Tavarn Kreiz Mintin

Donemat ba Tavarn Kreiz Mintin !
Hiriv ramp un taol-añse get un abadenn vev, get Jañlug ar Mouel ha Jeanne Chevrel !
--- Ni zo vont da gaojal diàr-benn Kerroc'h - Plañwour, get Elodie Jaffré aterset get Caroline Trouillet, diàr-benn an albom hag arvest "Kanour Mor".
---D'an 22 a viz Gwenolhoñ 'vo ur fest-deiz just-a-walc'h aze, hamp da gaojal ag ar fest.
---Ni 'glevey un archiv b'an achumant, François Maillet hag a oa martelod. Hennezh 'oa bet aterset get Loeiz Konan.
Muzik :
Kanour Mor : Kombat Tunis
Koublad Le Bot / Chervrollier
Youenn Kamm : Ojun

Mouezh Benjamin Bouard ho peus klevet er radio deja . Hennezh a laboure e radio Kerne ewid an abadenn Rodeier ! Bremañ emañ é chom e Pondi. Ar paotr en deus beajet pasabl, ha hiriv e konta unan hag e veaj deomp, àr an Enezi Feroe, etre bro Skos hag Island. Er lodenn getañ-mañ e kaoja deomp hag ar langaj aze.
Muzik:
TOS (strollad) - Tíð Og Ævinleiki (ouian ket penaos vez lâret…)

Gwall yaouank oe Guy 'pad an eil brezel bed kar eñ oe ganet e 1949.
Met sonjoù'neus da gonto deus ar c'houlz-se ba kêr Rosquerriec, sonjoù hag oe bet kontet dehan gan e genderv, Adrien.
Musik :Ar vatez vihan (feat. Aldo Ripoche, Jean-Marie Nivaigne, Dylan James)

Etre miz ebrel ha miz gouere, 'neus Guy ur bern traoù d'ober ba e jardin. Preparo an douar, planto pato ha pezh 'noe lakaet de gresko war e serre, rudello ha sec'ho ar fouenn..
Hiri e tisplega diam' peseurt mod ' rit evit nom okup deus e jardin, ha peseurt binvioù vez implijet gantan abaoé pell. Kar Guy rit "mod kozh", 'vel vije graet gan e dud cozh, ha gan e dud, gan binvioù douarn.
Musik : Fest noz Pellan, Eric Menneteau ha Youenn Lange

Diviniñ ba verna pesseurt kêr, ba verna pesseurt bro eh oc'h get pezh wellit tro-dro deoc'h, àr ur gartenn Google, setu pal an c'hoari internet "Geo Guessr". Un c'hoari vez c'horiet get Thibaut Lécroart hag ur yoc'h tud b'an Europe a-bezh ! Thibaut a zisplegay muioc'h deomp hiri petra eo ar gartenn Google hag an c'hoari-se.
Muzik
Pennoù Skoulm - Toniou bale deus Kreiz Breizh

Setu ar lodenn zevehañ get ar vasonerion mod kozh ba Roazhon ! Ni ya d'ober tro an ti-kozh emant o sevel en dro b'an 12 ru St Mikel. Ha Divi, Guillaume ha Yann a zispleg deomp model ar vasonerezh ba bro Roazhon. B'an achumant e ya da lâret Guillaume ur ganenn deomp !

Divi, Yann, ha Guillaume a zo masonerion ba Roazhon. E gwirionez Divi a re ar vicher-se e-tal e studioù eid bout "cryptographe", eñ zisplegay hiri petra 'ta eo ur c'hryptographe... Yann ha Guillaume a lâray deomp penaos int daet da vout masonerion hag diàr-benn an traoù farsus o deus kavet ba tier kozh Roazhon.
MUZIK
Armel ha Claude Le Gallic - ar masoner yaouank a barrez Melrand

Desko yezh ar sinoù, ha desko brezhoneg : petra 'halla bout heñvel entre an daou ? Clara Thabard 'lara diamp' he sonjoù diwar benn ar sujet-mañ.
Koajet vo ivez deus ar c'hiz hag vez gwellet an deiz a hiri da desko yezh ar sinoù evit kuminiko gan ar poupigoù, "bébésigne" vez graet dese en gallek.
Musik : 1 /An Tri Dipop - Mari-Louise (Laridé)
2 / Ivarh - Ar Gouloù Deiz

Start eo d'ar re vouzard chom war ar maez, pell deus kerioù bras. Clara Thabard 'displega diam' perak hiri.
Koazet vo ganti ivez deus ar "kansino", "Chansigne" vez great dese en gallek kar Clara 'deus savet un daouad gan Elouan Le Sauze, anvet "Dorn". Gan Elouan vez selaouet kanaouennoù e gallek hag e brezhoneg, hag gan Clara vez gwellet yezh ar sinoù warne.
Musik : 1 / Dorn, la marche nuptiale, https://www.youtube.com/watch?v=IiQy7b9B3eQ
2 /Ar verch Margaridig, Dièse 3 (feat. Aldo Ripoche, Dylan James)

Gan e familh 'doe tapet Clara Thabard ar c'hoant de desko yezh ar sinoù.
Pa oe arruet kozhoc'h, 'doe labouret evit ar servij publik, ba mediaoueg « Les champs Libres » ba Roezhon, ba mediaoueg Loudia, ba levraoueg Rostren, hag bomen ba Klegereg. Ba lec'hioù kulturel guis-se, 'doe klasket Clara savet abadennoù evit an tud vouzar.
'Ma kloted mad awalc'h ar c'hinnigoù sevenadurel gan ar re vouzar ? Clara ' gomzeï diwar benn an tem-se : petra 'halla bout graet ha changed evit aesaat an traoù dehe ?
Musik : 1 /KLEW, abadenn e brezhoneg, gallek hag e yezh ar sinoù gan Nolùen Le Buhé, Thumette Léon, Mathilde Chevrel ha Yuna Léon
2 / Kaourintin Bouzar, kanet gan Strullu (Mlle) ba Plozévet