An divskouarn o nijal

An ospital Gourmelen - ar "c'habanon" e-giz e vez lesañvet amañ er vro - a zo bet savet ur c'hantved 'zo bremañ. Reun ar Rest 'neus labouret du-hont e-pad ouzhpenn tregont vloaz. Kinnig a ray istor an ospital deomp, koulz hag istor ar follentez hag e vicher : ober war-dro ar re glañv.

Etre ar Stêr Aon hag ar Stêr Goz (Stêr ar Faou) emañ Landevenneg. Komun vihanañ Bro-Graon eo. E-touez an tri c'hant den bennak a zo chom enni ne chom ket kalz brezhonegerien. Poent-bras 'oa deomp mont d'ober un tamm tro du-hont. Mouezh Deneza Kemener a vo klevet en abadenn-mañ. E Kerbohel 'deus bevet evit ar wech tout, nebell deus ar vourc'h. Diwar-benn a-bep seurt sujedoù eo bet lakaet ar gaoz neuze : ar c'hleñvejoù gwechall, ar vuhez en tiegezh, ar skol .

E ti Yvonne ha Jean Derrien emaomp hiziv, e Kernon (Terrug). E 1954 'oa dimezet ar re-mañ. Asambles ganto hon eus lakaet ar gaoz diwar-benn an eureujoù gwechall : ar frikoioù bras-spontus, an iliz, ar gwalinier, an dud nevez a veze direnket e-doug an nozvezh kentañ .

Justine & Camille a zo div stourmerez deus ar strollad feminist Gast. Aozañ a ra ar festival Clito'rik, ur festival feminist 10 devezh e pep lec'h e Penn ar Bed (Tregon, KP, DZ, Kastellin ha Brest).10 devezh a abadennoù, atalieroù, sonadegoù, eskemmoù war tem ar sekselezhioù hag ar plijadurioù hag a loc'ho digwener e Tregon. Emaint ouzh mikro Laetitia Fitamant. Muioc'h a ditouroù war o lec'hienn internet gast.bzh

Goude Révolution rurale e 2014, sed amañ Soumission impossible ar bloaz-mañ. Setu titl pladenn nevez ar strollad Beat Bouet Trio. Gall a reer gwelet ha klevet an triad er festoù-noz, dreist-holl e Breizh uhel hag er festivalioù folk en Europa a-bezh abaoe 2010 met dic'hortoz a-walc'h eo o doare da ginnig sonerezh folk. Vanao gant an akordeons, T Burt, human Beat box ha Gurvan, lezanvet Faya Gur, gant ar c'han a vesk levezonioù liesseurt, hip hop, rap, reggae, folk ha kan ha sonerezh hengounel. Hag an disoc'h souezhus, nerzhus ha groovy a blij kalzig a-walc'h !

Agronomourez eo Gwenn Guillaumie. Evit he studioù he doa bet tro da vont da vro Gambodj evit labourat asambles gant ur gevredigezh a venn gwelaat ar sistem kanolioù-dour ha diwar neuze gwelaat al labour-douar ha live bevañ ar beizant.ez.ed eno. Un digarez eviti ivez da splujañ en ur gevredigezh disheñvel mik.

Hiziv emaomp asambles gant Youn Daï (Yvon David) ha Roger Stéphan e Kerien. Gwechall e veze tapet kalz pesked e stêrioù ar gomun-mañ : gluzhed, somoned ha silioù. Hiziv an deiz eo disteraet ar besketerezh-mañ, ar pesked a zo deuet da vezañ raloc'h, diabotoc'h. Abaoe pell neuze ne ya ket an daou gomper-se da besketa, met deus ur bochad istorioù o deus dalc'het soñj !

PREDER a zo war un dro un ti-embann hag ur strollad arbennigourien war ar brezhoneg oc'h en em soñjal abaoe muioc'h evit 50 vloaz war ar gwrizioù keltiek kozh a ranker adimplijout evit ma n'ez aio ket ar brezhoneg da netra dre an aloubiñ gant re a c 'herioù gall. Mikaël Coïc en deus resevet Laëtitia Fitamant el levraoueg o doa gellet lakaat digeriñ daou vloaz zo.

Hiziv emaomp e Terrug adarre, e ti Thérèse Buff a zo ganet er gomun-mañ. Assambles ganti emaomp o vont da sevel poltred buhez ar merc'hed eno ouzhpenn tri ugent vloaz 'zo : diwall ar saout, tennañ mouded er Menez C'homm, ar skol, ar baotred, ar brezel, ar balioù ...

"Arabat chom da straniñ, ret eo pareañ buanoc'h buanañ". Diaes eo evit ar glañvdiourezed hag ar glañvdiourien dec'hel gant al lusk labour-se, ha muioc'h mui e tenn an doareoù labour er frammoù yec'hed da reoù an embregerezhioù. Alies mat e rank ar glañvdiourezed gwelet an dud klañv diouzh ar chadenn, ha louzaouet e vezont hep ma vefe bet tapet amzer da selaou ouzh o ezhommoù. Soazig Kervareg a zo ur glañvdiourez yaouank. En abadenn-mañ e roio deomp he sav-poent war bed ar yec'hed hag an doare ma vez graet war dro ar glañvidi. Doareoù all a zo d'ober war dro an dud klañv, evel an "Degemer diampreg" (accueil inconditionnel), ar pezh a vo displeget ganti. * Pareañ an dud, hep ober war o zro