Trouz er gêr

Ebenour eo Alan ar Penneg, bet digoret e atalier gantañ n'eus ket pell zo e Gwitalmeze.
Anvet eo e stal "Atalier Kalon". Kalon a zo ivez an anv roet da greiz ur c'hef.
A bep seurt 'vez graet gant Alan : arrebeuri, c'hoarioù koad, kinkladurioù…diouzh c'hoantoù ha goulennoù e bratikoù.
[https://www.atelierkalon.fr/br] (https://www.atelierkalon.fr/br)
En abadenn 'vo graet anv ivez eus raktres "Dastum Bro-Leon" ha "Dastum Breizh" diwar-benn Line Marne, ur ganerez vrudet e Plougerne". Danvez ul levr-pladenn a vo embannet en dastumad "Tradition vivante de Bretagne".
Kinniget gant Karolina.

"Charlez a Vro-C'hall, barzh breizhad" gant Nelly Blanchard.
Eontr ar Jeneral - memes anv ganto o daou - a gomze hag a studie brezhoneg.
Sparlet e Pariz gant ur c'hleñved 'neus ket bet tro gwech ebet da veajiñ betek Breizh. Med e Pariz 'neus desket brezhoneg hag eus Pariz 'neus ijinet dazont Breizh hag ar brezhoneg.
Kement-mañ a c'heller deskiñ en ur lenn al lizhiri bet kaset gantañ da Gervarker-La Villemarqué."
Gant Nelly Blanchard, kelennerez en UBO Brest, klaskerez e CRBC, skrivagnerez.
Da geñver "Kafe Brezhoneg Lesneven" gant Ti ar Vro-Leon ha Dastum Bro-Leon.
Kinniget gant Karolina.

Divizet n'eus Gwenvael Delanoë plantañ gwez war e dachenn e Plougraz. Ur mod eo evitañ kemer perzh 'barzh talãn ouzh cheñchamant an hin!
Gant Erwan Blanchard ha Karolina Rufflé.

Fin "Kafe Brezhoneg Lesneven" gant Yvon Abiven, diwar-benn "Kannadig Treglonou, istor ur person mestr war buhez e barrezioniz e bro-Leon"
Ren a rae Jakik Calvarin, Person Treglonou etre 1914 ha 1941, war e barrez evel ur roue en e rouantelezh. " Ar wirionez hep damantiñ " a oa e c’her-stur; e wirionez dezhañ e-unan evel-just !

Penn-kentañ ar pennad-kaoz gant Francis Favereau diwar-benn e levr "Istor ar brezhoneg skrivet".

Kinniget gant Karolina

An eil abadenn gant Francis Favereau.
Gant Karolina

Ur pennad-kaoz gant Francis Favereau diwar-benn e levr "Istor ar brezhoneg skrivet adalek ar penn kentañ betek an 18vet kantved", embannet gant Skol Vreizh.
Gant Karolina

Fellout a ra deoc'h labourat e-pad an hañv ? Ar gevredigezh "Arz e chapelioù Bro-Leon" a zo o klask heñcherien ha heñcherezed evit ober war dro diskouezadegoù a vo e miz Gouere hag e miz Eost. Roger Bossard a zo e karg eus chapel Lokrist a lavar hiroc'h diwar-benn ar plasoù-labour. Kinnig a ra oberioù ur gevredigezh nevez all ivez : "Spered Gwinevez". Ganti e vo aozet ur veilhadeg disul.
E-kerzh an abadenn e roimp deoc'h da selaou pennadoù-kaoz kozh diwar-benn istor chapel Lokrist : unan gant Paul Mesangroas ha Loeiz Elegoet ouzh mikro Ifig Kalvez hag unan all gant Roger Bossard ouzh mikro Karolina Rufle.
Un abadenn kinniget gant Maëlys Poublanc.

Al Liamm, niverenn 456, displeget gant Erwan Hupel a gustum skrivañ 'barzh bep kelaouenn "Istor sokial ar brezhoneg".
Klevet 'vo ivez Youn Gourvez diwar-benn e zanevell "Kameroun". Danevell gentañ Youn bet embannet 'barzh al Liamm.
Gant Karolina.

Penaos kuzuliañ ar c'houpladoù war an hilastaliñ ? Respont gant Marion Arnaud, amiegez e Landerne !
E eil lodenn an abadenn e vo klevet Aurelien ha Lomig eus "Thomas Bouloù". Gant ar gevredigezh-se e oa aozet un atalier e Brest evit gwriat e vragoù-bihan a domm ar c'helloù. Un doare evit chom hep kaout bugale.
Un abadenn kinniget gant Maëlys Poublanc.

"Intropection"eo titl eil pladenn studio "Keizo alone". A-dreñv an anv-se, un den, Yannig Kerouanton.
Pozioù e ganaouennoù hag ar sonerezh a vez savet gantañ, Yannig a zo soner gitar. Kinnig a ra 'barzh e bladenn tonioù dous gant gerioù fromus, levezonet ma z eo eñ gant ar pezh a pezh a vev er vuhez dre vras. Levezonet ivez gant e vicher, Yannig a zo kine e Kastell-Paol.