Pesa mod 've lâr't ?

Pa 'z eo aï al Leoniz e Bro Dreger vihan o deus degaset gante un doare da labourat mes levezonet int bet ivez gant tud bro Dreger war o liamm gant ar relijion da skouer. Penaos eo tremenet an traoù ? Ha peseurt gerioù a zo bet degaset gante ?

Bernard Cabon a zo bet maer Guimaeg 'pad ouzhpenn 30 vloaz. Kont 'ra deomp petra eo tachenn Bro Dreger vihan ha peseurt buhez o doa an dud eno. A-fed brezhoneg, daoust d'ar pezh 'vez lâret, evitañ n'eo na pouez-mouezh Bro Leon, na pouez-mouezh Bro Dreger.

Moiaen a-walc'h zo da vezañ estonet o klevet tud Langidig o safaret brezhoneg a-wechoù ... ma n'oc'h ket boaziet deus o farlant ! Petra sinifi "ma 'hani-me, ho kani-c'hwi" lakaomp ? Ha deus pelec'h teu an dra-se ? Maxime Crahé neus displeget an dra-se da Enora Molag.

E brezhoneg Langidig, evel e kreiz Bro-Gwened, 'zo ur fenomen drol a-walc'h : ar son "-eus" a c'hall bezañ distaget "-é". An dra-se zo kaoz lakaomp 'vo klevet "pé bet ho pak ?" e plas "c'hwi 'peus bet ho pak ?". Maxime Crahé 'neus displeget an dra-se da Enora Molac.

Cheñchomp bro ! Deomp da Vro-Gwened en-dro ! Enora Molac zo bet oc'h en em gavout asambles gant Maxime Crahé, evit kontañ deomp deus brezhoneg Langidig, e-kichenn An Oriant.

ur sell war zistagadur ar brezhoneg kostez Perroz

E-barzh al levr "Eostad" bet embannet gant an Alarc'h embannadurioù e 2017 diwar labour Gireg Konan e vez kavet kalz a draoù dedennus-kaer war brezhoneg Treger ha brezhoneg bro Berroz...

Ar "z" o kouezhañ / Kemmadurioù ha na vezont ket skrivet

Ur mell oberenn dastumerezh a oa bet embannet gant Gireg Konan un nebeud bloavezhioù zo. Enni e vez kavet gerioù ral a-walc'h, liammet gant micherioù pe e liamm gant al loened hag an natur...

E brezhoneg Perroz ha Treger e vez kavet gerioù fentus, gerioù deuet deus lec'h all...