Avel em fenn

Krouet eo bet an arboretum en Uhelgoad bloavezhioù zo gant Jean Merret, foeter-bro deuet da vezañ rener Ti Ar Re Goz eno. Deus e veajoù en doa degaset hadoù a bep spes. Evit ober war-dro ar park-mañ e oa bet krouet ar gevredigezh Migoned.ezed Gwez ar Bed e 2008. Ul lec'h foran e oa, da weladenniñ. Met terret e oa bet ar c'hendivizat etre ar gevredigezh hag an Ephad ha lakaet an arboretum da werzhañ. D'ar Yaou 28 a viz Du eo bet nullet ar werzh. Muioc'h gant Herve Masson, ezel eus ar gevredigezh Migoned.ezed Gwez ar Bed. Aterset eo gant Yann Boishardy, eus Radio Kreizh Breizh ha Kaourintin, stajiad Skol An Emsav Naoned.
Ul lec'h ofisiel e vez roet da vinorelezhioù ar Bed en ABU ( an ONU), ur wech bep bloaz. 17vet Forum ar Minorelezhioù a oa dalc'het ar sizhun paset e Jeneva, e Palez ar Broadoù. Petra oa an tem ? Ar minorelezhioù e lech'ioù foran. Minorelezhioù a bep seurt a zo bet gwelet eno, evel kevredigezhioù Ouighoured, Yezhidi, Collectif de femmes pour les droits de l'homme, Kurded, hag all. Ar gengevredigezh Kevre Breizh a oa enno ivez. Manon Gourrierec a zo ken-brezidantez ar gevredigezh Kenstroll Breizh. Krouet e oa bet ar gevredigezh da-heul an Dekvet Forom e 2017, gant tud o tont a gevredigezhioù disheñvel evel ar Redadeg, Faouell breizh, pe an UDB. Kaset omp eno ha gwelet a reomp an traoù gant he daoulagad.
E 1977 oa bet krouet skol Diwan gentañ e Lambaol-Gwitalmeze. Ur pennad mat a hent zo bet graet abaoe kazi hant-kant bloaz. Bresk eo ar rouedad c'hoazh e-fet a arch'ant ha nebeutoc'h-nebeutañ a stourmerien.rezed a zo. Komzet e vez deus se gant Maïwenn Raynaudon, penn-redaktourez ar gelaouenn Bretons.
Reiñ sikour d’an dud eo pal kentañ ar bomperien-ar pomperezed, evel just.Neuze gante e vez bevet mareoù start a wechoù. Setu perak o dez ezhomm da gaozeal etreze goude, pe gant ur psikologour-ur bsigologourez. Setu ar pezh a displeg deomp Aodren Saner, pomperez ba Berrien. Entanet eo gant an tan ha gant he labour a youl-vat. Koulskoude, n’eo ket tangwallerez, piromanez, evit-se Bezit dinec’h !
Teknik an abadenn : Mael Krenn
Buheziñ : Yann Boishardy

N'eo ket aes evit peizanted.ezed zo gounid o zamm bara daoust ma vez graet labour tri gante. Setu perak o doa manifestet e miz Genver 2024. Ar gouarnamant en doa prometet e cheñchfe an traoù, ha deuet eo da vezañ gwasoc'h c'hoazh evit an en-dro. Er mare-mañ ez eus negosiasionoù tro-dro d'ar Mercosur,ar pezh a zo dihunet fulor ar beizanted, ar peizantezed. Daoust hag-eñ e z'eo a-du gant an holl diouzhte gant an emsav-mañ ? Muioc'h gant JB Lefevre, saver saout gant e wreg Anna Lefevre. Int a zo izili eus ar geveleri Biolait.
Florent Grouin, deus Brezhoweb, a ginnig deomp rann ziwezhañ An Istor Livet, gouestlet da Sant-Weltaz.
Pomperez a youl-vat eo Aodren Saner. Perak en doa choajet mont da vezañ unan bennak a sikour an dud? Penaos a ra evit gouzañv traoù start. Kontiñ ar se ouzh mikro Yann Boishardy, deus Radio Kreizh Breizh.
Teknik : Mael Krenn
Buheziñ : Yann Boishardy

