

Ne gouskan ket ken !

13/06/2024

Betek ar 24 a viz C’hwevrer e oa Aloïs ur paotr normal : un tad, ur vamm, div c’hoar vihan, mignoned, notennoù dereat er skolaj… Mont a rae mat pep tra. D’ar 24 a viz C’hwevrer en deus bet Aloïs 12 vloaz. Ur cheñchamant nevez en e vuhez : Aloïs ne gousk ket ken. N’eo ket skuizh, n’en deus ket ezhomm da gousket ken. Hir e kav e amzer en e gambr war greiz an noz neuze e tiviz mont da bourmen er-maez. Un avantur dic’hortoz o kregiñ evitañ !Skrivet ha c'hoariet gant Maiwenn Morvan - Sonerezh : Krismenn - Sikour war ar c'hoarin hag ar skrivañ : Mai Lincoln - Enrollañ ha kemmeskañ : Jean-Mari Ollivier - Sikour war ar brezhoneg : Gwenola Coic - Produiñ : Kalanna hag Heklev Podkast - Enrollet e studio Dizale e Kemper e miz Mae 2024 - Gant sikour Rannvro Breizh


Lizig hag ar garantez

Lizig hag ar garantez

13/06/2024

Lizig a zo 12 vloaz hag o paouez en em gavout er bempvet klas emañ. He c’hamaraded klas a zo deuet da vezañ sot gant an istorioù karantez. Diaes dezhi kompren perak ha pa bok evit ar wech kentañ d’ur paotr ne sant netra… Gouestaat e kresk enni santimantoù evit he mignonez wellañ, Riwana, met ne oar ket ma’z eo posubl karout merc’hed. Gant sikour ur gasourez e kompreno e c’hell karout n’eus forzh piv, ne vern ar jener.Skrivet ha c'hoariet gant Aziliz Peaudecerf - Sonerezh : Krismenn - Sikour war ar c'hoari hag ar skrivañ : Mai Lincoln - Enrollañ ha kemmeskañ : Gweltaz Foulon - Sikour war ar brezhoneg : Gwenola Coic - Produiñ : Kalanna hag Heklev Podkast - Enrollet e studio Dizale e Kemper e miz Mae 2024 - Gant sikour Rannvro Breizh


Ar gapitenez hag ar Goelan

Ar gapitenez hag ar Goelan

13/06/2024

Ar gapitenez hag ar Goelan a gont istor Zaig, ur besketourez kozh ha Tantan, ul labous mor. Gant an oad e teu Zaig, ar gapitenez, da vezañ dall, met sikouret e vez war vor gant Tantan ar goelan. Mignon feal e chomo dezhi pa droio kein akipaj ar vag d’e gapitenez memes... Skrivet ha c'hoariet gant Bleuenn Ar Borgn ha Thibault Ar Meur - Sonerezh : Perynn Bleunven - Sikour war ar skrivañ hag ar c'hoari : Mai Lincoln - Enrollañ ha kemmeskañ : Gwenole Peaudecerf - Sikour war ar brezhoneg : Gwenola Coic - Produiñ : Kalanna ha Heklev Podkast - Enrollet e studio Dizale e miz Mae 2024 - Gant sikour Rannvro Breizh


Tro-gaer Klotig al logodennig kalonek

Tro-gaer Klotig al logodennig kalonek

13/06/2024

Ul logodennig fin ha kalonek eo Klotig. Ur gudenn zo siwazh, n’eus ket boued er boubellenn ken. Evuruzamant zo erruet ul lapinez nevez en ti ha boued a-vil-vern ganti. Daoust hag e c’hello Klotig mont davet al lapinez hep bezañ tapet gant skilfoù Tapioka ar gazhez?Skrivet ha c'hoariet gant Riwal Kermarrec - Sonerezh : Perynn Bleunven - Sikour war ar c'hoari : Mai Lincoln - Enrollañ ha kemmeskañ : Théophile Rousic-Plantec - Sikour war ar skrivañ : Mai Lincoln - Sikour war ar brezhoneg : Gwenola Coic - Produiñ : Kalanna ha Heklev Podkast - Enrollet e studio Dizale e miz Mae 2024 - Gant sikour Rannvro Breizh


Skeud va zad

Skeud va zad

09/05/2024

E 1945 emaomp. War Enez Sun emañ Klet hag e vamm o chom. Nav bloaz eo Klet. Aet eo e dad da Londrez pemp bloaz zo, galvet gant De Gaulle. Klet n’en deus ket kalz soñj anezhañ neuze. Aonik eo. Diouzh noz eo kustum e vamm lavaret dezhañ emañ e dad o gwareziñ anezhañ, hag hi o tiskouez he skeud bras dezhi ouzh moger ar gambr...Skrivet ha c'hoariet gant Paskal Hervio - Sonerezh : Krismenn - Sikour war ar c'hoari : Thomas Cloarec - Enrollañ ha kemmeskañ : Jean-Mari Ollivier - Sikour war ar skrivañ : Mai Lincoln - Produiñ : Kalanna ha Heklev Podkast - Mersi bras da Gwenola Coic - Enrollet e studio Dizale e Kemper e miz Ebrel 2024 - Gant sikour Rannvro Breizh


