Daouarn ha pri

Plij a ra da Awen Prigent, poder e Benac'h, ober ul liamm kreñv ha fentus a wezhoù etre e bodoù ha tassoù hag an natur.
Er gronikenn-mañ e tispleg penaos e ra tassoù stumm ur ruskenn gwezenn bezv hag ivez e gont penaos e sav e gwer anvet "buzug"

Awen Prigent a zo poder e Benac'h ha displegañ a ra deomp penaos e ra al livioù glas-gwer ha ruz, petra eo an engobe ha penaos en deus pep poder.ez e rekipe livioù.

Awen Prigent, poder e Benac'h, a zispleg penaos e boazh e bolennoù ha tassoù gant e forn gaz. Tapout a ra un nebeut eurvezhioù hag eo ret bezañ pasiant evit chom hep tapout ar podoù pa vênt re domm.

Awen Prigent a zo poder e Benac'h, evit ar gronikenn hiriv e tispleg penaos peurlipat un dassenn gwenn ha du ur wezh bet soubet an dassenn en amailh, ha kontañ a ra ivez ar preder en deus war ar fed e vefe faotet tassoù 'zo er forn ha penaos e aoz ar gouel evit 20 vloaz e stal boderezh.

Setu-ni e stal poderezh Awen Prigent e Benac'h evit diskouez penaos e vez lakaet ar gwiskad-gwer, pe amailh, war ar bolennoù ha tassoù. Gant Awen e vez implijet kalzig an amailh du evit diabarzh e tassoù ha bolennoù. Mes ivez e diabarzh e engravadurioù. Diskouez a ra deomp penaos e spluj e bolennoù en amailh dourek ha penaos e naeta anezho da c'houde evit leuskel an amailh en engravadurioù hepken.

Awen Prigent en deus ur boderezh e kreiz-kêr Benac'h. Alies e ped arzourien hag arzourezed da staliañ o oberennoù en e stal. Keit-se e kinnig dezho ivez tresañ war tassoù a ra evito.

Awen Prigent a zo poder e Benac'h abaoe tost dek vloaz. E-pad pell en deus treset gant an dorn tresadennoù bihan e karrez war bolennoù ha podoù a bep seurt. Abaoe un nebeud bloavezhioù e implij sielloù graet gantañ, mont a ra buanoc'h. Staliet int tout war un daol e korn e boderezh. Kont a ra deomp penaos e ra.

Bepred omp e poderezh Awen Prigent e Benac'h. Lakaat a ra ac'hanomp da glevet er gronikenn-mañ penaos e tres rozennoù war bolennoù.

Displeg a ra Awen Prigent, poder 'ba Benac'h deomp pezh a blij dezhan er c’hlinkadurioù mes ivez penaos e ra evit sevel ur volenn gant an dorn, hep an turgn, ar mekanik a lak ar pri da zreiñ.

Ur gronikenn lec'h ma zispleg Awen Prigent, poder e Benac'h, penaos e ra evit klinklaat ur pod dour mod Gavriniz ha petra eo ar stil Gavriniz.