Trouz er gêr

Istor kevredigezh An daoulamm n'eo ket ordin !
Ar c'helenner kentañ war ar brezhoneg, Denez Bayard, a oa genidik eus Kalifornia... e kornog Amerika ! Gant Fañch Kastell ha Yann-Loeiz Ar Bod e tistroimp war istor ar gevredigezh staliet e Plougastell abaoe 1993. Estreget kentelioù brezhoneg a vez kinniget ganti ! E-touez kanerien ha kanerezed An Daoulamm e vo klevet Naig Daouphars, Gaëlle Kervella ha Denez Cochennec.
Div ziell vo da selaou :
- Un tañva eus ur valeadenn souezhus e Beg ar Vran enrollet gant Yann-Loeiz ar Bod e miz Even
- Laouig Karet ouzh mikro Erwan Blanchard en doa kemeret perzh e abadenn Bazhvalan er Feunteun Wenn e 2015
Embannet eo an abadenn gant maëlys Poublanc

E penn-kentañ miz Du e c'hwezhe avelioù spontus ar gorventenn Ciaran war douaroù Breizh. Erwan Blanchard a ginnig ar c'heleier war ar pemp radio e brezhoneg gant ar skipailh Radio Breizh en doa enrollet :

- Soazig Kerouredan a zo o chom war an aod e Porsal he deus deskrivet, an deiz war-lerc'h, efedoù an tourmant
- Aline Folgalvez, renerez skolaj Gwiseni hag a zo aet an didoenn gant an avel
- Gwenole Ollivier a zo bet skoet e vraserezh Distribilh e Plouider
- Edern Madeg a zo keuneutaer gant Brenn-Heskenn (Sant-Tonan)
- Erika Berthou n'he doa ket bet tredan e-pad 13 nozvezh (!) ha12 devezh e Hañveg
Gant Erwan Blanchard e tistroomp war efedoù ar gorventenn e hanternoz Penn-ar-bed.
Kinniget eo an abadenn gant Maëlys Poublanc

Gant Karolina.

Per ar Go, a Winevez, konter ha marvailher pase anavezet evit bezañ kemeret perzh 'barzh beilhadegoù ar vro.
Met estreget an istorioù farsus a zo 'barzh buhez Per ar Go!
Gant Karolina.

O paouez krouiñ hec'h embregerezh Heol al Loar e Plouvien emañ Christelle Chevallier-Gate. Kinnig a ra stummadurioù hag ambroug psikologel e brezhoneg. Estreget al labour 'zo avat ! Gant ar bsikologourez eo aet trede priz ar genstrivadeg skrivañ aozet gant Unvaniezh Skrivagnerien Breizh ar bloaz-mañ.

Embannet eo an abadenn gant Maëlys Poublanc

100 vloaz zo e oa bet roet lañs da luskad arzel ar Seiz Breur : un istor bet ganet er Folgoad pa oa en em gavet Jeanne Malivel, René-Yves ha Suzanne Creston. E koun al luskad-se e kinnig ar gevredigezh Pevarzek un diskouezadeg e Gourin betek ar 17 a viz Kerzu. Owen Poho ha Mathieu Le Guern, daou zizigner a zo o chom e hanternoz Penn-ar-bed a ziskouezo o labour. Displeget eo ganto petra a chom eus sell arzel ar Seiz Breur hiziv.

Embannet eo an abadenn-mañ gant Maëlys Poublanc.

---Yann Lars a oa labourer douar e Plouzane. E ziv verc'h o deus adkemeret e atant evit gounit legumaj bio. Bep bloaz e tegemeront skolajidi Kerallan evit displegañ dezho ar mod eo cheñchet al labour-douar a-hed an amzer.
---E-pad vakañsoù an Hollsent e oa kinniget un atalier sevel ur c'hlip e brezhoneg gant an aktour Kaou Langoët e Plougerne. Klevet e vo an aktour, bugale o doa kemeret perzh en atalier ha Marie Kalvez-Loncle eus Ti ar vro Bro Leon.
---
---Kinniget eo an abadenn gant Maëlys Poublanc

---Difennet e oa bet mont war draezhenn ar C'hurnig e Gwiseni abalamour d'ar bezhin glas e miz Gwengolo. Jakez ar Borgn zo o chom nepell ; enrollet e oa bet gant Erwan Blanchard.
---Son ar potojoù zo ur ganaouenn 'bet skrivet e 1944 gant Gabriel Henry. E genderev-kompez Andre Henry a gonto istor ar gavotenn-mañ deomp. Kanet e oa bet da geñver devezhioù ar glad e Plouneour-Menez ar bloaz-mañ. Aozet e oa an abadenn-mañ gant ar gevredigezh "Ploun'Patrimoine". Klevet e vo izili eus ar gevredigezh ivez : Paol Salaün, Ernest Gereeg ha Patrik Gouez.
---
---Embannet eo an abadenn gant Maëlys Poublanc.

Abaoe miz Mae eo digor Breizh Odisea e Landevenneg. Raktres an egorenn virdiouriezh zo bet dougenet gant ar gevredigezh Istor ha sevenadur Breizh. Andre Lavanant eo prezidant ar gevredigezh-se ha Mikael Kouteller zo unan eus hec'h izili. Asambles ganto e vo kinniget ar sal diwar benn kevredigezh, ekonomiezh hag endro Breizh. Andre Lavanant ha Mikael Kouteller a ginnigo an diskouezadeg verrbad "sonerezed ha sonerien Breizh" ivez.
An abadenn gentañ diwar-benn istor ha mojennoù Breizh zo da selaou [amañ.] (https://radiobreizh.bzh/episode/59146)
Kinniget eo an abadenn gant Maëlys Poublanc

Abaoe miz Mae eo digor Breizh Odisea e Landevenneg. Raktres an egorenn virdiouriezh zo bet douget gant ar gevredigezh Istor ha sevenadur Breizh. Andre Lavanant eo prezidant ar gevredigezh-se ha Mikael Kouteller zo unan eus hec'h izili. Asambles ganto e vo graet tro ar salioù a ginnig istor ha mojennoù Breizh.
An eil abadenn diwar-benn istor a-vremañ ha da-zont Breizh zo da selaou [amañ.] (https://radiobreizh.bzh/episode/59147)
Kinniget eo an abadenn gant Maëlys Poublanc.