No Dazont

No Dazont

09/05/2024

E Brest emañ ar paotrig fur Mael o chom. E dud o deus kempennet un ti kozh ha dirapar a oa skwatet gwechall war ar porzh. Ne oa chomet netra deus dafar an ti-se pa ne vefe ur c'hozh pezh-arebeuri er grignol. Un deiz, p'emañ Mael o furchal e-barzh, e lak e grabannoù war ur benveg diamzeriet skrivet « Walkman » warnañ. Kompren a ra ez eus un dra bennak da selaou...Skrivet ha c'hoariet gant Tangi Merien - Sonerezh : Krismenn - Sikour war ar c'hoari : Thomas Cloarec - Enrollañ ha kemmeskañ : Gweltaz Foulon ha Jean-Mari Ollivier - Sikour war ar skrivañ : Mai Lincoln - Produiñ : Kalanna ha Heklev Podkast - Mersi bras da Gwenola Coic - Enrollet e studio Dizale e Kemper e miz Ebrel 2024 - Gant sikour Rannvro Breizh


Marc'heg Thelo

Marc'heg Thelo

09/05/2024

Thelo a zo ur paotrig ampart evit fardañ krampouezh saourus. Pourvezet mat eo gant e yar Kotkot hag e vuoc'h Bubu. Mennet eo da gemer perzh e kenstrivadeg e gêriadenn, met ur c'hrenn-douar a lak un termen d'ar gouel. Deuet a gammedoù ponner, ur ramzez bet desachet gant frond an amann a c'houlenn he lod...Skrivet gant Loeiza An Duigou - C'hoariet gant Yann-Herle Gourves - Sonerezh : Perynn Bleunven - Sikour war ar c'hoari : Thomas Cloarec - Enrollañ ha kemmeskañ : Jean-Mari Ollivier - Sikour war ar skrivañ : Mai Lincoln - Produiñ : Kalanna ha Heklev Podkast - Mersi bras da Gwenola Coic - Enrollet e studio Dizale e Kemper e miz Ebrel 2024 - Gant sikour Rannvro Breizh


Gwion hag al Leon

Gwion hag al Leon

09/05/2024

Gwion, ur furlukin bihan, a zo mignon bras gant leon kozh ar sirk. Un deiz e sant al leon kozh emañ ar fin o tostaat evitañ. Goulenn a ra neuze gant Gwion da zigeriñ dor ar gaoued dezhañ a-benn mont da bourmen hag anavezhout ar bed-bras a -raok na vije re ziwezhat...Skrivet ha c'hoariet gant Loeiza Beauvir - Sonerezh : Perynn Bleunven - Sikour war ar c'hoari : Thomas Cloarec - Enrollañ ha kemmeskañ : Jean-Mari Ollivier - Sikour war ar skrivañ : Mai Lincoln - Produiñ : Kalanna ha Heklev Podkast - Mersi bras da Gwenola Coic - Enrollet e studio Dizale e Kemper e miz Ebrel 2024 - Gant sikour Rannvro Breizh


Troioù-kaer Yang Yang : Ur mignon nevez

Troioù-kaer Yang Yang : Ur mignon nevez

09/05/2024

War ar blanedenn Tulum e vev hon arozig, ur paotrig hanter sarpant. Seizh bloaz en deus, ur mignon en deus, ur wezenn derv, ur voest vurzhudus en deus ivez ! Gallout a ra e voest kas anezhan lec'h faot dezhan war e blanedenn. E vamm-gozh Mamouchka a ra forzhig war e dro met, re gozh eo breman 'vit n'em daoublegan ha mont asamblez gantan da fouetan bro er voest ! Ha, dibosubl ivez d'e vignon ar wezenn mont da bourmen gantan er voest. En ur sac'hig- kein en deus prientet Yang Yang gant chikour Mamouchka hag e erbedoù, e aferiou gouronkan , ur merenn vihan ... Mont a ra da c'hoari e unan... Kejan a raio gant ur mignon fentus...ha PEGUS !Skrivet ha c'hoariet gant Marion Gwenn - Sonerezh : Perynn Bleunven - Sikour war ar c'hoari : Thomas Cloarec - Enrollañ ha kemmeskañ : Jean-Mari Ollivier - Sikour war ar skrivañ : Mai Lincoln - Produiñ : Kalanna ha Heklev Podkast - Mersi bras da Gege Gwenn ha Gwenola Coic - Enrollet e studio Dizale e Kemper e miz Ebrel 2024 - Gant sikour Rannvro Breizh


Cai a sieudr Dâraine