Kejadenn
Radio Naoned
Kejadenn Erell Couedel
En abadenn Kejadenn e yimp da-heul bed Erell Couedel, ar sonrezh elektronek. Dj a-vicher eo-hi dindan an anv Couedasse, ha deuet e oa da Naoned da vare gouel eletronek Scopitone. Eus he micher, an doare ma c’hompoz he setoù hag eus ar c’henstrolloù m’emañ hi perzh a vo kaoz neuze.
Kejadenn Tanguy Philippe
Pennad-kaoz gant Tanguy Philippe, mestr-prezegenner e skol-veur Naoned, er gevrenn STAPS, sport ma karit, hag en INSPE, evit stummañ an danvez kelennereienezed.
Gantañ e lakaimp ar gaoz war e dezenn liammet ouzh ar gouren, hag ar gourenoù dre ar bed, ar c’henlabour etrebraodel, hag an doareoù deskiñ ha kelenn. Krogomp diouzhtu gant ar mod m’eo aet war ar vicher kelenner
Kejadenn Eurofonik
Da vare gouel an Eurofonik e vez dalc’het un devezh preder hag eskemm micherel gant holl oberourien hag oberourezed an dañsoù ha sonerezhioù hengounel e Breizh, bro-C’hall hag Europa zoken. Sonerezed, kanerien, programatourezed, teknikourien son hag an holl dud all a-vicher pe amatour a gemer perzh en emgav.
Tem preder ar bloaz-mañ a oa savet diwar ar goulenn « Penaos emañ kont gant ar bal ? » evit stadañ an traoù ouzhpenn 2 vloaz goude enkadenn ar c’hovid.
D’ar goulenn e oa bet klasket reiñ ur respont dre bevar atalier disheñvel.
Klevet e vo ganeoc’h Erwan Lhermenier, Sterenn Toscer, Elouan le Sauze, Rozenn Taleg ha Pierre Rio peogwir e oant bet pedet da gomz d’an atalieroù pe peogwir e labouront en-dro d’ar micherioù-se.