An divskouarn o nijal

Hiziv emaomp asambles gant Albert Ricard er Zent, evit dezhañ kontañ deomp deus ar c'hwec'h miz 'noa graet en Aljeri er bloavezh 1956, pa oa bet kaset eno daou zevezh goude bezañ dimezet. A-benn neuze 'oa komañset ar brezel dija, met ne oa ket ken kri c'hoazh evel 'oa bet goude-se, ha setu ne oa ket bet dav dezhañ tennañ gant e fusuilh morse.

Pevar bloaz 'oa bet Ana-Vari Wloagen o chom e Tiaret en Aljeri, e menezioù an Atlas, er bloavezhioù 70. Bet 'oa bet kaset eno evel kenoberiantez, da zeskiñ galleg d'un nebeut re yaouank. Benjamin Bouard zo bet oc'h en em gavout asambles ganti e Langoned, evit dezhi kontañ he soñjoù deomp ha lâret deomp penaos oa an traoù er vro, dek vloaz goude ma oa achu ar brezel.

Deus Nedeleg a vo safaret deoc'h ar wech-mañ ! Daniel Jéquel zo bet o labourat e RBO e-pad bloavezhioù ha setu en deus bet digarez da glevet a-bep seurt traoù deus ar mod ma veze graet Nedeleg gwechall e Breizh-Izel. Kontañ a raio deomp penaos veze graet Nedeleg e « Belle-Ile » (er Gêrveur), pe penaos oa an oferenn da nozvezh ar Pellgent, ha kontañ a raio deomp c'hoazh e soñjoù dezhañ, pa oa-eñ yaouank. Div ganaouenn a gano deomp ivez.

Yolande Tirilly 'noa desket peñturiñ pa oa aet war he leve un nebeut a vloavezhioù 'zo bremañ. A-bep seurt livadennoù a ra, pe gant liv ha dour (aquarelle) pe gant peñtur-eoul (peinture à l'huile). Ul levr 'noa embannet e 2015 memes, da ziskouezh he labour d'an dud. Benjamin Bouard a zo bet 'n'im gavet asambles ganti e Pouldregat, e-kichenn Douarnenez. Ur bern traoù 'neus da zeskiñ deomp !

Pouldahu a zo ur c'harter deus Douarnenez. Deus an tu all d'ar stêr emañ, war an hent a ya etramek Poullan. Met etre an daou vrezel 'oa bet ur gomun hag ur barrez ! Dispartiet 'oa bet deus Pouldregat er bloavezh 1919 ha staget oa bet deus Douarnenez d'ar 14 a viz-Even 1945. Ha cheñchet eo an traoù abaoe ! "Mor Pouldahu" zo dispariset, n'eus ket pesketour ebet ken ha ne chom ket kalz bagoù e porzh Pouldahu ken. Henri Le Bars zo ganet e Pouldahu, e Brungwenn, e-kichenn chapel Sant-Wendal. Benjamin Bouard zo bet oc'h en em gavout asambles gantañ, evit dezhañ kontañ deomp istor Pouldahu : ar reuz etre ar re wenn e Pouldregat ha republikaned Pouldahu gwechall, ar besketourien, ar foar ...

Ur c'hresk eksponantel a zo gant ar stal Amazon e bro C'hall, hag emañ stal Jeff Bezos o paouez prenan douaroù e Brieg, e kichen Kemper a-benn sevel ur greizenn degasadennoù. Rannet eo an dud e Kerne Izel war sujed Amazon. Da gompren un tammig gwelloc'h petra zo da c'hortoz deus ar stal, ha da gontañ domp penaos e vez kaset an eskemmoù etre an dilennidi lec'hel ha pennoù braz ar stal, e vo klevet un nebeut tud en abadenn-mañ, dilennidi ha stourmerien. Uisant Kreker a zo dilennad ar muian niver nevez e kuzul kêr Kemper, bez-prezidant en karg deus an demokratelezh. Aterset eo amañ gant Erwan Blanchard. Marc Andro a zo kuzulier kêr Kemper ivez, hag eñ bez-prezidant ar gumuniezh kumunioù en karg deus Dedenn an Tiriad ha deus al Lusk e Kerne. Bernez Rest a oa war ul listennad enep en dilennadegoù, ul listennad ekologour kaset gant Martine Petit. Hag e vo klevet c'hoazh tud bet vanifestiñ e Brieg a enep ar raktres.

Perzh eo Aziliz Peaudecerf, ur studierez yaouank e IUT kazetenniñ Lannuon, deus ar gevredigezh Jets d'encre, a sikour, a vod hag a zifenn ar mediaioù gant tud yaouank e Bro C'hall.

Ur miz 'neus kaset Aziliz Peaudecerf e Island pa oa 16 vloaz gant ar raktres mont da atersiñ tud bro Island war ar venelouriezh en o bro. Disoc'h he labour a zo o vezañ troet e brezhoneg ganti ha skipailh Radio Kerne hag e vo skignet war hon gwagennoù e penn kentañ 2021. Displeg a ra da Vorgane Bramoullé penaos eo deuet da veajiñ e Island.

En deiz-hiziv ne ouezer ket ken en em okupiñ deus ar re varv. Paeet 'vez tud all d'ober war o zro. Met penaos 'veze graet war ar maez, pa ne oa ket c'hoazh na funerarium na netra e-giz-se evel zo bremañ ? Cheñchet eo an traoù. Ne vez ket klevet kaoz ken na deus an nouenn, na deus an nozh-veilh. Ne vez ket kaset kelou ar marv ken deus un eil kêr d'eben. Bet omp bet e Pouldregad oc'h en em gavout asambles gant Alice ar C'hozh, evit dezhi safaret deomp deus ar mod 'veze graet war-dro ar re varv gwechall, goude ar brezel beked ar bloavezhioù 60.

Kalz traoù a zo cheñchet e bourc'h Pouldregad abaoe ar brezel ! Gwechall ne oa ket muioc'h a dud matreze, met muioc'h a stalioù a oa sur ! Betek tri-ugent micher a zo bet du-hont ur mare zo bet. Bet omp bet oc'h en em gavet asambles gant pemp den deus ar vro, evit dezho kontañ o soñjoù deomp, pa oa c'hoazh buhez er vourc'h : Yolande Tirilly, Alice Le Coz, Roger Gentric, Yves Pouchoux hag Henri Le Bars