Deomp dezhi !

N'eus ket a zroad da chaseal ar balened ken sañset, met ar re-se zo c'hoazh en dañjer ! Tunvezh ha Benjamin zo bet er Groenland o sellet deuzouto ha deus un nebeud setaseed all, evel ar c'hwezher bras hag ar morvleiz !

Kavet 'zo bet petrol e Ploneiz ! Ya, gwir eo, war hent Kemper emañ ar puñs ! Setu emañ Tunvezh ha Benjamin o vont da zeskiñ ur bern traoù deoc'h ! Petra eo ar petrol ? Pelec'h vez kavet petrol ? Penaos vez tennet ? 'Blam da betra eo dañjerus evit an natur ? Deuit ganeomp bugale !

Un danevell all emaomp 'vont da gontañ deoc'h hiziv ! Gabriel-Ernest eo e anv ha skrivet eo bet gant Saki, ur skrivagner saoz ha oa bet lazhet er brezel e 1916. Benjamin an hini eo 'neus lakaet anezhi e brezhoneg hag adaptet anezhi evit ar radio. Diwallit memestra, ur gontadenn skrijus a-walc'h eo !

Anveout a rit an añfibianed ? Ne rit ket ?! Kement-se 'ouzoc'h a-walc'h petra eo un añfibian ! An tousigi, ar gleskered, ar sourded : tout ar re-mañ zo añfibianed ! Bet eo bet Tunvezh ha Benjamin o sellet deuzouto er poull-dour e traoñ ar radio, deuit ganeomp 'ta !

Deomp d'an Indez 'ta ! Du-hont 'zo istorioù brav da glevet, ha ni 'zo 'vont neuze da gontañ deoc'h teir c'hoñtadenn gozh : Al Laer hag an Olifant, Tambourin ar Roue hag an Daou Digr !

Ur gontadenn rus a vo kontet deoc'h hiziv ! "Machenka hag an Ourzh" eo anvet, ha honnezh 'neus bet plijet hardi d'ar Rused yaouank evit ar wech tout. Esperañs hon eus 'plijo deoc'h ivez !

Petra eo ar gwer ? Penaos vez c'hwezet gwer ? Penaos vez fardet kristal ? Penaos vez resiklet ar boutailhoù-gwer ? Tunvezh ha Benjamin a gaso ac'hanoc'h da vizitañ ur fabrik-gwer da zeskiñ tout an dra-se deoc'h !

Deuit ganeomp bugale ! Mont a raimp d'ar Yukatan hiziv d'ober anaoudegezh gant ar re Vaya. E-kreiz ar c'hoad emañ o c'hêrioù kozh, met pell zo bremañ int kouezhet en o foull. Pignal a raimp da lein ar piramidennoù bras-spontus zo eno c'hoazh ha mont a raimp dre zindan memes da glask bez ur Roue kozh. Plijadur vo !

Ur goñtadenn slovak a vo koñtet deoc'h hiziv : ar Paotr-deñved hag an Dragon. Ur paotr-deñved 'neus kavet toull an aered er menez, met n'hall ket kontañ d'ar re all petra 'neus gwelet e-barzh. Met un devezh 'teu un den iskis da welet anezhañ ...

Hiziv 'zo tud yaouank deus Kemper asambles ganeomp en abadenn, skolajidi ha liseidi deus Brizeux ! Ar re-mañ o deus labouret start asambles gant o c'helenner Pierre-Yves Kersulec, da sevel div abadennig : koñtadenn Roue Leskelen, gant ar re c'hwec'hvet, hag un abadenn verr savet diwar Geotenn ar Werc'hez gant Jakez Riou, fardet gant re ar c'hlas diwezhan el lise.