Deomp dezhi !
Radio Kerne
Rekipe Sushi frouezh
Ezhomm ho po: - 200g riz ront - 75cl laezh-dienn - 100gr sukr - 1 glorenn vanilha - frouezh (sivi, melon, pechez, mangez, kiwi .. ) 1° Lakait ar riz da boazhañ e-barzh al laezh hag ar vanilha ( troc'hit ar glorenn vanilha en he hirder) war un tan bihan e-pad 30 mun tamm-pe-damm. Dourenn ebet na rank chom. 2° Ouzhpennit ar sukr ha laoskit da yenaat e-pad, d'an nebeutañ, 1 euriad. 3° E-pad ar mare-se: gwalc'hit ar frouezh (dibluskañ anezho ma 'z eo ret) ha troc'hit anezho e lavnennigoù fin. 4° Stummit keunellennigoù bihan gant ar riz. 5° Lakait war pep tamm riz ur lavnennig frouezh. Tu zo deoc'h debriñ ar sushied frouezh gant chokolad teuzet pe ul lipig sukret.
An aon 'pad an noz ha loened dreistordinal
... hag ivez ya-ouank.com ha milkshakes gant Morgane ha Bleuenn ! Adkavet 'vo e-barzh an abadenn : Atersadenn : Skolajidi skol Plogastel Sant Jermen diwar-benn an aon e-pad an noz Kontadenn : Chipo o pennfoliñ Sonerezh : Couting stars gant One Republic Keleier ar vugale : Loened dreistordinal Rekipe : ar Milkshake
Ar moc'h, ar vorganezig hag ar beatbox
Dizoloit ar moc'h hag ar beatbox gant Morgane ha Bleuenn ! Adkavet 'vo e-barzh an abadenn : Loenig loen : Un abadenn kinniget gant Keridwenn Ar Mero diwar-benn ar moc'h Kontadenn : Ar vorganezig diwezhañ Sonerezh : Somebody to you gant The Vamps Keleier ar vugale : Ar beatbox Rekipe : ar C'hoaven chokolad
Rekipe ar C'hoaven chokolad
Ezhomm ho po : 4 melen vioù 4 loaiad vras bleud 2 loaiad vras maizena 1 litrad laezh 150 gr sukr 200 gr chokolad a dammoù 20 cl koaven fresk - Mesklit en ur plad vras ar bleud hag ar maizena, distrempit tamm-ha-tamm gant ul lodenn eus al laezh yen hag ouzhpennit koaven fresk. - Lakait ar melenoù vioù e-barzh. - Skuilhit peurrest al laezh gant ar meskaj sukr ha chokolad ha lakait da dommañ er skinforn eus 3 mun da 3 mun betek ma vefe teuzet ar chokolad. - Ouzhpennit ar meskaj kentañ ( bleud, maizena ha laezh ) ha lakait er skinforn eus 3 mun da 3 mun betek ma devfe ar meskaj. - Lezit da yenaat ha lakait er yenerezh. Kalon vat da zebriñ, ha debrit asambles war an ton bras !
Un dro vale e Afrika gant Marianne ha Bleuenn
Loenig Loen, kinniget deomp gant Keridwenn Ar Mero diwar-benn ar marmouzed. Kontadenn : Boubam hag an tam tam. Sonerezh : Staff Bendan Bilili gant Staff Benda Bilili. Keleier ar vugale : Roueed ha rouanezed ar bed, deiz-ha-bloaz LOL hag an oto Google. Rekipe: Ar "charlotte" Ananas.
Abadenn Redadeg ha paotrezig alumetez gant Marianne ha Bleuenn
Atersadenn : Karen, Enora ha Gael mui kanaouenn ar c'hwec'hveidi skolaj Diwan Jakez Riou evit ar Redadeg. Sonerezh : An ton "Laouen" evit Lipdub ar Redadeg e Roazhon. Kontadenn: Paotrezig an alumetez. Keleier ar vugale : Ar marathon + Redadeg. Rekipe : Ar wastell legumaj.
Arzhig Du, kib vell-droad ar bed ha smoothie
Fin ar raktres treiñ Arzhig Du, bugale harozed ha sivi lipous gant Katell ha Morgane ! Adkavet 'vo e-barzh an abadenn : Atersadenn : Fin ar raktres treiñ Arzhig Du, gant Arnaud, embanner, Romaric, lisead ha Gwenole, skoliad Kontadenn : Keneiled vat Sonerezh : Heroes gant Janelle Monae Keleier ar vugale : #bringbackourgirls Rekipe : Smoothie sivi
Rekipe Smoothie sivi
Fardet 'vo ur smoothie gant sivi, da laret eo un evaj fresk ha yac'hus a vo un teuzar evit merenn vihan. Evit 4 den 'zo ezhomm : - 300 gram sivi. Tapit reoù gounezet b'ar vro, gwelloc'h eo! - 1 vananezenn - 10 tamm skorn bennak - hag un tammig sukr ma 'zo ezhomm Troc'hit ar frouezh a dammoù bihan ha meskit mat en ur robod. Tañvit ha ma kavit eo re drenk ar frouezh, ouzhpennit un tammig sukr poultr. Ouzhpennit an tammoù skorn ha drailhit anezho a-benn kaout chug skornet. Dasparzhit ar meskaj 'barzh gwerennoù brav hag evit diouzhtu. Sed aze, prest eo ar smoothie ! Tu 'zo lonkañ 'nezhañ gant ur blouzenn ha staliañ ur sivienn war benn ar werennad. Ma fell deoc'h e c'hellit lakaat ar meskaj er yenerezh ha 'giz se teuio da skornenn !