Deomp dezhi !

Ur vojenn gozh all eus ar vitologiezh grek a vo kontet deoc'h c'hoazh : istor Bellerophon.
Bellerophon zo bet tamallet dezhañ bezañ klasket ober droug d'ur rouanez. Kaset 'vo d'en em gannañ gant ar Chimer neuze, met a-raok 'vo dav dezhañ doñvaad Pegaz, ar marc'h askellet.

Zeus eo Roue an Doueed er vitologiezh grek gwechall. Met n'eo ket bet anvet roue diouzhtu ! Ur roue all oa bet araozañ, e dad, Kronos. Ha petra oa a-raok c'hoazh ? Benjamin zo 'vont da gontañ tout an dra-se deoc'h.

Ur gontadenn gozh vo kontet deoc'h ar wech-mañ, kozh-Noe ! Ur gonchenn deus ar vitologiezh grek : Perse ha Meduz !
Ar Roue Akrisios en deus kaset kuit e verc'h, Danae, hag e vab-bihan, Perse, ha lakaet anezho o-daou e-barzh un arc'h ha taolet an arc'h e-barzh ar mor. Dre voneur int soveteet gant ur pesketour war un enezenn vihan. Met war an enezenn-se zo ur roue all, Polidektes, ha zo aet sot gant Danae. Goulenn a ra gant Perse mont da zibennañ ur vaouez euzhus, Meduz, evit en em zibarasiñ deuzoutañ.

Ur istor tennet eus ar vitologiezh grek vo kontet deoc'h ar wech-mañ : Teze hag ar Mintaoros !

En deiz-hiziv 'zo plastik partout ! En tier, er burevioù, en otoioù hag en dilhad zoken ! Met petra an Diaoul eo ar plastik ? Ha penaos vez fardet ? Tunvezh ha Benjamin zo bet 'vizitañ ur rafinerezh hag un uzin-plastik evit displegañ an dra-se deoc'h !

Ur gontadenn ukrenian vo kontet deoc'h hiziv : Vassilissa.
Mamm Vassilissa he deus roet ur verc'hodenn vajik d'he merc'h a-raok mervel. He zad a chom e-unan e-pad ur c'hrogadig goude-se, met dimeziñ a ra en-dro a-benn ar fin. Met al lezvamm n'eo ket evit anduriñ Vassilissa. Kas a ra anezhi da c'houll tan gant Baba-Yaga, ar wrac'h-kozh !

Div gontadenn a vo kontet deoc'h hiziv ! Ar chaseour hag ar vaot da zigentañ, ur gontadenn deus ar Senegal, hag Ar paotrig hag ar fleur, ur gontadenn aborijen ! Plijadur vo !

Ne vo ket a-bell 'vo Nedeleg ! Ha setu evel bloaz 'ginnigomp deoc'h selaou un abadenn ispisial ! Telefonet 'vo d'an Tad-Kozh Nedeleg e-giz boaz, ha goude-se 'teuio Tunvezh Wloegen ha Loig Jadé da lenn daou levr deomp : En Amzer Vras ha Mip ha Blipig. Benjamin Bouard a gonto ur gontadenn verr ivez : ar Galetezenn !

Deomp d'ar Brazil ! Tunvezh ha Benjamin zo bet 'pourmen er c'hoad bras evit deskiñ ar mod d'ober kaoutchou hag evit kompren 'blam da betra 'ranker diwall gwelloc'h koad an Amazonia.

N'eus ket rinkined e Breizh ? Yao 'hat ! Ur bern memes ! Tunvezh ha Benjamin zo bet o splujañ er mor evit mont da sellet deuzouto. Er mor-bras Pasifik int bet zoken, evit klask kavout ar rinkin bras gwenn ! Deuit ganeomp 'ta !