Kreiz Mintin

Hiziv eh aomp da vale asambl get Jañ-Pol Runigoù e Kervignag. Andrea ar Gall ' oa bet é ober un droiad getoñ e karter an Treizh, àr vord ar Blavezh. Jañ-Pol en doa komzet ag ur bochad traoù liammet get an tachad-se : an diforc'h a oa etre tud ar c'harter-se hag an dud arall e Kervignag, penaos en deus chañjet ar c'harter bremañ, Tavarn ar Vretoned, ar valtouterion a veze aze betak ar brezel, an treizh kozh, ar sonennoù a-ziàr tud hag a zo bet beuzet er Blavezh gwezharall, bered ar bagoù kozh, hag ur bochad traoù arall c'hoazh.

Dec'h e oa Gouel Sant Dewi, gouel broadel Bro-Gembre. Just a-walc'h, hiziv eh aomp da selaou doc'h Germaine Chevillard, a oa bet aterset get Marie-Laure Groix e 1997 a-ziàr ar boaiajoù he deus graet er vro-se. Ha goude e vo komzet a-ziàr Bro-Iwerzhon get Momo Jouanno, a zo bet é chom hag é labourat er vro-se e-pad seizh vlez. Komzet vo ag ar skolioù, ar yezh iwerzhoneg, an tele, ha traoù arall c'hoazh.

Hiziv eh aomp d'ar Vro Pourlet hag eh aomp da selaou doc'h Marcel Jaffré, a oa bet aterset get Merwyn Sauerbrey e 2011 a-ziàr an amzer gwezharall e parrez Sant Karadeg Tregomel. Hag e achumant an abadenn e vo klevet un istoer hag a oa bet kontet get Stefani Gwilhom e Porzh-Loeiz e 1913. An istoer-se, a zo anvet « Ar verc'h hag an daou ozegan », a zo bet kontet hag enrollet e 2020 get tud ag ar radio hag ur skipailhad tud a-volantez vat : Enora Molac, Benoit Allaire, Brewal Runigoù, Momo Jouanoù, Gregory Evenas, ha me, ha frammet get Jeanne Chevrel

Hiziv eh aomp da Bloue, hag eh aomp da glevet Herri ar Borgn, a oa bet aterset get Merwyn Sauerbrey e 2012 a-ziàr ar levr « Brezhoneg ar Skorf » a oa bet skrivet getoñ hag embannet get Skol Vreizh e 2011.

Albert Pechard a oa bet aterset get Monik ar Boulc'h e 1990 a-ziàr parrez Klegereg. Komzet en doa ag an traoù a oa bet savet pe kempennet a-nevez er gumun en amzer-se, hag a-ziàr ar chistr-per a vez graet en tachad-se. Sonerezh : Bagad kerlenn Pondi - Manez Gwenn Erik Marchand ha Taraf Karansebes - Pardon Klegereg Kerbedig - Kost-ar-c'hoad Aziliz ha Maina Audran hag Eflamm ha Ninnog Louis-Vorc'h - K'rollomp a laride

Klevet ' vo div atersadenn ' oa bet graet get Marie-Laure Groix e 1998. Klevet ' vo Yannig Madeg é komz ag e vicher labourer-douar, ha Serj Bozeg é komz ag an traoù ' vez moaian gober get ar bezhin. . Sonerezh Dir ha Tan - An dudchentil hag ar peizant Yao ! - An dro Denez Abernot - Gwerz ar vezhinerien Roland Becker - Tachenn glas

klevet ' vo Amandine Drean, 'oa bet enrollet get Monik ar Boulc'h e Lokwal-Mendon e 1991, é lenn istoer ha profesioù ar Roue Stevan. . Sonerezh : Yao ! - Porspaul Dir ha Tan - Sonennoù kozh Janvier-Durassier - Comme vou'l'voul Katrin Pasko - Laridenn mod Karnag

Klevet 'vo François Louis ha Loeiz Beleg, aterset get Marie-Laure Groix e 1996 ha 1997, é komz a-ziàr an amzer o deus paset e Bro-Gembre hag a-ziàr ar c'hembraeg.

Buhez Georges Cadoudal kontet get Jorj Belz

Hiriv 'vo klevet tud a zisave yér ewit bout debret hag ivez o vioù. Da gomañs e vimp e kompagnunezh Marie jarno a bareez Batlame hag goude Jo Hamonic a Silieg, an daou aterset get Monique Ar Boulc'h er bleioù 90. . Sonerezh : - Marie Jarno : P'oen é pasein - Marie-Ange Conan : me meus ur yarig wenn - Antoinette Govic : me mamm doé ur yar - Eben : Ar Yarig