Heklev an hañv
Radio Kerne
Heklev an hañv 08/08/2023
Hiriv e vo komzet deus un ispisiri nevez digoret anvet an Dour Splann, e Tregorn, war kumun Gronvel. Selouaet ‘vo ivez ur gronikenn Barzhaz diwar-benn al levr Renabl peuzhollek an netraouigoù skrivet gant Herve Gouedard hag e echuimp an abadenn o vont e atelier gwrian Karen Treguier e Plonevez ar Faou.
Heklev an hañv – 04/08/2023
Setu ho abadenn vintin Heklev an hañv d’ar Gwener 4 a viz Eost !
E program ho abadenn eo lakaet ar gaoz àr ur lec’h nevez e Konkerne… Ar C’honk Kreative ! Nolwenn Ilias he deus kemeret perzh e unan ag an atalieroù-se gant he mab. Kinnig a ra ar lec'h deomp. Ur reportaj get Metig Jakez-Vargas.
80 vlez zo get Bodadeg ar Sonerion ! Sonerion a lida an deiz-ha-blez-sen dre un diskouezhadeg e-pad ar festival etrekeltiek en Oriant. Didier Mercier oe doc’h mikro Yuna Kojan.
Ho frapad Keleier ar suhun hag ho kronikenn àr an endro oe savet get Metig Jakez-Vargas.
Sonerezhioù :
Viene de Mi - La Yegros
Arnaq - Elisapie
Me zo ganet - FLEUVES
Waiting for the stars - Vitalic
An abadenn oe kinniget deoc’h get Yuna Kojan.
Heklev an Hañv 03/08/2023
Da gomens an abadenn 'vo komzet deus an teatr gan Kristof Guilloux. Doc'h mikro Julia Moisan e konteï diam' penaos oe daet da desko an teatr da Bariz.
Padrig Drean displegeï diam ar lec'h ar goaj « Be zo mel en e ruchenn » gan ar gronik Tensor ar Brezhoneg komzet.
Goude se, e kinnigan deoc'h klevet an diell, kar Radio Bro Gwened zo daou ugent blé ! Neuzen, 'vo klevet an atersadenn hag oe bet enregistret gan Marie Laure Groix, e mil naouant cʼhwecʼh ha pevar ugent. D'hor he mikro, 'noe kontet Gwenolé Ar Men istor an teatr ba Breizh.
Pesa mod e halla maouzezed kavet ur plas er bed ar politik ? Setu ar sujet 'zo bet savet b'an abadenn Penad kaoz gan Enora Molac. Klevet vo neuzen, atersadennoù hag doe graet Yuna Cojean gan maouezed er bed ar politik er vro.
An abadenn Heklev an hanv vo dizor gan ar gronikenn Gwir eo pe Pas, savet gant Yuna Cojean,
Musik : Amourouzien menez bre, Marthe Vassalo et Philippe Ollivier / L'Atelier de l'artiste, Diese 3 / Plinn Foar Bulat, Gilles Le Bigot / Echate a la mar, Trio Samaïa
Heklev an Hañv 02/08/2023
Ar mintin-mañ e vezo graet un dro war-zu Plabenneg, e chapelig Lanorven, gant un diskouezadeg o lakaat war-wel oberennoù Nicole Ryan dindan anv ar gevredigezh "Arz er Chapelioù". Pauline Daniel 'zo aet e darempred ganti hag eo bet degemeret gant Jean-Yves Le Gall, ezel deus ar gevredigezh "Santez Anna Lanorven", kevredigezh bet e karg da reneveziñ ar chapelig.
Kinnig deus an darvoudoù a vo er vro en devezhioù o tont (festoù-noz, festivalioù...).
Da c'houde e vimp asambles gant Toutz eus an daouad Plouz & Foen evit ober anv deus ar priz kentañ tapet ganto 'barzh ar rummad a-vicher e Gouel Broadel ar Brezhoneg e Langonned.
Degemeret eo bet Gi Keltik gant Pauline Daniel evit lakaat ar gaoz war ur genstrivadeg savet gantañ evit ar Festival Etrekeltiek en Oriant d'an 10 a viz Eost o tont 'barzh tavarn ar Wesport Inn. Pal ar genstrivadeg a zo da lakaat da glevet lennadennoù barzhonegoù en iwerzhoneg.
