Heklev an hañv

Hiziv e vezo graet anv deus ar festival Fenêtres Ouvertes a vez 'barzh un nebeud karterioù e Brest a-hed an hañv. Klevet e vo Mattéo Rolland ouzh mikro Pauline Daniel.
Lakaet e vezo ar gaoz war un diskouezadeg da gaout e Sant-Servez diwar-benn Yan' Dargent. Evit kaozeal deus an diskouezadeg-mañ eo bet roet ar gaoz da Ronan Hirrien evit mont pelloc'h gant an displegadennoù. Ur pennad-kaoz kaset gant Karolina Rufflé.
Lakaet e vo ac'hanoc'h da glevout ouzh un nebeud kaozeadennoù e brezhoneg bet enrollet gant Maelys Poublanc e Ploueskad. Ar gaoz 'oa troet war-zu an arz er chapelioù e Bro-Leon.
Evit echuiñ e vezo klevet ar gronikenn "Tu ha tu" gant Fulup Tangi diwar-benn ar gêr "mor". Ur gronikenn bet savet gant Ifig Kalvez.
Kinniget gant Pauline Daniel ha Maëlys Poublanc
Teknik an abadenn gant Erwan Uguen
Sonerezh : Hira Terra - Vurumbe
Lesneu - Sergio

Dindan an heol-pik e oa bet war-dro tri mil a dud o vanifestiñ e Gwengamp d'ar sadorn 17 a viz Even evit difenn ospitalioù publik ar vro ! E Gwengamp ne vez ket ganet bugale ken abaoe ar 26 a viz Ebrel, diwar diviz an ARS, Ajañs Rannvro ar Yec'hed. Hag emañ en pign ar surjianerezh jinekolojik ivez. Ur serradur berrbad hervez Ajañs Rannvro ar Yec'hed. Aon oa e chomfe kloz an ti genel bugale en tu all d'an hañv... Ha gant rezon pugur tri devezh war-lerc'h ar vanifestadeg e oa bet embannet gant an ARS e chomfe serr betek fin miz Here da vihanañ. Aon o deus ar sindikajoù ivez e vije serret en amzer da zont ar surjianerezh noz-deiz hag an urjañsoù...

Un toullad deizioù araok bepred e oa skoaz-ouzh-skoaz sindikalourien, dilennidi ha tud ar vro met ivez tud eus komiteoù difenn an ospitalioù publik e Breizh a-bezh ! O c'hortoz emañ an nen ur skrid sinet gant ministr ar Yec'hed da lâret pegoulz e vo addigoret ti-gwilioudiñ Pabu ha penaos e vo desachet amiegezed nevez da zont da labourat eno...

Efejoù fetis zo dija gant serradur servij gwilioudiñ ospital publik kreiz Bro-Dreger. E fin miz Mae e oa bet ganet ur poupig bord an hent bras. Ar vamm zo o chom e Gurunuhel, chouk da Wengamp, ha n'he deus ket bet amzer da dapout Sant-Brieg. Ganet he deus he merc'hig ba kamion ar bomperien...

Gael Roblin, dilennad e kêr Wengamp, en deus goulennet digant gouarnamant Kuba kas da Babu tud eus bed ar yec'hed eno da reiñ un taol-sikour e-pad ur c'hrogad. Respontet zo « ya » dezhañ gant kannati Kuba met ezhomm zo un dekred digant ar gouarnamant gall da aotren an dra-se...

Da glevout er reportaj : Gérard an Aheleg (senatour evit Aodoù-an-Arvor), If Jardin (eus komite difenn ospital Douarnenez hag eus ar genurzhierez vroadel da zifenn an ospitalioù publik tost d'an dud) ha div vanifestourez, Euridice ha Pauline.

Reportaj gant Tomaz Laken

D'ar merc'her 12 a viz Gouere e vo ur fest-noz e Skrigneg evit reiñ enor d'ar strollad Diaouled ar Menez. Bep bloaz e vez aozet ur fest-noz gant ar gevredigezh Gwechall Gozh Skrigneg hag ar bloaz-mañ eo bet choazet reiñ enor d'ur strollad mojennel 'n eus merket sonerezh Breizh adalek ar bloavezh 1972. Ifig Flatrez a oa war-eeun e studio Radio Kreiz Breizh evit komz deus aozadur ar fest-noz ha deus ar strollad.

