D'ile d'aillou

Chantë Noua en Bertêgne, Chantë Noua en occitan, en franco-provençal, ou ben en Anglléz, chantë léz roué en Beljiqe, chantë la Ghillanée den l'payz de Gherande, anet nen caoze déz coutume de chantrie d'Noua den d'ilë d'âillou, vôtr emicion qi caoze déz muziqe coutumiere rassérée ilë e pé âillou.

Déz chanson dite en francâez, en normand ou ben core en angllâez, déz chanson conu de Ghernzè diq'ao Canta e déz Jig conu de Ghernzè diq'éz ile Shetland, c'é d'ilë d'âillou, vôtr emicion qi caoze déz muziqe coutumiere rassérée ilë e pé âillou.

Anet pour parti en voyaije, je pernons l'batè pour decouvri léz chantrie déz marin. D'un "shantey" anglléz à eune ronde à touâz pâs d'Normandie, déz chansons pour grayer léz vouèle déz batiao à d'aotr chanson pour qhurë léz run, c'é "d'ilë d'âillou", vôtr emicion qi caoze déz muziqe coutumiere rassérée ilë e pé âillou.

Je continuons le mouâz-ci notr voyaije à decouvri léz chantrie déz marin. De Tére-Neuve à la Vendée, de l'Ecosse à l'île Rodrigues, c'é "d'ilë d'âillou", vôtr emicion qi caoze déz muziqe coutumiere rassérée ilë e pé âillou.

D'eune chanson du Tarn qi sèrt à fere la garçâille saotë su léz jenouée à eune aotr du berry qi sèrt yèle à fere la garçâille dormi, d'eune chanson d'Aberdeen qi sèrt à jouë éz chanson de pâtou de Haote e d'Bâsse-Bertègne, j'caozons anet du répertouère de chanson à la garçâille mé etou du repèrtouère pour la garçâille den "d'ilë d'âillou", vôtr emicion qi caoze déz muziqe coutumiere rassérée ilë e pé âillou.

Vla ben déz maniere de mnë lé béte, qe c'é léz chfao, léz beû, léz vache, léz berbi e méme léz poule. Qe l'mënou chante ou ben q'i huche, ça peut qheuqe fae devni eune vrae tecniqe come parenpl le "raudage" den l'Pouétou, le "briolage" den l'Berry, léz bahotrie en Haote-Bertègne e pé le "kulning" en Suède. Pour decouvri c'q'on ouayet par dehô daotfae avant q'i n'dëvine le "trateur", c'é "d'ilë d'âillou", vôtr emicion qi caoze déz muziqe coutumiere rassérée ilë e pé âillou.

D'eune conpllinte du moyen-âje dite en danouâz à eune aotr conpllinte du 20eme siecl den l'peyz de Châtôberiant, déz istouère emayante, qi font donjë ou ben berië, e pé surtout qi nouz mëne en voyaije de l'Ardéche à l'Irlande, en pâssant par la Lozére, la Bertêgne, l'Anglletére e l'Danmark pour fini come à châqe fae éz'etat aguerouë, c'é "d'ilë d'âillou", vôtr emicion qi caoze déz muziqe coutumiere rassérée ilë e pé âillou.

Le 4 de septenbr 2013, JohnWright nouz qhitit. 4 an apré son defuntment, D'ilë d'âillou rend eune omaije ao grand ome-là. Cae q'ça tet sa calitë ? I nn'avet si tèlment : cherchou, rassérou, chantou, violonou, notou d'armonica, il'a méme ouvraijë su l'injénie déz muziqe du moyen-âje.

Den cete emicion, "d'ilë d'âillou" rfe le voyaije qe j'fite cete sézon 2016-2017 e rpâsse tout léz sujit q'on të vu : le pâs d'sète, Le repèrtouère rassérë den l'peyz de Piermè, léz chanson en dvizée, Nouè, léz rimandèle, la derouine, léz ère pour mënë la danse, l'avant deûz, l'ouvraije à Jean-Michel Guilcher

D'eune avant deûz notée à l'armonica den l'payz de Doul à eune avant deûz sonée ao violon en Vendée, dun tamm kreiz de Bâsse-Bertêgne à eune marchouâze du Haot-Pouétou, d'eune chantouere du bâs d'la Viene à eune chantouere de Begane su léz bord d'la Vilene, c'é "d'ilë d'âillou", vôtr emicion qi caoze déz muziqe coutumiere rassérée ilë e pé âillou.