An divskouarn o nijal

Hiriv e vo nijet kuit treuz meurvor atlantel betek bro Chile. Tremen a raimp tri c'hard eur gant Iona Gauchet, ur plac'h yaouank eus Sparl, kostez Kemperle, a zo bet o veajiñ eno e-pad daou vloaz, hag a gont deomp penaos eo bet he buhez er Chile.

Daou-ugent vloaz zo e oa mil-inervet yaouankiz Bro-Alamagn gant donedigezh ar rock hag al luskad hippi er vro. Koulz ar mennozhioù anarkour e oa ivez. Dre-se e oa bet ganet ur stil sonerezh nevez, anvet krautrock, 'neus levezonet meur a strollad musik a-vremañ. Met petra eo ar c'hrautrock ? Deomp da ziskoachañ ar c'hevrin-mañ o selaou strolladoù gwellañ ar stil a c'hell lakaat o tivskouarn da nijal davat !

Ar sizhun tremenet e oa distro-skol ar vugale. Met ouzhpenn ar re-se zo aet war hent ar skol e Breizh e gwirionez. Un toullad tud deuet ivez ! Gant ar stummadurioù d'an daoulamm e vez un tri c'hant den bennak o teskiñ brezhoneg e-pad c'hwec'h miz bep bloaz. Penaos 'ta 'vez lakaet an dud-se da gomz ar yezh ? Ha petra vez graet gante warlerc'h ?

Erru miz gwengolo, hag erru an distro skol. Bet omp oc'h ober un tamm tro e Skolaj Diwan Jakez Riou e Kemper da gomz gant ar skolajidi ha gant ar skipailh pedagogel, da welet penaos eo bet an distro skol, ha penaos e vo an dazont gant an deskiñ e brezhoneg !

Kinnig a reomp deoc'h hiziv poltred ur brezhoneger yaouank, Tangi Merien. Emañ en deus lakaet da rod-stur e vuhez al lugan bet klevet er bloavezhioù 70: bevañ ha labourat er vro. Ha dre ar brezhoneg, dre ar c'hrouiñ e brezhoneg: komedian, advouezher, senarour, kaner ( ha me oar c'haozh!) eo Tangi!

Teatr Piba, Radio Kerne ha Dizale a ginnigo 'benn ar merc'her 16 a viz gwengolo ur fiksion radio c'hoariet ha skignet war-eeun deus sal an Arthémuse ba Brieg. Ar pezh-c'hoari « Ar Maezioù » diwar « The Country » gant Martin Crimp a zo bet dibabet. Displegadennoù 'kerz an abadenn gant ar gomedianezed Marion Gwenn ha Loeiza Beauvir ha Lou Millour, renerez Radio Kerne.

Evit gouzout pep tra war programm 38vet festival sinema Douarnenez, gouestlet ar bloaz-mañ da bobloù An Andoù...

Annaig Daouphars a ginnig deomp 58vet Kampionnad Ar Sonerien dalc'het 'kichen kastell Traoñjoli 'ba Gourin...

Abadenn An Divskouarn o Nijal vo gouestlet d'ar micher archer. Un doare da anavezout gwelloc'h petra vez graet gant an archerien resis en ho labour. Jean-René LeMoullec, archer a vicher a zispeg deomp penaos eo deuet da vezañ archer, perak ha penaos eo. Met ivez petra ra kichen d'e labour. Kontañ a ra penaos en eus savet ur strollad kejañ e brezhoneg e Pazieg, kichen Roazhon hag ur rallye evit ar vugale hag o gerent.

Abadenn An Divskouarn o Nijal vo gouestlet d'ar micher archer. Un doare da anavezout gwelloc'h petra vez graet gant an archerien resis en ho labour. Jean-René LeMoullec, archer a vicher a zispeg deomp penaos eo deuet da vezañ archer, perak ha penaos eo. Met ivez petra ra kichen d'e labour. Kontañ a ra penaos en eus savet ur strollad kejañ e brezhoneg e Pazieg, kichen Roazhon hag ur rallye evit ar vugale hag o gerent.