Kreiz Mintin

Robert ar Merlus 'ra velo 'ba kevredigezh Rod Aour 'ba Margeneg, ni ya da gojal ag an dra-se hiri ! E penn an abadenn vo klevet Yvette Lavat o komz ag an Union Cycliste An Ignel, doc'h mikro Monique er Boulc'h b'a 1995. . Sonerezh - Denise Le Noay : ar velo - Kreiz Breizh Akademi : ar vosenn - Marie Guéguan : pa oan é pourmen

Ur pikour maen a gomz ag e vicher, Jo er Go a Vaod, doc'h mikro Monique er Boulc'h e 1997.

Daou zisavour morc'h a gomz ag o micher. Jean Le Masle ha MMichel Robet ag an Ignel, doc'h mikro Monique ar Boulc'h er bleadoù 90.

Damb d'ar blead 1997 pa c'houlenne RBG sikour durant ar Radiothoñ ewit staliañ un delé ba Langidig. 23 blez àr-lerc'h e c'hellomp klevet Radoi Bro Gwened kostez ar mor, brav ! . Get Loeiz Belleg, François Louis ha Monique Er Boulc'h. . Sonerezh : - Carré Manchot - Kost ar c'hoad - Kreiz Breizh Akademi : 5eme round - Skeduz : Laride -Oktopus Kafé - Jolie fleur de rose

Tavarnourezed zo b'an abadenn hiri ewit komz ag o micher. Fine Jegouzo, a Velrand, Hélène Saec a Vubri, Yolande Cosperec a Glegereg hag Anne Marie Le Brun a barrez Guern, durant ar bleadoù 90, doc'h mikro Monique er Boulc'h. - Sonerezh : - Pallec Dortz Goff; En davarnizion - Loerou ru : an tavarnour - Laudrain Honoré : an davanourez - Eben : n'eo ket ho ti

C'hwi 'ya da ouiet toud pezh faota a-ziàr ar c'hatev breton get Iffig Cochevelou ! Eñ 'zo ba Confrérie de Gâteau breton b'an Oriant. Bep daou vlez 'vez aozet gete ur c'honkour, kani ar gatevenn breton gwellañ ar bed. Selaouit mat ar rekipe, c'hwi c'hello añseañ kempenn ho katev ha kemer perzh b'ar c'honkour ! Ewit kemer perzh ema ret doc'h mont da glask ur paper parch moullet adal ar Lun 2 a viz Kala-gouiañv da Emglev Bro Oriant, Coop Breizh pe Tier ar vro ha kas ho katev ba-raok ar meurzh 10/11/20 d'ar c'hoop Breizh an Oriant pe c'hoazh d'ho Ti Ar Vro. D'ar Sul 15/11 'vo choajet ar wastell gwellañ hag ar c'hatevioù arall vo roet d'ar Secours Populaire. Emgav ba Plañvour, sal Océanis, da 3e ewit an abadenn get Simon Cojean "100% beurre salé" ha da 5e 'vo choajet ar gatevenn !

Xaviez Langleiz zo ur livour ha gravour met eñ 'neus labouret ewit ar breton ivez. Dastumet ha enrollet en deus tud Sarhaw ha skrivet en deus àr breton ar vro-se. Eñ a oa e mesk ar re o deus krouet ur skritur nevez, ar "peurunvan", krouet e penn-ketañ ewit sevel ur benveg ewit kelenn ar breton b'ar skolioù. Glenn Gouthe zo oc'h ober un dezenn àr Xavier Langleiz, hag daet da gojal a-ziàr e enklaskoù a-barzh Kreiz Mintin ! . Sonerezh : - An Disput : Dour Le Pottier Quartet - Echange : Talskan - Ketan Krenet : Denise La Roche

Momo Jouanoù, a bPorzh-Loeiz, a gomz a-ziàr an amzer en deus paset e Bro-Gembre hag e Bro-Iwerzhon. Sonennoù : Cerys Matthews - Calon Lan Aberhonddu and District Male Choir - Hen Wlad fy Nhadau Sharon Shannon - Reel Beatrice The Dubliners - Rocky road to Dublin

Achuamb tro ar chapelioù get Monique ba Persken. Ni yay da chapel Intron Varia ar Peneti hag illiz-parrez Sant Adrian.

Penaos 'oa ar festoù gwezharall ? An dud yae d'ar bal, d'ar filajoù d'ar festoù noz ha durant ar brezel 'oa difennet. Thérèse Robic a Vihui, Armel Le Gallic a Velrand, Jean Le Déault a Bloe ha Antoine Guennec a Bloe 'zo b'an abadenn se