Kreiz Mintin

Ni ya da bardon Sant Urloù e Langidig hiriv, Sant Urloù hag a aesa an Hurlou just-a-walc'h. Klevet 'vo div vouez o deus bevet e karter ar chapel, an daoù a gonta ar pardon, an dilhad hag ar marc'hadourion veze gwelet an deiz-se.

Hiziv eh aomp da Nignol, d'ober tro ar vourc'h e kompagnunezh Raymond an Du, doc'h Mikro Merwin Sauerbrey. Getoñ e vo desket ur bern traoù a-ziàr istoer ha buhez ar barrez-se ag ar Vro Pourlet.

Gérard er ch'unff n'en doe ket 16 vlez pa 'neus komañset labourat en ur farmasi, un ti-an-apotiker, betag e retret. Eñ 'oa o tebriñ er-maez goude skol pa zo daet ur gwaz da genig dehoñ ar labour-se ha Gerard 'noa asañtet. Eñ gonte toud doc'h mikro Loeiz konan.

Hiziv e vo komzet ag ar filajoù a veze graet en amzer gozh, e kompagnunezh Jude Le Paboul, a oa bet aterset get Monik ar Boulc'h e 1989. Ag ur bern traoù e vo komzet : an avaloù, ar c'hesten, ar sonennoù a veze kanet, an istoerioù a veze kontet, ha komzet e vo ivez a-ziàr an drouided hag ar relijion kristen.

Hiriv 'vo kaojet diàr-benn ar saout, ar re vez kavet er vro. Lucien Guegan a Noal Pondi a gomañs hag àr-lec'h 'vo klevet Maximin Evanno a Vuvri. An daou 'oa doc'h mikro Monique Ar Boulc'h. . Sonerezh : - Bugul Noz : La vache rousse - Lucien Guégan : Er glaouer - Amélie Auréart : Bep Mitin - Annie Ebrel : Olole.

Ni 'gerzh e bro Glazik hiriv ! Daniel Jekel 'gomze ag an droveni vihan hag an hani vras, e Lokorn hag a vez bep 6 vlez.

Diriaou paset peus klevet un abadenn diàr-benn Bro-Roumania. An eil lodenn a vo klevet hiziv. Dominik Allain oa bet aterset get Andrea ar Gall a-ziàr ar sizhunad en deus paset er vro-se, asambl get ur bare tud a vagad an Oriant. Komzet vo ag ar dziganed, ag ar yezhoù a vez komzet er vro-se, a bolitikerezh, ag ar skolioù, ha traoù arall c'hoazh.

Marcel Hybois neus labouret 25 ans dizan an douar kar eñ 'oa er SIMURA. Société Industrielle et Minière de l'Uranium hag a oa en Ingnel betag 1985 Marcel Hybois 'zisplege e labour doc'h mikro Monique Ar Boulc'h.

Hiziv vo klevet c'hoazh Eugène an Diagon, a Langedig, é komz ag ar voaiaj en deus graet er Sisil. Ar sizhun baset ema bet skignet lodenn gentañ an atersadenn-mañ, a oa bet graet get Andrea ar Gall, neuze eh aomp da selaou doc'h an eil lodenn hiziv. Komzet vo ag ar boued, ag ar manezioù-tan, ag ar labour-douar... ha komzet vo un tammig ag ar mafia ivez.

Ni vo e Gregam hiriv e kompagnunezh Lucien Galloudeg, en doa kontet da Gatrin Pasko get petra veze c'hoariet pa oa bihan. Hag e achumant an abadenn e vo klevet un istoer hag a zo anvet « ar maltouter hag ar siren ». Kontet oa bet get Stefani Gwilhom e Porzh-Loeiz e 1913, hag ema bet lennet hag enrollet e 2020 get Benoit Allaire, Jeanne Chevrel, Enora Molac ha Mazhev Coviaux.