An divskouarn o nijal

Gwechall e oa disammerien pe dreserien war ar maezoù, be 'zo c'hoazh un nebeut dionte met abaoe un 20 vloaz bennak 'vez klevet komz muioc'h mui deus an etiopated. Petra eo an etiopatiezh? Penaos e ya en-dro? Piv a ya da welet an etiopated hag evit peseurt poanioù? Peseurt studioù ranker ober evit dont da vezañ etiopat? Loeiz Guegen, etiopat yaouank staliet e Douarnenez a lar hiroc'h deomp...

Bloaz 'zo eo deuet 'maez AN TAN SKORNET, pladenn gentañ an daouad kan/akordeoñs Landat/Moisson. Ar C'haner Lors Landat hag ar gitarour Roland Conq, unan deus ar sonerien-all pedet war ar bladenn a gont hiroc'h deomp...

Breujoù Breizh ar Bonedoù Ruz.

CUMA Gant Jean-Louis LAOT

Un dibab a levrioù nevez gant Coop Breizh

Ar sorserez, Morgan, Vivian pe Karaboss, un dudenn boemus eo hag un dudenn faltazi ivez. Koulskoude eo bet devet miliadoù a verc'hed abalamour ma oant "sorserezed", e gwir amiegezed, medisinerez, merc'hed galloudus. Evit mont donoc'h e dizoloadenn istor ar sorserezed, selaouit gweladenn son Eurvezh ar sorserezed, un diskouezadeg staliet er C'Harter, kreizenn arz a-vremañ Kemper. Un abadenn e div lodenn.

Ar sorserez, Morgan, Vivian pe Karaboss, un dudenn boemus eo hag un dudenn faltazi ivez. Koulskoude eo bet devet miliadoù a verc'hed abalamour ma oant "sorserezed", e gwir amiegezed, medisinerez, merc'hed galloudus. Evit mont donoc'h e dizoloadenn istor ar sorserezed, selaouit gweladenn son Eurvezh ar sorserezed, un diskouezadeg staliet er C'Harter, kreizenn arz a-vremañ Kemper. Eil lodenn an abadenn.

Kenskrivadeg Rannvroel Sonerezh Breizh (pe ar C'hoñkour Interlise) a vo aozet er bloaz-mañ evit an 11vet gwech. Degemeret e vo al liseidi war ar renk hag an dañserien 'ba lise Felix An Danteg e Lannuon d'ar gwener 25 a viz Ebrel. Pal ar genskrivadeg-mañ, ganet e 1996, a zo broudañ ar sonerezh, ar c'han hag an dañsoù breizhat 'ba liseoù ar vro ha sikour ar strolladoù yaouank da vont pelloc'h gant ar sonerezh. Ar strollad a ya ar maout ganti a vez pedet da c'houde war leurennoù festivalioù an hañv...

Tony Foricheur ha Maïwenn an Nedeleg, izili deus ar strollad c'hoariva Piba a respont da c'houlennoù Lou Millour diwar-benn pezh-c'hoari nevez ar strollad. Penaos eo deuet mennozh istor Metamorfoz ? Penoas eo bet skrivet an destenn ha labouret war al leurenniñ ? Pelec'h mont da welet ha sikour ar strollad ? Respontoù en abadenn-mañ.

Yann Ar C'horr, paotr an akordeoñs kromatek en deus kroget da seniñ d'an oad a 15 bloaz gant ar strollad Karma. Tro ho peus bet sur a-walc'h da glevet ha da welet anezhañ war leurennoù ar vro gant ar strolladoù "Ideal Jazz Menez", "Elekridal" (Kreiz Breizh Akademi 3) pe c'hoazh "Ndiaz" hag a zo o paouez embann he fladenn gentañ...