Abaoe ar 26 a viz Ebrel n'eus ket bet ganet bugel ebet e ti-gwilioudiñ Pabu, tal-kichen Gwengamp ! Diwar un diviz digant Ajañs Rannvro ar Yec'hed he deus suspentet ar gwilioudoù en ospital defot kaout tud a-walc'h da labourat. Gallout a rafe bezañ addigoret ar servij, eme an ARS, ur wech kavet amiegezed, jinekologed-gwiliouderien ha medesined-anestezist da zont da labourat eno.

Met hervez soñj Komite difenn ospital Gwengamp e vefe tuet dileuridi ar Stad a-benn fin ar gont da heuliañ kinnigoù an danevell "Rossetti". Hennezh a erbede e miz Eost 2022 ma vije serret da vat an ti-gwilioudiñ ha servij surjianerezh an ospital.

Se zo kaoz emañ tud ar vro war varteze evit pezh sell dazont o servijoù yec'hed... Ispisial ar merc'hed-dougerezed a zo sañset gwilioudiñ er sizhunioù pe er mizioù da zont... Evel Rozenn an Dreo he doa roet he santimant deomp e miz Ebrel 2023... D'ar c'houlz-se ne vije ket gouvezet c'hoazh e vije "serret" an ti-gwilioudiñ betek fin miz Here da vihanañ.

Pennad-kaoz gant Tomaz Laken

Léa le Goff diwar-benn ar gouel In The Moon Fest aozet gant ar gevredigezh Planéte Pesto a vo dalc'het d'ar Sadorn 8 a viz Gouere e Pouldregad.
Vanessa Guillou eus Kenleur diwar-benn evit deiz-ha-bloaz Festig-noz Kemper, a vo d’an 8 a viz Gouere e Liorzh an Eskopti adalek 8e30 hag an darvoud Dañsit ‘ta a vo d’ar Meurzh 11 a viz Gouhere adalek 18e00 noz e kreiz-kêr Kemper.
Diskoachomp ar gevredigezh Secrets Toxiques gant Izabel Georges.
Kronikoù :
Karront Sant jakez : Hent Sant Jakez (1)
Penn kil-ha-troad : An troad
Skritell In The Moon Fest savet gant Hugo Raffray
Abadenn kinniget gant Marianne Vaidie

- Stajidi ar staj hañv aozet gant Skol an Emsav ha Kentelioù an Noz o deus aterset ar soner naonedad Gweltaz Adeux

- Stajidi ar staj hañv aozet gant Skol an Emsav ha Kentelioù an Noz o deus aterset ar soner naonedad Damien Mattheysses - Le Garrec
- Un nozvezh e brezhoneg e tavarn kevredigezhel La Dérive e Naoned

- Al livourez Gigi le Merdy
- Klub ar 27 kinniget gant stajiadezed staj hañv Skol an Emsav ha Kentelioù an Noz

Hiziv e vezimp e kompagnunezh Katerin Kerivel a zeuio evit lakaat ar gaoz war Gouel an Eost a vezo d'ar 14 a viz Eost e Plougouloum.
Da c'houde ez imp gant ur pennad all deus "En-dro d'al levrioù" bet kinniget e Kann al Loar 2022 gant Kristian Braz ha Fulup Oilo.
Keleier : Anton Burel
Kinniget gant Erwan Uguen
Sonerezh : Alpha Blondy - Wish you were here
Emezi - Diskar
Buena Vista Social Club - El cuarto de Tula

Heklev an hañv.
Emgav gant Caroline Mailloux e Plougastell da zizoloiñ he engravadurioù. Ouzh mikro Ifig Kalvez.
[https://www.instagram.com/bed.bihan.caroline/] (https://www.instagram.com/bed.bihan.caroline/)
Enor d'ar vreudeur Morvan. Pennadoù enrollet gant Erwan Blanchard goude obidoù Yvon Morvan.