E pleg an hent

Er brederouriezh e c'heller lenn ez eo termenet an dud hervez o c'hoantoù. En gwirionez, e seblantomp muioc'h evit e vezomp, setu ne chom nemet hon c'hoantoù, hon dibaboù a c'hell termeniñ piv omp. Clément Guillanton, psikologour a zispleg tout-se deomp.

Diaes eo evit an dud o vezañ en ur stad psikotek dont a-benn da gaout c'hoantoù gwir ha lakaat anezho en pleustr ken kreñv eo ar gwask a santont deus perzh an dud tro-dro dezho. Clément Guillanton, psikologour e Montroulez a lâr deomp an diforc'h etre c'hoantoù an dud en un nevroz hag an dud en ur psikoz.

Clément Guillanton, psikologour e Montroulez a gomz deomp deus an TCC, Thérapie Comportementale et cognitive. Ar stumm-se da soaniañ an dud a lak ar bouezh war azonoù, simptomoù an dud muioc'h evit abegoù pe doareoù prederiañ ar re-se. Evit Clément, n'hall ket bezañ un doare da sikour an dud lakaat un niver a zevezhioù resis evit ma cheñchfe an den hervez pezh a c'hortoz ar gevredigezh deus e berzh.

Kerzh ar c'henfinañ eo bet komzet kalz deus diaester ar re yaouank da c'houzañv pezh a c'hoarveze. Evit soaniañ an holl dirak an enkadenn ha trauma ar bac'hañ eo bet lakaet e plas gant ar gouarnamant an dispositif Mon Psy. Ret e oa d'an dud mont da welet o mezeg evit kaout un ordonañs da welet ar psikologour 8 gwezh digoust. Evit Clément Guillanton, psikologour e Montroulez ne oa ket un diskoulm vat. Displeg a ra perak er gronikenn-mañ.

Pezh a vez anvet an diemskiant, pe inconscient e galleg, a zo lodenn an dud a rank ar psikologour santout evit lakaat anezhañ pe anezhi da vont war-raok. Penaos e tremen an traoù evit gellout tizhout ha klask kompren lodenn-mañ empenn an dud. Setu respontoù Clement Guillanton, psikologour e Montroulez.

Evit Clement Guillanton, pezh 'vez anvezet QVT e galleg flour, Qualité de vie au travail, a zo un doare da wareziñ an embregerezhioù war an droug a c'hellont ober d'o implijidi, dreist holl pa ne glot ket al labour ken gant c'hoantoù an dud.

Ha peseurt pouez en deus ar gevredigezh evit lâret d'an dud neuint da vezañ eürus ? Petra eo sell ur psikologour war an dra-se ?
Pa vez ezhomm amzer alies da brederiañ, ar sistem kapitalour a c'houlenn gant an dud labourat ordin hag e c'hell servijout ar psikologour evel un doare da c'hounit amzer.

Pa n'eo nemet ar bredour amañ evit souten an dud peogwir 'n eus ket voaien da bareañ 'ne da vat, pe pas diouzhtu, penaos e ra pep bredour evit gouzout souten an dud ? Ha da betra servij mont da welet ur bredour neuze ? Setu respontoù Clément Guillanton, psikologour e Montroulez.

Petra eo an diforc'h resis etre ur bredour, psikologour, hag ur bredelfenner, psikanalist ? Daoust hag eo ret kaout traoù da ziskoulmañ evit mont da welet ur bredelfenner ? Ha petra e c'hell degas deomp ? Setu respontoù Clement Guillanton, bredour klinikel, psikolog klinikel e Montroulez.

Clément Guillanton a zo bredour, psikologour e Montroulez. Kontañ a ra deomp e sell war ar rol en deus da gaout dirak skoulmoù pe kleñvedoù an dud a teu da welet anezhañ. Pa vez tud o tont just evit bezañ frealzet pe reoù all a zo tapet mat gant kudennoù korf hag empenn 'blam d'an anken, e vez ret d'ar medisin kaout ur c'hempouezh evit bezañ gante ha henchañ anezho trankilig.