An divskouarn o nijal

Niverenn ziwezhañ ArMen gouestlet d'an hañv.

Bep c'hwec'h vloaz e tibun e Lokorn pirc'hirined an Dromeni vras, e-giz er miz-mañ. Abaoe muioc'h evit 2 000 vloaz 'vez kaset en dro al lid hir-mañ, a-hed daouzek kilometr. Da heul ar valeerien ez eus deuet arzourien er vro, ha taolennet eo bet gante Lokorn, he zud, he menez hag he zro-war-droioù, ouzhpenn da lid an Droveni vras. Un dibab deus o oberennoù zo bet bodet el levr kaer "Lokorn,an Droveni hag al livourien" bet embannet gant Locus Solus. Kenfardet eo bet gant Donatien Laurent, etnologour hag arbennig war glad kanet ha kontet Breizh, Armel Morgant, kazetenner ha Fañch an Henaff, grafour.

Arabat c'hwitañ Troveni Vras Lokorn. C'hoarvezout a ra bep c'hwec'h vloaz nemetken. Gant Marie-Jo Louboutin ha Maëlle deus ofis an douristelezh e Lokorn e vo kinniget Troveni Vras ar bloaz-mañ, buhez Sant Ronan hag ur brosesion kuzh...

En abadenn e vo komzet diwar-benn an ESK, ekonomiezh sokial ha kengred, da lavaret eo un ekonomiezh savet gant hag evit an den. Gant Yannig Robin, karget a gefridi evit kambr rannvroel an ekonomiezh sokial.

Deuet eo er maez ar bladenn FEST ROCK, ur sonadeg "live" gant Bagad Kemper hag ar strollad rock Red Cardell. Displegadennoù gant daou soner yaouank deus ar bagad: Erwan Ar Gars (taboulinoù) ha Thelo Mell (binioù bras).

Emaoc'h o vont da zizoloiñ chapel Kerineg, ur chapel koant-tre kuzhet war ar maez e Poulan. Gant Jean Bihan ha Jean-Claude Kerivel.

Emaomp e Ti ma Bro e Kerien e lec'h 'vez degemeret tud tapet gant kleñved Alzheimer. Penaos 'vez degemeret anezho ? Petra eo an Alzheimer ? Penaos gwellaat an traoù evit an dud tapet ? Respontet 'vo gant Marsel Moysan, maer Kerien, ha Iona Gauchet, bredloc'hadourez en ti.

Ur strolladig tud zo en em bodet evit adlansañ an obererezhioù e brezhoneg e Bro St Tos e Penn ar Bed. (lec'h zo ur mank sklaer: na skol na panelloù, na kentelioù noz....) Kentañ tra aozet d'ober kement all: ur pardon, d'ar sul 14 a viz gouere. Lou 'neus digemeret Gael Gourmelen ha Bertrand Gloagen evit kaout resisadurioù.

Penaos deskiñ brezhoneg e Naoned ? Hag ez eus diferañsoù etre deskadurezh ar yezh e Bro Gerne hag e Bro Naoned ? Petra eo stadt ar brezhoned ha sevenadur Breizh ahont ? Gant Julia, kenurzhierez ar gevredigezh Kentelioù an Noz, ha Melen, kelenner, e vo respontet d'ar goulennoù-mañ.

Gant Brendan Guillouzic-Gouret, unan eus krouerien ar strollad 44=BZH, e vo kinniget obererezhioù ar vodad, politikerezh Broioù al Liger ha stadt ar stourm evit an adunanidigezh.