Kronikenn Tu-ha-Tu savet gant Ifig Kalvez o reiñ ar gaoz da Fulup Tangi diwar-benn an dro-lavar "Ouzh torgenn".
Sonerezh :
Franz Ferdinand - Take me out
Plouz & Foen - Strakal
The Chieftains & Sinead O'Connor - The Foggy Dew
Un abadenn kinniget gant Erwan Uguen.
Heklev an Hañv 31/07/2023
Per Gourmelon eus ar gevredigezh La Obra diwar-benn an darvoud Au fil du temps hag obererezhioù ar gevredigezh e-kerzh an hañv.
Sulian Moello, liorzhour e park kastell Trevarez e Sant-Wazeg diwar-benn an obererezhioù d'ober er c'hastell e-kerzh an hañv.
Kronikoù :
Karront Sant jakez : Hent Sant Jakez (5)
Penn kil-ha-troad : An divronn
Abadenn kinniget gant Marianne Vaidie
Heklev an hañv 28/07/2023
En abadenn hiziv e vo klevet :
- Anna Mouradova, troourez en harlu, a erruo e Breizh hiziv
- Patricia Font, kannadez bet e breujoù an inizi Baleares diwar-benn ar venelouriezh e bro Spagn
- Yuna Kojan evit ur gronikenn war an endro
- Keleier ar sizhun
- Ajañda an dibenn-sizhun
Tonioù :
- Intiraymi gant ar c'haner LENIN
- Chañan Cori Coca gant ar ganerez Renata Flota
- Goomba Boomba gant an arzourez Ima Sumac
- Nothing compares 2 U gant Sinéad O'Connor
Un abadenn kinniget gant Metig Jakez-Vargas
Heklev an hañv 27/07/2023
En abadenn :
* Penaos rae ar mouezed ewit genel o fouponigoù gwezharall ? Pezh zisplega Monique ar Boulc'h deomp, doc'h mikro Jeanne Chevrel !
* Un istoer kontet get bugale skol divyezhek Kêr Nevez en Oriant !
* Mar a feson a zo de dreuzveviñ goude un trauma. Mar a ger a zo ivez evit komz ag an traoù, hag ar fed gellet komz a « feminisid » hiriv an deiz, estroc'h evit implijout « crime passionnel » a lak an traoù de vonet àr-raog ivez. Get ar gerioù hag ar skriviñ en doa Louis Bocquenet gellet ober e hent kaoñ. Er bleadoù 50 en doa kollet e zousig, Odile. Lazhet get un ex.
* Kronikenn "Gwir eo pe pas" get Yuna Cojean
Heklev an hañv 26/07/2023
En abadenn :
-Diskouezadeg Tolkien ha John Howe e kreizennn sevenadurel Leclerc e Landerne. Gant : Coralie Morieras, heñcherez, ha Loïg Jestin, ezel eus kevredigezh Istor Bev.
-Diskouezadeg "Douaroù fortun hag malfortun : hironaat kentañ emastenn an europiz etre ar XVIvet hag an XVIIIvet kantved". Heñchet e vimp gant Typhaine, a zo o labourat evit kastell Keryann.
-E fin an abadenn : kronikenn "Tu ha tu" gant Fulup Tangi, gouestlet d'ar ger "Laosk".
Heklev an hañv 25/07/2023
Ur sujed diwar-benn [Belle Fest] (https://www.radiobreizh.bzh/episode/57838) , ur festival e Benac'h d'an 29 ha 30 a viz Gouere aozet gant ar gevredigezh Les 10 Mondes, gant Awen Prigent, poder e Benac'h.
Un eil sujed war ar c'hamp sonerezh hengounel etrevroadel [Ethno] (https://www.radiobreizh.bzh/episode/57839) a zo bet e bro Sweden deus an 29 a viz Even betek ar 7 a viz Gouere evit ar re yaouank etre 18 ha 25 bloaz. Koulm Puilhandre hag Aziliz Laudrin o deus kemeret perzh ha kontañ a reont o veaj.
Ur gronikenn Ur blantenn, un istor gant Dorig Kraz o komz deus ar melchon.