Pell zo dija eo bet krouet Gouel ar Brezhoneg ba Gwengamp. E 2025 e vo cheñchamatoù
bras peogwir e vo un abadenn bep bloaz e plas bep eil bloaz...hag e Mellag, e Maner
Kernod e vo ar gouel e miz Even. Muioc'h a displegadennoù gant Claire Le Moing ouzh
mikro Neshka, eus Radio Bro Gwened.
Traoù kalet he doa bevet Yann-Baol Riuz pa oa bet galvet evel soudard e-pad brezel en
Aljeri. Ne oa ket ar memes den pa 'z en doa echu e c'hoñje. Setu ar pezh a gont ouzh mikro
Neshkan eus Radio Bro Gwened.
Penaos e vez graet gant Radio Breizh evit kehentiñ war ar rouedadoù sokial ? Displeget eo
gant Tara Adeux.
Teknik : Mael Krenn ha Liza, stajiadez skolaj Prevert Gwengamp
Buheziñ an abadenn : Kaourintin, stajiad Skol an Emsav Naoned, ha Yann Boishardy.

Liliane Konan ha Nelly Savidan a gomz a-ziar ar stourm a-enep an tourioù-avel e Kreiz Breizh, hag ar lodenn ziwezhañ ag an atersadenn get Yann-Baol Riuz, hag a gomz a-ziar ar brezel en deus graet en Aljeri ha penaos en deus skrivet e livr get e envorennoù personel ag ar brezel-se.
An abadenn gentañ eo da vout kaset da benn get Neshka ag RBG - un nebeut kudennoù teknikel zo bet, hon digarezit.

Un eskemm etre an arzourien.ezed ar vro met ivez etreze hag a re a aoz abadennoù : se eo
spered ar gevredigezh A-Stroll. Plaenaat an hent d'an holl a-fet melestradur pe aozadur
peogwir eo pouezus roll bed ar c'hultur e Breizh. Leandre Savineau, ezel eus A-Stroll a
ginnig ar gevredigezh ouzh mikro Yann Boisahrdy, eus Radio Kreizh Breizh.
Ur mare kreñv oa bet brezel Aljeri evit ar soudarded dindan an triliv. Yann-Baol Ruiz oa unan
eus anezhe. Bremañ e embann ul levr diwar-benn e zamm buhez du-hont. Sikouret eo bet
gant Alan Golven ha Jorj Belz o deus displeget da Nezhka, eus Radio Bro Gwened, penaos o
sikouret o c'hamarad da skrivaén al levr-mañ.
Maïwenn Raynaudon, penn-redaktourez ar gelaouenn Bretons a lavar deomp petra a zo en
niverenn diwezhañ eus ar gelaouenn.
Teknik : Mael Krenn ha Liza, stajiadez eus skolaj Prevert Gwengamp
Buheziñ : Yann Boishardy

Ar glad ha bezañ gouest da gomz diraok an dud, setu ar pezh en doa kinniget lise Diwan
Gwened da grennarded ha grennardezed hag a zo bet da welladenniñ peulvannoù e Bono
hag e Enez Arzh. Filmet oant bet gant ar sevener Sylvain Huet evit KuB media...ha kemeret o
doa perzh en ur c'hoñkour elokañs goude. Un teulfilm a zo o paouez bezañ embannet : Ni
gomzay yezh hor glad. Neshka, eus Radio Bro Gwened, he deus aterset Florian Voyenne,
rener al lise, ha Anne-Claire Quivijer, deus Ti ar Vro Gwened.
Petra a dalv al labour frammañ er bed ar c'hleweled. Displeget eo gant Florent Grouin, eus
Brezhoweb.
Un danvez start da gomz anezhañ e chom brezel Aljeri. Yann-Baol Riuz a o bet galvet eno
evel soudard en deus lakaet e eñvorennoù en ul levr. Displeg a ra e gamaraded Alan Golven
ha Jorj Belz penaos o deus sikouret gantañ evit krouiñ al levr-mañ.
Keleieir ar vro hag ar bed : Aodren Trehin
Teknik : Mael Krenn ha Liza, skolajiadez skolaj Prevert, Gwengamp
Buheziñ : Yann Boishardy

Neventioù ar strollad Kañfarded Lankeyla: ur pezh berr skrivet get Maria Prat a vez klevet en abadenn. Un atersadenn get Alan Hamon hag Hervé Lautroù aterset get Gwenvaël Delanoë (RKB).
C'hoari hockey en ur akwarium? Deverus marse, met komzet e vo ag an dra-se ivez. Muioc'h a zisplegadennoù get Mathieu André doc'h mikro Caroline Trouillet (an eskemm a-bezh oa bet skrivet en abadenn Tavarn Kreiz Mitin, àr RBG).
Adkavouit a rahet ivez Alan Goulwen er gronikenn Yec'hed, a-zivoud alzheimer.
Keleier ar vro: Aodren Théhin
Avel em fenn: Neshka
Teknik: Enora Molac

Reuz a vez graet get ar vengleuz andalouzit Imerys e Groñvel. Ur raktres brasaat a zo àr ar stern, faot a rahe d'an embregerezh toulliñ ur 4vet fos enno. Mouezhioù a sav enep, èl ar gevredigezh Mines de Rien. Muioc'h get JD Bourdonnay a sav enep ar 4vet fos, doc'h mikro Yann Boishardy (RKB).
Anavet eo an hockey genoc'h? E-dan zour e c'heller c'hoari ivez 'hat! Skipailhad Mathieu André e Montroulez a zo kampion Breizh. Klevet e vez hirroc'h a-ziàr beajoù ha krogadoù ar skipailh. Atersadenn get Caroline Trouillet.
Adkavit ivez Maël Gwenneg (FR3 Breizh) àr plato Yaouank ar servij publik e Roazhon a benn Disadorn.
Keleier ar vro: Erwan Blanchard (Arvorig FM)
Avel em fenn : Neshka hag Enora Molac

Un davarn kevredigezhel eo ar Mix Kafe. Livadur, lenn, urzhiataerezh, sonadegoù, festoù-noz setu un nebeut traoù aozet gete, e bro Oelo. Muioc'h get Anaïs Le Roux doc'h mikro Yann Boishardy (RKB).
Strollad hockey subakwatek Montroulez a zo kampion Breizh. Neoazh eh eus diaesterioù lec'h evit ma bleustrehe ar skipailh. Muioc'h get Mathieu André, doc'h mikro Caroline Trouillet (an eskemm a-bezh a oa bet skignet en abadenn Tavarn Kreiz Mitin ar blez paset).
Radio Bro Gwened pe RKB a zo bodet en ur rouedad radiooù anvet Radio Breizh. Muioc'h a-ziàr ar strollad get Tara Adeux, gopradez Radio Breizh karget a gehentiñ.
Keleier ar vro: Gwenvaël Delanoe
Avel em Fenn: Neshka hag Enora

Marteze oc’h kustumet da dañsal ba’r festoù-noz met en abadenn-mañ e z’ oc’h kaset ba nozioù du-dall gant ar skrivagner deus bro Oueloù, Fañch Rebours, en deus nevez embannet un dastumad danevelloù kriz hag an titl a zo Faust-Noz. Gant Fañch Rebours e vo anv eus al levr-mañ met ivez deus e labour skrivagner dre vras. Aterset eo bet gant Yann Boishardy, eus Radio Kreizh Breizh.
Eus lennegezh e vo kaoz ivez gant Herve Seubil Kernaudour hag a spluj al lennerien yaouank "Dindan Pavezioù Gwengamp", e romant leun a avañturioù ha kevrin. Aterset eo bet gant Tomaz Laken e Gouel Levrioù Breizh e Karaez.
Teknik : Gweltaz Heno
Buheziñ : Yann Boishardy